Blog de Educación Física

Durante estas clases pasadas o alumnado de 5º de Educación Primaria estivemos practicando o Acrosport, unha modalidade de actividade física na que podemos facer diferentes figuras co noso propio corpo en colaboración cos dos demáis. Aprendimos a importancia de colocar ben o corpo, do traballo en equipo, da confianza nos compañeiros e compañeiras e das axudas para realizar algunhas das figuras e pirámides.Gustounos moito e pasámolo moi ben!

Aquí unha mostra do traballo realizado!Acrosport 5º de Primaria Curso2017/18 from CEIP VICENTE OTERO on Vimeo.

Este curso 2017/18 os nenos e nenas de 5º de Educación Primaria participamos nunhas xornadas deportivas de convivencia con outros colexios da zona mediante competicións lúdicas, dentro do programa XOGADE ofertado pola Consellería de Educación, onde practicaremos diferentes modalidades deportivas e xogos.

Estes son algúns dos momentos vividos durante a primeira xornada na que rebibimos no noso colexio aos nenos e nenas do CPI O Cruce de Cerceda.

Esforzámonos moito e pasámolo moi ben! Xa estamos desexando repetir!

Estes días comezamos a xogar á Billarda. Os pais e nais colaboraron na elaboración e intentámolo os últimos venres......resultounos un poco complicado pero gustounos moito. Algún pai carpinteiro ofreceuse a alaborar algunas para o cole. Agradecemolo moito. Intentaremos facer entre todos instruccións para que cada un na súa casa elabore a súa Billarda.

Tedes as fotos colgadas na galería da páxina web.

Saúdos

                                      Benvid@s todos........,,

 Xa hai tempo que se está a mover unha maneira nova de enfocar o proceso de aprendizaxe. Como mestres mediadores debemos "subir a ese carro" que avanza a un ritmo vertixinoso. Por eso este primeiro pasiño que aínda que un pouco tarde será o inicio para coller carreira e intentar avanzar cos nosos alumnos ao ritmo de tempos novos.

Comezamos polo máis básico que é presentando o enfoque desta materia baseada no decreto 105/2015 polo que se establece o currículum da educación primaria na nosa comunidade. A proposta e a xustificación desta materia están no arquivo adxunto. Non é máis que a extensión da materia de Educación Física organizada este curso en tres sesións semanais o que nos permite a adicación dunha hora semanal de actividade física intimamente  relaccionada coa cultura e costumes da nosa comunidade.

Pretendo que este sexa un lugar de intercambio onde compartir experiencias, recursos, coñecementos.......e tamén espero a comprensión de todos e a colaboración para subsanar os erros que dende aquí se poidan cometer. Saúde para tod@s......