blog de EDLG

PROPOSTA PARA O MÉRCORES 13 DE MAIO: ESCAPE ROOM.

Ola a tod@s!!

Aquí vos deixamos uns xogos moi sinxelos e entretidos para seguir aprendendo sobre Ricardo Carvalho Calero. Seguide con moita atención as instrucións e chegaredes a descubrir algún segredo!

Deixámosvos dúas propostas, unha para os máis pequenos e pequenas da casa e outra para os máis maiores:

Infantil:

Primaria:

Bulide!!

Que seguro que vos van gustar!!

ANO RICARDO CARVALHO CALERO. DÍA DAS LETRAS GALEGAS 2020

blogue de patricia

PROPOSTAS PARA A SEMANA DAS LETRAS GALEGAS

Este domingo 17 de Maio celébrase o día das Letras Galegas.

Desta volta dedícaselle a Carvalho Calero, gran sabio de Galicia e un home que fixo moitísimas cousas na súa vida.

Se non sabedes todo que fixo na súa vida podedes ir descubríndoo día a día neste calendario interactivo creado pola mestra Azucena.

Aquí vos quedan os enlaces!

Para Educación Infantil:

Para 1º de Educación Primaria:

Para 2º e 3º de Educación Primaria:

Para 4º, 5º e 6º de Educación Primaria:

Agardamos que vos preste!!!

Apertas enormes!!!

blogue de patricia

Propoñémosvos que esta fin de semana vos animedes a CONSTRUIR O VOSO PROPIO MAIO para conmemorar a explosión da primavera e tamén que parece que podemos volver a desfrutar da natureza. Se vivides na aldea podedes recoller flores e plantas como fiuncho ou fentos e construir un, se vivides nun piso facede un debuxo ou recreade un maio con cousiñas que teñades pola casa e mandádenos as fotos ao correo javier.gayoso@edu.xunta.es. Con todas as recibidas montaremos un vídeo de benvida á primavera e ao mes de maio. Que vos parece? Aquí vos deixamos un vídeo explicativo de como se fai un elaborado polo Padroado da Cultura do Concello de Narón. Despois se queredes poderedes xogar coa ruleta que deseñamos sobre esta temática, dádelle ao botón de comezar. O prazo para a entrega de fotos é de todo o mes, ata o 1 de xuño.

blogue de patricia

CANTIGA DO ENTROIDO

Aquí tedes a letra da canción (música e letra) que sona por megafonía para as entradas e saídas: fusión galego-flamenca.

blogue de patricia

MANDADIÑOS DO MECO

blogue de patricia

LEO POR DEPORTE: PARAOLIMPÍADAS.

Comezamos o Proxecto Documental Integrado do Centro adicado este ano ás OLIMPIADAS e que leva por título "LEO POR DEPORTE" celebrando unhas paraolimpíadas un pouco especiais. A mascota da biblio enviou ás clases libros e películas relacionadas coa atención á diversidade e a inclusión educativa xa que o Día 3 de Decembro se conmemora o Día das Pesoas con Diversidade Funcional. Aquí vos deixamos unhas imaxes destes momentos e as súas cartas:

Mensaxe de Pingüi from CEIP VICENTE OTERO on Vimeo.

Convocamos tamén un novo concurso de BANDA DESEÑADA, animádevos a participar!

O resultado final desta actividade poderédelo ver nunha nova entrada.

blogue de patricia

DÍAS DE SAMAÍN

No CEIP Vicente Otero Valcárcel celebramos o Samaín con merendas terroríficas, concursos de debuxos e contos arrepiantes en galego, lecturas sobre esta celebración e visionado de vídeos, música de "Uxía Lambona e a Banda Molona" e decoracións. Aquí vos deixamos algunhas imaxes.

Merendas terroríficas en EI from CEIP VICENTE OTERO on Vimeo.

O noso cole en Samaín from CEIP VICENTE OTERO on Vimeo.

blogue de patricia

ATENCIÓN! CONCURSO POLO SAMAÍN!

blogue de patricia

CELEBRACIÓN DAS LETRAS GALEGAS

Este ano conmemoramos o 17 de maio cantando a cantiga de Paco Nogueiras "Meu o mundo é" pertencente ao libro-disco Brinca Vai de Kalandraka. Entre todos e todas realizamos un mosaico coa bandeira de Galicia e limos os poemas do noso libro Panesía. Ademais, o alumnado de 4º de EP na súa asignatura de Libre Configuración "Xogos e Danzas Populares" bailaron ao son da muiñeira. Aquí vos deixamos unhas imaxes destas actividades de centro.

Letras galegas from CEIP VICENTE OTERO on Vimeo.

blogue de patricia

OS MAIOS ÁS PORTAS

As portas do cole están así de engalanadas para darlle a benvida a maio, o mes das flores e do esplendor da primavera.

OS MAIOS ÁS PORTAS from CEIP VICENTE OTERO on Vimeo.

blogue de patricia

DÍAS DE ENTROIDO

Semana de Entroido chea de actividades: mandadiños do Meco e disfraces do venres relacionados co PDI do centro que este ano leva o título de "Descubrindo Carral: temos moito que contar".

3 Anos: Auga e sol, elementos esenciais para que naza o trigo.

4 Anos: Panadeiros e panadeiras.

5 Anos: Pan, empanada e bocadillos cardiosaudables: os fornos de Carral.

1º de EP: Fauna e flora de Carral.

2º de EP: A auga e os ríos de Carral.

3º de EP: Os castrexos/as. A pegada da prehistoria en Carral.

4º de EP: As parroquias e organización xeográfica de Carral. O escudo da vila.

5º de EP: A organización política. concellerías e concelleiros/as.

6º A: Os muíños de Carral.

6º B: Localizacións de Carral a través do Google Maps.

blogue de patricia

DÍA DE ROSALÍA

No día de Rosalía traballamos sobre as inxustizas sociais que estaban presentes na súa época e versos e seguen a repetirse nos nosos tempos. Seguimos a proposta da Asociación de Escritores e Escritoras en Lingua Galega (AELG) a través dunha actividade na que participou todo o centro e que propuxo o Equipo de Dinamización da Lingua Galega. "Do S.XIX ao S. XXI: Libre o meu pensamento!", este é o lema central do manifesto de Ana Romaní. Dende a biblio foméntase tamén a lectura da súa obra cunha actividade complementaria: "Leva un poema e deixa outro".

Día de Rosalía from CEIP VICENTE OTERO on Vimeo.

blogue de patricia

DÍA DA PAZ

Coa cantiga "Cantarela dos nenos" de A. Fernández, facendo o símbolo da paz entre todos e todas e a través dun acto simbólico de entrega de bandeiras, así conmemoramos este ano o Día da Paz no colexio. A multicularidade, a música e a diversidade foron protagonistas. Aquí vos deixamos os mellores momentos deste día.