Neste curso

O alumnado de quinto e sexto do colexio visitou as instalacións do Concello, onde en cada un dos departamentos lle deron unha pequena explicación da función que realizaba cada un deles. 

A guinda do pastel foi o pleno infantil onde os nosos nenos e nenas tiveron a oportunidade de ser concelleiros e concelleiras por un día e poder realizar diferentes propostas as temáticas establecidas na orde do día.

Chega o Nadal!! E Martín de 5º de Educación Infantil tráenos unha estupenda receita dun Panettone. Teñen unha pintaza estupenda!!

Queridas familas!

Ante as previsións meterolóxicas nas que dan choiva para o próximo venres 20 de Outubro, comunicarvos que se aplazará a Carreira Solidaria contra a Leucemia. Comunicarásevos a nova data cando melloren as previsións.

Moitas grazas e disculpade as molestias.

O próximo 18 de outubro o alumnado de 5º e 6º de primaria participara na III Edición do concurso de Ciberseguridade no cole!

O obxectivo do concurso é concienciar aos escolares sobre os riscos aos que se enfrontan cando empregan as tecnoloxías dixitais á vez que poden aprender sobre boas prácticas en ciberseguridade no seu día a día dunha maneira amena e divertido acorde á súa idade. 

Ciberseguridade no cole! contará de novo cunha fase en liña que será celebrada o 18 de outubro, e unha final presencial o día 3 de novembro na Cidade da Cultura de Santiago de Compostela. Na final presencial contarase coa participación da presentadora galega Esther Estévez (DígochoEU), que acompañará aos finalistas na dinamización da fase final.

A Escola de Familias de Silleda celebra unha nova sesión o próximo día 21 de Xaneiro.Esta sesión terá lugar na Casa dá Xuventude ás 10.30 horas e a ela están convocadas a participar as familias con nenos con idades comprendidas entre os 6 e os 12 anos. A asistencia é gratuíta pero é necesaria inscrición previa. A iniciativa parte da concellaría de Benestar e Educación que dirixe a edila Ángela Troitiño. A actividade busca converterse nun espazo de formación e apoio para as familias con fillos pequenos, preadolescentes e adolescentes. Despois da sesión celebrada en decembro e dirixida a familias con nenos de cero a seis anos, retómase esta actividade cunha nova reunión que leva por título Repensando.

Entre os temas a tratar atópanse os estilos de crianza, hábitos de vida, a igualdade ou a sobrecarga nos tempos. Os interesados poden apuntarse chamando ao departamento de Benestar ao 986 592 037. O 4 de febreiro terá lugar unha segunda parte enfocada ás novas tecnoloxías para finalizar o 4 de marzo, na que baixo o título de Reconstruíndo abordarase a etapa da adolescencia.

O Concello de Silleda, a través do departamento de Educación que dirixe Ángela Troitiño, organiza nas vacacións de Nadal unha ludoteca, en horario de mañá, para nenos e nenas de 3 a 12 anos de idade. Esta iniciativa, que xa se estrenou ano pasado, busca facilitar a conciliación das familias durante as vacacións de Nadal, sumándose a outras iniciativas municipais neste mesmo ámbito.

A ludoteca, de luns a venres en horario de 9:00 a 14:00 horas, contará con actividades en Silleda e na Bandeira, de luns a venres dende o 23 de decembro ao 5 de xaneiro, sendo o centro de actividades o pavillón deportivo César G. Fares en Silleda e o auditorio Manuel Dopazo na Bandeira.

O custe deste servizo é de 55 euros (45 euros no caso da asistencia do segundo irmán/á ou sucesivos).  As persoas que desexen participar deben de cubrir o modelo normalizado de inscrición dispoñible no Rexistro municipal ou facelo a través da sede electrónica. Para máis información poden chamar ao teléfono 986 592037. As prazas asignaránse por orde de inscrición.

O pasado 17 de novembro o alumnado de 5º e 6º de primaria asistiu a unha charla sobre "os riscos de seguridade nas novas tecnoloxías e nas redes sociais", impartida pola Garda Civil. Este Ciclo de sesións informativas forman parte do plan director para a convivencia e mellora da seguridade nos centros educativos e os seus entornos.

Un ano máis O Plan Director desenvólvese no noso Centro. Axentes da Policía Nacional e da Garda Civil imparten charlas para promover a seguridade e a prevención ao alumnado de quinto e sexto de primaria e da ESO. Realízanse baixo cinco temáticas: riscos en Internet, acoso escolar, bandas xuvenís, drogas e violencia de xénero.

Hoxe celebrouse a primeira das charlas dun ciclo que disfrutarán o alumnado de quinto e sexto de primaria do noso Centro.  O sarxento Dapena da Guardia Civil realizou unha conferencia onde tratou  consecuencias do acoso escolar en quen o sofre, así como a responsabilidade de todos para denuncialo e combatelo.

O próximo xoves 17 de novembro disfrutaremos dunha nova experiencia co tema  “Os riscos de Internet”, co paso da pandemia o uso de Internet incrementouse entre a mocidade e considérase necesario alertar dos riscos que supón o seu uso.