Tivemos a sorte de contar o pasado 23 de maio con Manuel Darriba e Aida Alonso, coautores de Pedro, o piloto de gaivotas, un libro no que Manuel Darriba conta da súa experiencia como pai dun neno especial, Pedro, e ao que Aida fai unha marabillosa contribución como ilustradora.

Logo fixeron un obradoiro no que puidemos aprender como ilustrar un libro.

Unha experiencia fantástica.

Dentro de poucos días tamén nos visitará Damián de Ponte nas Ondas para traballar a edición de podcasts e máis o manexo da mesa de mesturas da nosa radio.

En fin, unha fin de curso chea de actividades e de aprendizaxes.

Como xa dixemos no Barquiño de papel do mes de novembro, deixámovos aquí os materiais (o fondo de pantalla e as imaxes necesarias) para realizar este sinxelo xogo que consiste na realización dun circuíto eléctrico.

Temos que programar para que a bombilla se acenda cando estea ben colocada no circuíto, e tamén o interruptor. Para que funcione, ademáis, temos que facer que o interruptor se poña en "on" cando poñamos o rato por riba del.

É un proceso complicado, xa que temos que facer que a bombilla e o interruptor teñan dous disfraces, un apagado (off) e outro acendido (on).

Tamén temos que crear dúas variables, para que o programa saiba se se cumpren as condicións para acender a bombilla.

Tanto para o interruptor como para a bombilla temos que programar a súa función cunha variable condicional.

Por último o interruptor tamén temos que programalo para que se poña en posición de encendido cando poñamos o rato por riba del, por suposto con outra condicional.

Animádevos a realizar este reto, estamos convencidos que despois de trastear un pouco iremos conseguindo que funcione. Veña, que sodes uns "cracks"!!!

@s compañeir@s de 6º realizaron durante este curso un traballo moi interesante creando planillas e xogos para os Escornabots. O último día xogamos con eles para probar que tal fixeran os deseños, e o resultado foi fenomenal.

Aquí imos deixar todos os ficheiros que realizaron (que son moitos) para que vexades que grupos máis traballadores tivemos no colexio.

Este luns comezamos a nosa andaina de traballo cos Lego We Do. Primeiro fixemos un modelo do robot de exploración Curiosity, que anda a procurar vestixios de vida en Marte.

Aquí vos deixamos unha pequena escolma fotográfica da actividade.

Houbo quen dixo:

- Pero que non estamos facendo matemáticas...

- Claro que si, isto tamén son matemáticas!

- Home, é que tamén se poden facer matemáticas dun xeito divertido.

Unha reflexión moi interesante, non si?