Skip to Content

Blogs

Recollida selectiva de residuos

No pasado mes de outubro botou a andar unha das actividades que o equipo consideraba prioritaria: a recollida selectiva de residuos.


Coa colaboración de toda a comunidade educativa, facemos unha separación de residuos nas aulas, separando envases, papel e cartón, materia orgánica e material escolar.


Para tal fin o centro adquiriu uns colectores de gran tamaño e instaláronse tres pequenos puntos limpos dentro do edificio (un por andar) coa colaboración de Ecoembes, quen remitiu depósitos para papel e envases.


Colectores mercados polo centro.


O alumnado xestiona os envases e o papel e cartón, facéndose unha recollida conxunta os xoves para os envases e os venres para o papel e cartón, no que o alumnado de quinto e sexto de Educación Primaria colabora co alumnado de Educación Infantil e co traslado dos residuos aos colectores exteriores.


Alumnado do centro depositando residuos.


A maiores, contamos coa colaboración do persoal de limpeza, quen se encarga a diario de xestionar o lixo orgánico.


E por último, en cada recreo saen ao patio dúas patrullas ecolóxicas, conformadas por alumnado de terceiro e cuarto de Educación Primaria. Estas patrullas non só manteñen o noso patio máis limpo recollendo restos que poida haber nel, se non que tamén asesoran e axudan a todas aquelas persoas que non saiban que facer cos seus residuos.

 

Patrullas ecolóxicas en acción.


Dende o Equipo de Reciclaxe e Medio Ambiente estamos encantados co traballo que están a desenvolver todas e todos!

Somos Voz Natura

Voz Natura | CEIP Plurilingüe Ría do Burgo

O CEIPP Vicente Otero Valcárcel foi finalmente seleccionado para participar no proxecto Voz Natura co noso proxecto Carral Sostible. Deste xeito somos un dos 373 centros seleccionados, o que nos axudará a desenvolver o noso proxecto e darlle maior difusión.

 

Velaquí o cartaz desta edición:

En breve seguiremos contando máis cousas que temos entre mans!

 

Premiados/as no día das Bibliotecas Escolares

Como é de costume, no día das Bibliotecas Escolares, celebrado o 24 de outubro de 2023, entregamos uns agasallos aos alumnos e ás alumnas máis lectoras do curso pasado. Neste curso os premiados foron: Mara (6ºB), Sebastián (3ºA) e Alba (6ºB).

Noraboa a estes/as compañeiros/as! Moi merecidos estes premios!

 

 

O primeiro Consello da Infancia

O 11 de outubro de 2023 levamos a cabo o primeiro Consello da Infancia deste curso 2023/2024. Nel, desvelamos o título e a temática do noso PDI deste curso, "Todas e todos temos unha historia que contar". Os representantes do Consello da Infancia estiveron analizando unhas fotografías misteriosas que apareceron pegadas polos corredores do cole. 

De novo movemento extra nos recreos!!!

De novo temos en funcionamento o movemento extra nos recreos cos RECREOS DEPORTIVOS!!!

Para os nenos e nenas de 5º e 6º de Primaria, nesta ocasión coa práctica dos deportes de Dachtball e Balonmán.

 

Elas contan historias

O luns 16 de outubro, celebramos o Día das Escritoras a traveś da nosa actividade "Elas contan historias". Cada grupo escolleu a unha escritora e unha das súas historias para ir lerlla a outra clase do mesmo nivel. A cambio, a outra aula debía elaborar unha folla de outono (aproveitando a estación) incluíndo unha fotografía e información sobre a escritora da historia que lle leron. 

Aquí podedes ver os resultados da nosa actividade!

Espero que vos guste!

 

Veña, que vai collendo xeito...

Pois xa vedes que seguimos coas boas accións. Estes peques ( e non tan peques, jeje ) non paran !!!

Animádevos !!! Temos que acadar que chegue ao corredor da primeira planta !!!

 

 

 

 

 

 

Animándonos a participar no club de lectura

O 9 e 10 de outubro de 2023, varias alumnas de 6º de educación primaria que partiparon no club de lectura "Faragullas de papel" no curso 2022-2023 viñeron animar ao alumnado de 5º de educación primaria a que participasen este curso no club. Léronlle un libro titulado "Cando leo" de Eva Mejuto para que os nenos e as nenas de 5º de primaria descubrisen o que pasa cando len.

Estas alumnas foron: Carmen e Sabela Budiño de 6ºA; Mara, Alejandra e Cayetana de 6ºB e Ainara de 6ºC.

Moitas grazas por esta labor!

 

Campaña de captación "Tecedoras de versos"

Para animar aos nenos e nenas de 4º de EP a anotarse no club fomos polas clases coas listas e lendo o conto de Maruchi.  Tecemos versos? Ganduxamos coma Maruchi? 

Presentación Reciclaxe e Medio Ambiente

Benvidas e benvidos ao espazo de Reciclaxe e Medio Ambiente!

A Organización das Nacións Unidas fixo recentemente un chamamento á acción global para rematar coa pobreza, protexer o planeta e garantir que todas as persoas gocen de paz e prosperidade.

A escola non é allea a esta realidade, nin ás necesidades de preservar o planeta, e é por iso que esta iniciativa ve a luz, como mostra do compromiso da comunidade educativa para co medio ambiente.

O primeiro paso a dar, foi a instauración dun sistema de reciclaxe no centro. Toda a información ao respecto está recollida na seguinte presentación:

 

 

En breve iremos desvelando máis información da nosa actividade!

CADEA DE BOAS ACCIÓNS.

      Pois imos coa primeira iniciativa do curso. En colaboración co Equipo de Convivencia, decidimos pór en marcha, aproveitando o PDI deste ano, a nosa Cadea de boas accións. 

           Consiste en ir recollendo as pequenas historietas, accións ou  feitos que acontecen no día a día no colexio, e que resaltan os valores máis positivos ( altruísmo, xustiza, empatía, cooperación...), nun cachiño de papel. Logo iremos engadindo outro cachiño, e outro , e outro... a modo de chanzos dunha cadea que percorra os corredores do colexio. 

           Para rematar, intentaremos expor todas estas accións nun gran mural para que todos e todas poidamos ver o gran corazonciño que posúen os nosos peques. 

           E o primeiro chanzo di asi...

 

 

cadea valores_1.jpg

COMEZAMOS !

         Benvidos e benvidas ao blog de Dinamización da Lingua Galega (EDLG) no que trataremos, ao igual que os anos anteriores, de potenciar o uso do galego en toda a comunidade educativa e, moi especialmente, na rapazada do centro. 

          En primeiro lugar, gustaríame presentarvos aos membros do equipo. Este ano formamos parte os seguintes mestres e mestras: 

COORDINADOR:

Carlos Rodríguez Rodríguez – Educación primaria (2ºC).

 

COMPOÑENTES:

Manuel Meijide Cao – Educación Infantil (4ºA).

Pilar Meneses García – Educación Infantil ( Apoio).

María García Calvo – Educación Primaria (1ºB).

Beatriz Moscoso López – Educación Primaria ( 3ºC).

Alba Mª Rivas Candal Educación Primaria (6ºA). 

Primeiro programa de radio deste curso!

Aquí vos deixamos o primeiro programa de radio deste curso 23/24, un programa moi especial xa que anuncia que gañamos o 3º premio nacional polo club de lectura "Faragullas de papel"! Animádevos a participar nel seguindo as instrucións que vos dan a continuación algúns dos seus membros. 

Biblio aberta!

Dendo o luns xa está a nosa biblio chea de vida! 

Distribuir contenido


by Dr. Radut