try another color:
try another fontsize: 60% 70% 80% 90%
CEIP Condesa de Fenosa

Blogue de quinif

Os nosos proxectos

Este ano os nosos proxectos foron moitos e moi variados.

Aquí podedes enlazar cos blogs onde se mostran os traballos realizados nas clases.

A rá

3 anos B

Dinosauros

Clases de 4 anos


 

O Mar

Clases de 1º EP

O ruído e o silencio

Clases de 2º EP

 

Os indios

3º A de EP

Os 22 amigos

3ºB de EP

@ principiño que tod@s

levamos dentro

4º B de EP

A lactancia materna

6ºA de EP

Dino Radio

Aquí podedes escoitar os programas da Radio Escolar da biblioteca do Ceip Condesa de Fenosa.

A radio é unha ferramenta moi poderosa para contar todo o que facemos na biblioteca, os proxectos de investigación nos que nos embarcamos nas aulas, os libros que lemos nos clubs de lectura e os textos que escribimos nos de escritura, para falar das nosas actividades do centro, para escoitarmos a música que somos quen de facer...

En fin, a radio, a nosa Dino Radio, vai ser un altofalante que espalle esas cousiñas que realizamos con todo o cariño, que as mimamos, pero que en moitos casos quedan agochadas no interior do colexio sen que ninguén máis saiba delas.

Pois aí vos van, voando nas ondas!

Portafolio total do Talento

Escornabots e impresión 3D

Nesta páxina imos ir colocando os recursos que vaiamos xerando a respecto da robótica dende a nosa Biblioteca.

Pretendemos que sexa un lugar onde se poda ver o traballo que se está a facer, unha fonte de recursos e un lugar onde xermolen proxectos.

Polo de agora, outubro de 2017, andamos nesto en cueiros, e coma os nenos pequenos temos dificultades para comezar a andar... dar un paso mete medo e temos que pensalo moito.

Pero estamos convencidos que en breve seremos quen de andar, correr, choutar, anicarnos, bailar...

As mulleres na nosa Biblioteca

Achegámovos unha foto da exposición dos libros adicados ás mulleres que temos no corredor de entrada á biblioteca.

Programa de Dino Radio no Día da Muller

Un novo programa de Dino Radio está no ar. Desta volta son os nenos e nenas de segundo B, que nos contarán un conto e entrevistarán á profe Elisa, a coordinadora da Axenda 21 no noso centro, o alumnado de quinto B, que nos contarán como se acordan da súa primeira profesora cando chegaron ao colexio, e por último o alumnado de quinto A, que seguen investigando sobre o camiño de Santiago entrevistando desta vez a unha peregrina que nos contará as súas vivencias no Camiño.

Así que premede no vencello que atoparedes aquí abaixo e a desfrutar deste programa adicado a todas as mulleres do mundo, para que ocupen o posto que lles corresponde na nosa sociedade.

 

A Olimpíada do Saber volve!!!!

Este ano volve, como non podía ser doutro xeito, a Olimpíada do Saber.

Como estamos en tempos de Pandemia temos que ter unhas novas normas, así que prestade atención:

  1. Entramos na aula virtual co noso nome de usuario e o contrasinal.
  2. Accedemos á sección da Biblioteca Escolar e nela ao curso da Olimpíada do Saber.
  3. Na primeira lección tedes a tarefa desta semana, e cada semana deste mes de marzo teredes unha nova para ir contestando.
  4. No apartado para escribir teredes que poñer a letra dos enigmas e a resposta correcta.

Podedes, igual que o ano pasado, facer o enigma en familia (coidado, que vos axuden, non vale que vos fagan todo o traballo, eh!!!).

Por cada resposta correcta terás un punto, así que cada semana podes ter ata 4 puntos.

Anímate e participa!

O Día de Rosalía

Coma todos os anos, neste ano da pandemia tamén celebramos á nosa Rosalía, oíndo os seus poemas coa música que lle puxeron algúns autores galegos.

Tamén fixemos unha ofrenda de verbas que a definían a ela coma muller e poeta galega.

Velaí esta foto de como quedou este mural colaborativo, no que participaron todas as aulas do colexio.

Dino Radio: Entroido no Camiño

Chega un novo programa de Dino Radio para celebrarmos o día mundial da Radio. As alumnas e alumnos de 1º A e de 5º A, veñen falar da Radio, do Entroido e do Camiño de Santiago cunha entrevista ao noso profe de Educación Física: Modesto.

Non volo podedes perder,

 

Distribuir contido