arquivo
MES DA CIENCIA EN GALEGO
Durante esta última semana dende a biblio fixemos actividades relacionadas coa ciencia e tamén cos elementos que fan falta para elaborar o pan. Experimentamos co millo e o trigo, coa auga e coa terra (ou sustrato). Esta actividade é unha tarefa relacionada co PDI do centro Descubrindo Carral: temos moito que contar. Ademais o alumnado de 5º e 6º expuxo as súas maquetas sobre o Universo e o corpo humano. Velaí unhas imaxes.
Tags: CALENDARIO DE ADVENTO
Durante estes quince días, antes de que comece o inverno e se produza o solsticio, na biblioteca iremos facendo actividades relacionadas coa animación lectora e a cultura a través do noso calendario. Cada día sacaremos unha tarxeta dos sobres e veremos que sorpresa nos depara. Ide mirando na seguinte foto, iremos actualizando cada día os enlaces. Achégase o SOLSTICIO DE INVERNO e con el o NADAL!
PADRIÑOS E MADRIÑAS LECTORAS
Velaí os padriños e madriñas lectoras de 6º B e os seus afillados de 1ºB compartindo lecturas de creacións propias sobre o Nadal. Unha boa motivación para escribir e un público esixente pero entregado. Así da gusto!
COMO SERÍA A TÚA BIBLIOTECA IDEAL?
Na formación de usuarios que se fixo a comezos de outubro con todo o colexio e para conmemorar o Día das Bibliotecas Escolares o 24 de Outubro propuxémosvos que debuxarades como vos gustaría que fose o espazo da biblioteca. Temos anotadas varias propostas para poder levalas a cabo. Encantáronnos os altillos, as alfombras, as zonas de xogos de mesa, os pufs, o espazo "gamer," os tipis incluso ao aire libre, a biblioteca do futuro, os columpios, as piscinas, as cabanas, a música.... Pero sobre todas as cousas encantáronnos esas caras de ledicia lendo. Moitas grazas a todos e todas por colaborar. Procuraremos facer dos vosos soños unha realidade!
Debuxa como che gustaría que fose a nosa biblioteca from CEIP VICENTE OTERO on Vimeo.
TALLER DE POSTAIS DE NADAL
Os padriños e madriñas de 6º e os seus afillados e afilladas de 1º agasalláronse con postais e bos desexos para este Nadal. Foron momentos de compartir emocións e de demostrar afectos. Creamos comunidade dende a biblioteca.
FESTIVAL DE INVERNO
Aquí vos deixamos uns anaquiños do que aconteceu no Festival de Inverno deste ano. BOAS E MERECIDAS VACACIÓNS PARA TODOS E TODAS!
Festival de Inverno from CEIP VICENTE OTERO on Vimeo.
