Hoxe puxemos punto e final aos faladoiros do Club de lectura Roulemos de 1º e 2º de ESO neste curso 2023/2024. Só quédanos gozar da excursión do día 24 para ter un gran peche de club. Esperamos que gozásedes dun curso cheo de lecturas!

Non temos palabras suficientes para contarvos todo o que nos gustou e como gozamos a excursión de onte. Os clubs de lectura Roulemos de toda a ESO fomos xunto co club de lectura do IES Rosais 2 á Illa de San Simón, previamente paramos no museo Meirande onde nos explicaron toda a batalle de Rande. Xa na illa, e cuns guías magníficos, contáronnos as distintas fases polas que pasou ao longo da historia, que son moitísimas. Comemos, paseamos, os estudantes puideron facer unha procura do tesouro e, sen dúbida o mellor, é que pasamos un día ao aire libre entre compañeiros e aprendendo moito.

Lembramos que o próximo lúns 29 de abril hai a derradeira reunión de club de lectura de profes ás 15h na biblioteca.

Xa non queda nada para a nosa excursión á Illa de San Simón co club de lectura Roulemos. Os nosos lectores de 1º e 2º leron A lavandeira de San Simón e agora entrarán de cheo nas aventuras de Julio Verne para contextualizar mellor todo o que nos conten na visita. Se queres saber que relación hai entre este famoso autor e a Illa de San Simón, non dubides en vir á próxima reunión do club o 22 de abril ás 15h na biblioteca.

Pola conmemoración do día do libro organizamos un amigo invisible para o profesorado, así que se estades interesados anotádevos na sala de profesores. A entrega será no segundo recreo do 23 de abril na sala de profes.

Onte, finalmente vimos o primeiro capítulo da película Kwaidan. Gracias a todos os que viéstedes.

O faladoiro literario de hoxe gustounos moito, todos viñeron cos "deberes" da lectura feitos e deu moitísimo de si. Con esta novela poñiamos fin ao que son as lecturas en si deste curso no club de lectura Roulemos para 3º e 4º de ESO porque no mes de maio dedicarémonos a preparar algo moi especial, estade atentos.