HORARIO DO CENTRO

Dende a Xefatura Territorial de Educación veñen de informar  que o horario do noso Centro será:

de 9:45 a 16:15 de setembro a xuño, ambos os dous incluídos.
Os servizos de comedor e transporte continuarán co funcionamiento habitual.

Deixámovos aquí o calendario do vindeiro curso 23/24 coas datas máis destacadas.

Ábrese o prazo para a presentación de solicitudes para facer uso do comedor escolar no vindeiro curso 2023-24.

Podedes recoller os impresos da solicitude ou ben na secretaría do centro (horario de 10:30 a 13:30 h.) ou ben descargalos neste mesmo anuncio.

Se tedes algún problema coa solicitude non dubidedes en contactar connosco.

como tod@s vós puidestes comprobar, estivemos de festa rachada para celebrar estes primeiros 50 anos da inauguración do Ceip Condesa de Fenosa do Barco, aínda que daquela só éramos a Concentración.

A máis do video que vos poñemos aquí para lembrar quen eramos e quen somos, deixámovos o enlace a unha páxina da nosa aula virtual, onde poderedes ver os vídeos das actuacións dos distintos grupos do colexio.

A Xunta de Goberno do Concello do Barco de Valdeorras o día 12 de maio de 2022 tomou o acordo de aprobar as bases reguladoras e a convocatoria para compra de libros e material escolar de segundo ciclo de educación infantil 2023/2024.

Estas bases saíron publicadas no “Boletín Oficial da Provincia de Ourense” nº 124 do xoves1 de xuño de 2023 para o coñecemento de toda a cidadanía, abríndose o prazo para a súa solicitude dende oDIA 2 DE XUÑO ATA O DIA 30 DE XUÑO DE 2023.
Achégase como adxunto un resumo dos requisitos, así como o Anexo I(solicitude, inclúe a documentación a presentar) e AnexoII (declaración).
As bases os anexos para a solicitude pódense encontrar tamén:

• No taboleiro de editos dixital na sede electrónica deste Concello: https://www.sede.concellodobarco.org/
• No departamento de Servizos Sociais, sito na praza do concello nº 1.

Os interesados poderán presentar estas solicitudes:

1. Rexistro telemático a través da sede electrónica do Concello do Barco de Valdeorras (https://sede.concellodobarco.org) e
2. a través do Rexistro de entrada do Concello do Barco de Valdeorras de 9:00 a 14:00 os días hábiles, (situado no edificio nº 2 da Praza do Concello da Vila do Barco).

Para mais información consulta ou aclaración dirixirse ao Departamento de Servizos Sociais. Praza do Concello nº 1. 32300 TLF: 988320202 Extensión: 2168

Na Orde do 10 de maio de 2023, sae publicado o texto da convocatoria do fondo solidario de libros de texto e axudas para a adquisición de libros de texto e material escolar.

O prazo da solicitude vai do 20/05/2023 ao 21/06/2023, ambos os dous incluídos. O número do procedemento administrativo que se corresponde coa orde é ED330B.

O xeito de presentacións das solicitudes será preferentemente electrónica (na sede electrónica da Xunta de Galicia, presentando unha solicitude individual para cada un dos seus fill@s), Presencial con asistencia da aplicación (cubrindo os datos na aplicación fondolibros [https://www.edu.xunta.gal/fondolibros/], imprima os anexos I e II producidos e presentándoos no centro educativo) ou de xeito Presencial Manual, empregando os Anexos I e II da orde da convocatoria (que se anexan a este post) e presentándoos na secretaría do colexio.

Este ano os nosos proxectos foron moitos e moi variados.

Aquí podedes enlazar cos blogs onde se mostran os traballos realizados nas clases.

A rá 3 anos B
Dinosauros Clases de 4 anos
O Mar Clases de 1º EP
O ruído e o silencio Clases de 2º EP
Os indios 3º A de EP
Os 22 amigos 3ºB de EP
@ principiño que tod@s levamos dentro 4º B de EP
A lactancia materna 6ºA de EP

Aquí podedes escoitar os programas da Radio Escolar da biblioteca do Ceip Condesa de Fenosa.

A radio é unha ferramenta moi poderosa para contar todo o que facemos na biblioteca, os proxectos de investigación nos que nos embarcamos nas aulas, os libros que lemos nos clubs de lectura e os textos que escribimos nos de escritura, para falar das nosas actividades do centro, para escoitarmos a música que somos quen de facer...

En fin, a radio, a nosa Dino Radio, vai ser un altofalante que espalle esas cousiñas que realizamos con todo o cariño, que as mimamos, pero que en moitos casos quedan agochadas no interior do colexio sen que ninguén máis saiba delas.

Pois aí vos van, voando nas ondas!

Nesta páxina imos ir colocando os recursos que vaiamos xerando a respecto da robótica dende a nosa Biblioteca.

Pretendemos que sexa un lugar onde se poda ver o traballo que se está a facer, unha fonte de recursos e un lugar onde xermolen proxectos.

Polo de agora, outubro de 2017, andamos nesto en cueiros, e coma os nenos pequenos temos dificultades para comezar a andar... dar un paso mete medo e temos que pensalo moito.

Pero estamos convencidos que en breve seremos quen de andar, correr, choutar, anicarnos, bailar...

Moit@s d@s nos@s alumn@s andan polo mundo facendo cousas do máis interesante; deportistas de elite, artistas, estudantes prodixiosos.... e a nós gústanos lembralos na nosa páxina.

Aquí poderedes explorar algúns artigos e publicacións sobre algúns deles... evidentemente non todos están aquí, así que se tes información sobre algún ex-alumno fai o favor de comunicar connosco e decontado meterémolo nesta escolma.

Seguímosvos a Pista...