Neste curso

No ano 2013 a ONU aprobou a declaración da UNESCO do Día Mundial da Radio. Proponse a data do 13 de febreiro por ser a da creación da Radio Nacións Unidas no ano 1946. "Os obxectivos da xornada son concienciar ao público e aos medios de comunicación acerca da importancia da radio; alentar aos encargados de tomar decisións a crear e ofrecer acceso á información a través da radio; así como mellorar as redes e a cooperación internacional entre os organismos de radiodifusión." 

Este ano, o décimo Día Mundial da Radio celébrase co lema: "Novo mundo, nova radio", convidando a reflexionar sobre o su servicio para, entre moitas outras accións, combatir a desinformación e axudar a responder ás necesidades das comunidades e as sociedades. Un lema en sintonia co traballo das bibliotecas escolares adscritas ao programa Radio na biblio nos tempos estraños que nos toca enfrontar.

Radio Garabullo, a nosa Radio, a Radio do Ceip Ramón de Valenzuela quere sumarse a esta celebración cunha serie de actividades que estivemos preparando  para esta xornada e que iremos descubrindo pouco a pouco.

Preme na imaxe e accede ao contido que adica o Faro de Vigo ao noso centro.

Xa podedes disfrutar do espectáculo ofrecido polo alumnado do noso centro, onde puxeron de manifesto o seu gran inxenio.

Un ano máis, o noso cole, tivo a oportunidade de disfrutar do Entroido de Bandeira coas arengas do "Alto dos xenerais". Un traballo moi duro de achegamento a nosa tradición oral, que esixe un gran esforzo dos nenos e mestres. A canteira dos xenerais do Ulla segue máis viva que nunca en tempos máis que complicados para correr o entroido. Estade atentos a nosa Web xa que subiremos todo o acontecido esta mañá.  Non perdades a oportunidade e que VIVA o ENTROIDO!!!!

(Martín esta mañá diante dos compañeiros do CEIP Ramón de Valenzuela)

(Representantes do "Alto dos xerenais 2021")

Polos que loitaron. Polos que loitan. Polos que loitarán. Porque algún día esta enfermidade sexa só un recordo.

#DíaMundialContraOCancro

Esta mañá o alumnado de 6º de Educación Primaria do CEIP Ramón de Valenzuela participou nunha nova edición do programa Ecovoz.

Os nenos e nenas competiron en inxenio para defender os contidos aprendidos e así facer fronte as preguntas que Fran Rodríguez lles iba dicindo. 

Preguntas iniciais do programa 

Para saber en que desencadenou o enfrontamento do noso centro cos compañeiros/as do Ceip Condesa de Fenosa, do Barco de Valdeorras, deberedes acudir o próximo venres día 5 de febreiro as vosas radios.

As emisoras de Radio Voz en Galicia ofrecerán, cada venres de 17.00 a 18.00 horas, a nova tempada do programa medioambiental Ecovoz, que vai xa pola súa edición número 22. O espazo, que conta co apoio de Sogama, será presentado por Fran Rodríguez e María Meizoso. A pesar das restricións impostas pola pandemia, Ecovoz seguirá a manter o concurso escolar Ecopreguntoiro no que participamos esta mañá. Alumnos de 16 colexios galegos participarán, a través de Zoom, en cada unha das sesións.

"Nesta novo curso serán o CEIP Condesa de Fenosa de O Barco, Ramón de Valenzuela de Silleda, Luis Seoane de Mera Oleiros, A Lama, Padre Crespo de Xunqueira de Ambía, O Salvador de A Pastoriza, Xesús San Luís Romero de Carballo, A Ponte de Ourense, Laredo de Redondela, O Coto de Negreira, San Vicenzo de Vimianzo, CPR La Merced de Sarria, Manuela Rial Mouzo de Cee, Pablo VI Fátima de A Rúa, Santa Juana de Lestonnac de Ferrol e Sagrado Corazón de Placeres de Pontevedra". 

