Deixamos aquí os enlaces ás equisas para o alumnado do centro sobre a biblioteca e o seu uso. Deberán ser cubertas coa axuda dos mestres nas aulas ou, no caso dos maiores, de forma individual se o seu titor/a así llo indica. Toca facer balance do curso! 

ENQUISA INFANTIL E PRIMEIRO CICLO

ENQUISA 2º E 3º CICLO. 

Este sábado 5 de xuño fomos de excurión ao Ágora da Coruña, alí visitamos as intalacións, contáronnos uns contiños e tivemos tempo de ver e apreciar os recursos que nos ofrece a nosa contorna. Foi unha mañá ben bonita de "dar de ler, coma que da de comer". Graciñas familias!

Nesta última sesión do club de lectura recordamos os libros lidos, fixemos a actividade do Cabo Vilán e chaveiros de golfiños para os/as que non os fixeran. Tamén realizamos un álbum de fotos do primeiro club de lectura do cole! 

Durante estas últimas semanas usamos o espazo maker para familiarizarse cos contidos relacionados coa masa, o peso e a capacidade. Aquí tedes ao alumnado de 3º de EP mans á obra!

Un novo podcast neste caso relacionado co día do medio ambiente que se celebra o 5 de xuño. 

O día 28 de maio celébrase o día dos cans sen raza e dende a clase de 3ºB quixemos facerlles a nosa pequena homenaxe. Se non se escoita o noso audio na pista de Sound Cloud podedes reproducilo picando AQUÍ. 

Durante este curso estivemos acondicionando e enchendo de libros o espazo maker para empezar a dinamizalo de cara ao ano que vén. Velaí unhas imaxes. 

IMPORTANTE: A excursión é para familias. Os nenos e nenas deberán ir acompañados dun adulto responsable maior de idade.

Documento A4 Horarios Biblioteca Ilustrativo Verde de Patricia Pena

Nesta sesión das tecedoras xa nos atrevimos con puntos un pouco máis complexos! As nosas cadenetas e as nosas poesías xa presiden a cortiza do punto de lectura. 

Este xoves 25 de maio tivemos a sorte de contar con dous colaboradores excelentes. Mentres Montse Pena Presas, profesora de Didáctica da Lingua e Literatura da Universidade ed Santiago de  Compostela, falaba coas familias sobre "as mochilas lectoras" que todos e todas temos e as diferenzas que iso supón de partida, como ser mediadores de lectura e o desenvolvemento da  escrita, Carlos fixo un obradoiro cos pequenos e pequenas de ilustración. Un luxo!

O venres a escritora e compañeira Sabela Fernández Trelles estivo co alumnado de 3º que leu o seu libro: Que queres ser de maior, pequena? Estiveron charlando de imaxinación, creatividade e moitas outras cousas. Moitas grazas pola visita! 

A biblioteca do CEIPP Vicente Otero Valcárcel organiza un novo obradoiro sobre mediación lectora e desenvolvemento da lingua escrita. Nesta ocasión contamos coa profesora de Literatura e Didáctica da Lingua  da Universidade de Santiago de Compostela  Montse Pena Presas. Ademais, o compañeiro e pai dun neno do centro, Carlos Rodríguez, colaborará con nós para que as familias que así o desexen poidan traer aos nenos e nenas e facer un obradoiro de ilustración mentras eles asisten á charla.  Debedes anotarvos no correo bibliosbardoscarral@gmal.com indicando nome e idade do neno/o e nome da persoa adulta. Animádevos a participar! 

NOTA IMPORTANTE: Se a demanda fora grande fariamos dúas charlas: unha para aos nenos/as e familias de Educación Infantil ata 2º de EP e outra para 3º,4º,5º, e 6º de Educación Primaria. Teriamos entón dúas quendas unha ás 17:30h (a dos pequenos/as) e outra as 18:30h (a dos maiores). Intentaremos avisar á maior brevidade posible se esto ocorre. Data límite para anotarse o martes día 23.