Skip to Content

CONCURSO DE LOGOS "COLE ANIMAL"

     Convocamos o concurso de logos para representar o noso proxecto de centro "Cole animal". Descargade o formato do logo adxunto nesta publicación (tamén o podedes facer vós, é un círculo sinxelo), deseñade e despois entregádello ao voso mestre/a. Todos serán publicados na web e expostos e, ademais,  o elexido será o selo identificativo de todas as actividades que se fagan dende a biblio do proxecto. Animádevos a participar! Non olvidedes poñer o voso nome e curso e entregalo antes do 22 de decembro.

 

25 N - Día contra a violencia de xénero

Estimadas familias,

Aquí tedes unha pequena representación do que todos os nenos e nenas do noso cole aportaron para formar un manifesto conxunto que é mostra do noso desexo de eliminar da nosa sociedade a violencia así como de apoio a todas as vítimas da mesma. Por iso, hoxe no noso colexio reunímonos e facemos unha reprodución da obra visual de Elina Chauvet chamada “Zapatos vermellos” que pretende sensibilizar sobre a violencia de xénero.Este traballo será cedido ao Concello de Carral para que que a nosa campaña de concienciación chegue a todos os veciños e veciñas de Carral. Ao final desta entrada atoparedes unha galería de fotos.

 Este é o noso manifesto:

Estas foron algunhas das actividades que fixemos para coñecer máis a obra da artista visual "Elina Chauvet":

E por se queredes falar do tema cos vosos fillos e fillas velaquí unha escolma de libros que temos na biblio:

lecturas25nov de Teacher Marta

Álbum: Curso 2022/2023 -> 25-N Día contra a violencia de xénero

Eleccións ao Consello Escolar 2022

Na reunión da Xunta Electoral proclamáronse as candidaturas para representar ás familias no Consello Escolar do centro.

As relacións de nomes dos/das candidatos/as que se presentan á referida elección, segundo se indica de seguido por orde alfabético de apelidos, son as seguintes:

 

SECTOR FAMILIAS:

1. Allegue Ferrón, Pedro Luis

2. Ruibal García, Lucía

 

Lembrámoslles que o próximo luns 28 de novembro, celébrase no vestíbulo do centro a votación para a elección dos representantes dos pais, nais ou titores legais do alumnado no Consello Escolar, en horario de 13.00h a 17.00h no vestíbulo do centro.

 

Agradecémoslle a súa asistencia.

 

Día dos dereitos da infancia e dos animais

Aquí tedes unha mostra dos traballos realizados polo alumnado do noso centro para conmemorar o Día Mundial da Infancia (20 de novembro). Ademais, como o noso PDI ten como centro de interese os animais, aproveitamos para conmemorar de igual modo o Día Internacional dos Dereitos dos animais (10 de decembro).

lecturasdchosinfancia de Teacher Marta

Álbum: Curso 2022/2023 -> Día dos dereitos da Infancia e dos animais

Día non lectivo curso 2022 -2023

Informamos de que o día non lectivo concedido para o presente curso académico é o 5 de decembro de 2022.

Eleccións ao Consello Escolar 2022. Candidaturas

Na reunión da Xunta Electoral celebrada o día 14 de novembro ás 12:30 horas proclamáronse as candidaturas para representar ao profesorado e ás familias no Consello Escolar do centro.

As relacións de nomes dos/das candidatos/as que se presentan á referida elección, segundo se indica de seguido por orde alfabético de apelidos, son as seguintes:

 

SECTOR PROFESORADO:

1. Meneses García, María Pilar

2. Moscoso López, María Beatriz

 

SECTOR FAMILIAS:

1. Allegue Ferrón, Pedro Luis

2. Ruibal García, Lucía

 

Recordámoslles que as votacións das familias serán o luns 28 de novembro de 13.00h a 17.00h no vestíbulo do centro.

Circular Informativa sobre as eleccións ao Consello Escolar

Nos arquivos adxuntos teñen a convocatoria na que se explica o desenvolvemento para a elección dos representantes de nais, pais e titores legais ao Consello Escolar, así como o formulario de presentación de candidaturas. 

O censo electoral está publicado no taboleiro de anuncios do vestíbulo do centro para a súa consulta.

 

Calendario eleccións Consello Escolar

SAMAGOSTO

Xa tedes as fotos do SAMAGOSTO dispoñibles! Moitísimas grazas por participar con esas cabazas tan espeluznantes !!!!

Vémonos de novo o mércores 2 de novembro, pasade boa ponte!

 

Álbum: Curso 2022/2023 -> Samagosto 2022

DÍA DAS BIBLIOTECAS

O día 24 de outubro é un día importante para nós, é o Día das Bibliotecas! Para conmemoralo fixemos varias actividades: 

- Comezaron os APADRIÑAMENTOS LECTORES nos que participa todo o centro en días alternos e en diferentes espazos: na entrada e na biblioteca. Ademais temos varias modalidades, aulas apadriñadas entre si un a un ou nenos/as que baixan a ler aos máis pequenos/as. 

 

- Entregamos AGASALLOS AOS MÁIS LECTORES: 

 

- Dentro do noso PDI "COLE ANIMAL" estudamos as características da nosa masoota Pingüi. 

 

NOVOS RECANTOS DE LECTURA

Dende comezo de curso temos estes novos espazos de lectura, o da entrada onde podedes coller libros e ler mentras estades no recreo ou esperades pola tarde ás actividades, e o recanto da calma do segundo andar. No primeiro recanto so hai dúas normas: non comer nos sofás e coidar os libros. En canto ao segundo recanto, o da calma, ten o uso que veredes na infografía seguinte. Os libros tamén axudan a relaxarse e ensínannos moito sobre emocións e empatía. Animádevos a probalo!

 

Copia de USO DO RINCÓN DE LECTURA de María París Sánchez

OS SÚPER RECREOS DE PINGÜI

Velaí o resultado final do PDI do curso pasado "Os súper recreos de Pingüi". Ademais das xornadas internas e de portas abertas para explicar os xogos de forma oral, fixemos este dossier de instrucións que xa podedes consultar na nosa biblio cando queirades. 

Información Constitución Consello Escolar

Adxúntase a circular coa información para a constitución da Xunta Electoral.

POLO SAMAÍN LECTURAS PARA TI E PARA MIN!

Velaquí o fondo bibliográfico sobre outono e Samaín que podedes atopar na biblio. Ven buscar o teu libro favorito sobre pantasmas, bruxas, arañas e castañas! (Agradecer aos nosos incansables colaboradores/as os seu esforzo axudándonos a buscar os títulos nos andeis).

polo outono e o samaín... lecturas para ti e para min! de Teacher Marta

Distribuir contenido


by Dr. Radut