 Hoxe estamos de noraboa, xa temos no cole os libros do noso agasallo por participar no concurso organizado polo Pontiñas Centro Comercial de Ocio Gadis!!! En breve poderedes disfrutar de todas estas novidades na nosa biblioteca!!! Estade moi atentos...

Nos últimos días fomos coñecedores de que a ilusión e imaxinación dos nosos nenos e nenas vese recompensada xa que, dous nen@s foron premiados con diferentes agasallos no concurso que celebrou este ano no Pontiñas Centro Comercial e Ocio Gadis, de Lalín.

Según nos comunicou a organización do concurso "O mellor Nadal das nosas vidas" a elección dos gañadores non foi nada sinxela xa que cada cativo representou o Nadal dun xeito traballado, creativo e moi moi curioso.

Martín de 6º de educación primaria presentou a seguinte lámina que foi gañadora do certamen.

Martín ganador desta edición

Noela de 2º de educación primaria enviou o seguinte traballo co que chegou a final sendo merecedora dun agasallo polo seu esforzo.

 Noela finalista do concurso 

Radio Garabullo na súa edición especial á hora do xantar foi a encargada de comunicar a consecución destes premios. Como ides observar a continuación ninguén  se esperaba este feito, véndose claramente a sorpresa na cara dos agraciad@s.

Martín coñecendo o seu premio

Noela no comedor sabendo o resultado

O centro recibirá o agasallo de 200 euros en libros, que pronto disfrutaremos na nosa bilioteca.

Por último, agradecer a todas as persoas que fixeron posible a través dos seus votos que o centro fora premiado (Pais,nais,avós,avoas,ANPA,veciños de Bandeira, profesorado...).

Infinitas GRAZAS a Todxs!!

 A ANPA Brincadeira doa unha recopilación de libros para o disfrute de toda a Comunidade educativa do noso centro.

(Preme na foto para acceder o contido publicado hoxe no Faro de vigo)

Lembrámosvos que o martes 22 de decembro publicaranse na aplicación AbalarMóbil as notas do 1º trimestre.

Se aínda non tes instalado no teu móbil a aplicación lee con atención toda a información:

Instalación AbalarMóbil

 A aplicación gratuíta AbalarMóbil é unha ferramenta da Xunta de Galicia que lles permite ás familias consultar a información das súas fillas e fillos a través do teléfono móbil dende calquera lugar (por exemplo: ter coñecemento das faltas rexistradas, acceder ás cualificacións, etc). Por tanto, é moi importante que todas as familias dispoñan desta ferramenta nestes momentos nos que a comunicación debe canalizarse a través de medios telemáticos. A instalación é moi sinxela:

• Se o seu sistema é Android búsquea e descárguea desde o Play Store; e se é IOS, desde o Apple Store.
• O primeiro paso que debe realizar é o rexistro. Para iso debe introducir o seu número de teléfono móbil e premer en “Enviar”. A continuación recibirá unha mensaxe cun código que terá que introducir na pantalla correspondente e premer en “Enviar código”.
• Na seguinte pantalla solicítase un contrasinal (mínimo 8 caracteres con algunha maiúscula, algunha minúscula e algún número), que será o que utilizará para acceder á aplicación. Deberá escribilo nos dous recadros e premer en “Aceptar”.
• A continuación, aparecerá unha pantalla na que se indica que o rexistro foi completado correctamente. Para finalizar, soamente é preciso premer en “Continuar” e acceder a abalarMóbil co contrasinal elixido para poder visualizar os datos e toda a información do alumno/a.
• Se lle aparece unha mensaxe de que o seu teléfono non está asociado a un alumno/a, ou de que existe máis dun usuario con ese número, mándenos un correo a ceip.ramón.valenzuela@edu.xunta.gal. Tamén dispón de asesoramento na Unidade de Atención a Centros (Tel.: 881 99 77 01. Correo electrónico: uac@edu.xunta.es).
  

Máis información, cun vídeo explicativo, unha guía de uso e un apartado de “Preguntas e respostas” en https://www.edu.xunta.es/espazoAbalar/nova/abalarmobil.