Hoxe o alumnado do CRA de Oroso estivo no noso colexio invitados polas profesoras de 5º para asistir a unha representación teatral do alumnado deste nivel. Ensinámoslle a nosa biblioteca e as aulas onde están os seus compañeiros do curso pàsado. Tamén os convidamos a unha merendiña de chocolate e biscoito elaborado polo alumnado de 5º. Foi unha xornada moi divertida!

17th March is St. Patrick's Day, patron saint of Ireland, and many landmarks all over the world turn green for the occasion. 6th graders wanted to join this tradition and made these paper circuits with green leds, copper tape and 3D buildings like the Eiffel Tower, Arc de Triomphe, Big Ben, London Eye, Empire State building, Statue of Liberty, Christ the Redeemer, Pisa Tower and Hercules Tower.

O 17 de marzo é o Día de San Patricio, o patrón de Irlanda, e moitos monumentos de todo o mundo tínguense de verde para a ocasión. Os alumnos/as de 6º quixeron unirse a esta tradición e fixeron estes circuitos de papel con leds verdes, cinta de cobre e edificios 3D como a Torre Eiffel, o Arco do Triunfo, o Big Ben, a London Eye, O Empire State, a Estatua da Liberdade, O Cristo Redentor, a Torre de Pisa e a Torre de Hércules.

Hoxe tivo lugar no colexio a segunda charla deste curso da Garda Civil dentro do Plan Director para a mellora da Convivencia nos Centros Escolares e os seus entornos. Nesta ocasión a temática foi o ACOSO ESCOLAR para o alumnado de 5º e 6º. Estivemos reflexionando sobre diversas situacións que se dan, con maior ou menor frecuencia, no colexio; sobre as consecuencias das mesmas e a importancia da EMPATÍA. Vimos varios videos para concienciarnos e aprender a observar e diferenciar as actuacións conflictivas que vemos no noso entorno.

Muro acabado! O debuxo final con todas as cores simboliza ás propias persoas; cheas de emocións que se poden sentir simultaneamente. 

As figuras de cores representadas no muro transmitirannos cada mañá ledicia, positividade e optimismo! Gracias a autora Colorines por este bo traballo. 

O alumnado de 5º e 6º participou, nesta última semana de febreiro, nun obradoiro que nos achegou Augas de Galicia, no que se abordou a temática das inundacións. Reflexionouse sobre os riscos e consecuencias; efectos negativos e positivos dun fenómeno natural e necesario.

Hoxe rematamos o noso "Muro das Emocións". Non hai cores máis importantes ca outras, igual que non hai emocións que sobresaian sobre outras. Pode prevalecer algunha emoción en certos momentos ou circunstancias, eso si.  Non hai formas nin cores máis agradables que outras, senón que todas son igual de válidas. Impresionante o mundo das cores e das formas que mesmo parece que nos falan. De seguro que cada mañá ao percorrer o muro, antes de entrar no cole, sen darnos conta, cargarémonos de enerxía positiva e comezaremos a xornada con máis ánimo e ledicia!  

Este mércores o alumnado de 5º e 6º viaxou a cidade da Coruña para visitar a Torre de Hércules e o Museo Nacional da Ciencia e Tecnoloxía

(MUNCYT). Neste último puideron ver, entre outras cousas, parte do avión que trouxo o Guernica a España, o Jumbo  Lope de Vega. Para

rematar fixeron un taller de Biodiversidade e Bioluminiscencia. Foi unha mañá moi aproveitada. 

Hoxe é un día importante para todos os galegos e sobre todo para as mulleres. Lembramos, no aniversario do seu nacemento en 1837, a unha muller grande; loitadora, precursora, pioneira; unha adiantada aos tempos. No colexio levamos a cabo múltiples actividades para recoñecer e aportar o noso graíño de area para manter viva a figura de ROSALÍA DE CASTRO e o seu labor. 

Algúns de nós saímos por Sigüeiro para ofrecer o noso marcapáxinas que recollía o código QR que nos achegaba aos videos de recitados de poemas dalgúns dos nosos nenos e nenas. Que bonita experiencia, fomos polos diferentes comercios e polas rúas. Atopamos con xente encantadora.

As nosas particulares Rosalías acompañadas da figura do emigrante pasaron polas clases para recitar algún dos seus poemas.   Adios ríos, adios fontes, adios regatos pequenos...

E aínda hai máis, queda pendente o plantado das camelias de Rosalía, que por mor do mal tempo tivemos que suspender no día de hoxe, así como a visita á residencia de maiores de Porto Avieira para facelos partícipes das nosas actividades sobre Rosalía.

Hoxe estivo no colexio Andrea García Martínez, autora do libro "Animais fantásticos de aldea". Fíxonos moita ilusión porque ademais de gustarnos moito o seu libro, que ela mesma ilustrou, é de Sigüeiro e de nena foi alumna do noso colexio. Explicounos que é posible conseguir o que nos propoñemos se o perseguimos con empeño, ela conseguiu que lle publicasen as súas fántasticas historias ainda sendo moi noviña. Gracias a Andrea pola súa amabilidade e a Xerais.

Despois de traballar na clase a temática das cores e das formas en relación á súa importante influencia no estado de ánimo, pasamos ao máis esperado. O inicio do pintado do "Muro das Emocións". Fantástico ver como se trasladan ao muro real do cole, as figuras e as cores sobre as que previamente estivemos reflexionando na aula. LEDICIA: CÍRCULO AMARELO, CALMA CONFIANZA: TRIÁNGULO AZUL; e se as mesturamos sae O VERDE; OPTIMISMO ou TRANQUILIDADE!