Blog

Durante a Semana do Libro o alumnado do cole participou nun intercambio simbólico de alimentos non perecedeiros por contos (libros froito do expurgo da Biblioteca). Os alimentos recollidos foron entregados á concelleira de Benestar Ánxela Troitiño. Picade na imaxe e podedes acceder á información ampliada no Blog da Biblioteca.

Estamos na SEMANA DA PRENSA!! Ao longo desta semana haberá distintas actividades cun xornal por medio. Polo de pronto o alumnado de 3º e 4º invitou a dous periodistas do Faro de Vigo, a Xan Salgueiro (redactor) e a Javier Lalín (fotógrafo) para facerlles unha entrevistas. Eles sacáronnos na prensa e nós fixemos unha páxina de xornal dedicada a eles. Se picades na imaxe podedes ver a nova no Faro de Vigo.

Os Cacharelos son personaxes que protagonizan o domingo do Entroido en Lalín. Engalanados con roupas de cores laranxas, amarelas e vermellas que lembran as lapas de lume das cacharelas e cunha máscara que imita o "Mascarón" da obra de Laxeiro, achegáronse ao noso cole a falarnos e darnos a coñecer a tradición deste Entroido que está medrando rapidamente.

Picade na imaxe para ver todo o que aprendemos.

En Bandeira o Entroido é unha tradición e calquera que pase pola zona non pode deixar de ver o "Alto dos Xenerais". Na escola temos a sorte de contar cuns "xenerais" moi especiais que cada ano veñen a facer, en primicia o "Alto dos Xenerais Infantil" para os compañeiros e compañeiras do cole. É o mellor alto que podedes ver neste Entroido!! Picade na imaxe e veredes!!

Deixámovos aquí unha pequena mostra dos actos realizados para a celebración do Día da Muller Traballadora pola comunidade escolar do Ceip Ramón de Valenzuela. Coma sempre estamos moi orgullosos de sermos unha comunidade que reivindica a total igualdade de mulleres e homes, e de que o noso alumnado vaia criando os alicerces dun mundo futuro igualitario e solidario.

Exposición das Mulleres Bravas e Loitadoras dentro do Proxecto de Centro FORTES coma ÁRBORES.

Mural feito coas fotos de todo o alumnado do noso Centro.

Video onde se mostra como entenden o día 8 de Marzo os nenos e nenas de 2º de Primaria e a nosa dedicación a María Tarsy Carballas. Edafóloga, coidadora dos solos dos montes.

Preme na imaxe é accede o traballo realizado polo alumnado do noso Centro con motivo desta conmemoración.

Dende hoxe podedes escoitar en Radio Garabullo un novo programa de "Parabéns na hora de comer e as novas do tempo de lecer". Un programa moi especial pois está feito dende a casa. Rosalía e Brais os vosos locutores favoritos queren felicitar en nome de todos aos nenos e nenas que cumpriron anos dende o último programa, o 9 de marzo, ata hoxe. Este é o primeiro desta corentena, aínda que coma sempre, seguirá emitíndose todos os luns. Non deixedes de escoitalo!!

Hoxe nace un novo programa en Radio Garabullo: "Xuntos nas Ondas". Un programa que pretende o obxectivo de manternos en contacto neste tempo de corentena. Se pinchades na imaxe podedes acceder a máis información e máis abaixo podedes escoitar o programa número 1.

Contamos coa vosa participación!!

Hoxe tivemos na hora da comida unha nova emisión en directo do programa "Parabéns na hora de comer e as novas do tempo de lecer" da man de Ainhoa e Brais. Podes escoitar o podcast en Radio Garabullo. Non volo perdades!!!

Hoxe tivemos no colexio a visita da actriz bandeirense Cristina Collazo. Visitou Radio Garabullo contando unha morena de curiosidades e respondendo a tódalas preguntas que fixeron o alumnado do primeiro curso de primaria.

Escoitade a entrevista e veredes canto aprendedes!!