O Club de Lectura despídese deste curso cunha sesión moi especial

O pasado luns, 6 de xuño, o Club de Lectura tivo a súa derradeira sesión deste ano académico. A lectura que comentamos neste remate de curso foi El secreto de las brujas: La herencia. Foi unha cita moi especial porque contamos, nesta ocasión, coas autoras da novela: Nesa Costas, Antía Eiras e Andrea López. Cada unha delas conta con moitos libros publicados. Estas tres grandes escritoras galegas contáronnos como foi o proceso de escribir unha novela a tres voces e a seis mans. Pasamos realmente unha velada moi amena e agradable, mágoa que ás 16.20 horas, o son do timbre, devolveunos á crúa realidade e tivemos que dicirlles un ata logo a Nesa, Antía e Andrea e, por suposto, tamén ao Roulemos do 2021-2022.

Está aberta a convocaoria para solicitar axudas do Ministerio de Educación e Formación Profesional para alumnado con necesidades específicas de apio educativo (discapacidade, trastorno grave da conduta ou da comunicación e a linguaxe, trastorno do espectro autista e altas capacidades).

Se facedes clic na imaxe poderedes acceder a toda a información necesaria.

Chega o fin de curso e con él o momento de despedir a algúns dos nosos alumnos. Haberá dous actos de graduación: o de segundo de bacharelato e o de cuarto ESO. Aquí tedes algunha información que pode ser do voso interese:

Graduación segundo bacharelato:

• Día 10 de xuño, ás 17 h.
• Información confidencial: vai actuar Eva Collazo (voz e piano) e o DJ Roi.

Graduación cuarto ESO:

• Día 17 de xuño, ás 18 h.
• Información confidencial: vai actuar o grupo Bees? (xúntase cartel).

Este curso para celebrar o día do libro desde a Biblioteca promoveuse un mercado solidario. Durante unha semana, puidemos intercambiar os libros expostos na Ágora por comida perecedoira que doamos á Asociación de Cáritas de Teís, cuxo responsable nos enviou unha emotiva carta para agradecer esta iniciativa.

Ademais, o club de lectura quixo homenaxear a obra de Cervantes, para o que se pediu, a quen quixese participar, que seleccionase un refrán do Quixote. Incluíronse nun mural todos os refráns escollidos e expúxose na Ágora mentres durou o intercambio de libros.

Sabiamos que estabades esperando con ansia o novo número (o catro xa) da nosa revista ROULANDO. Pois aquí o tedes:

• En calameo.
• En formato pdf.

Que o gocedes!

Este martes, 31 de maio, celebrouse o acto de entrega de premios do Concurso Literario IES ROU 2022, iniciativa do EDNL e Biblioteca. Entregou os galardóns o director. O xurado, formado por Eliseo Martínez, Mar Hospido e Palmira Calvar, decidiu por unanimidade outorgar os premios aos seguintes participantes:

• 1° Premio Narrativa (categoría I): MIGUEL VILA por "O home de negro".
• 2° Premio Narrativa (categoría I): LEO SANTIAGO por "Amor no ocaso do pensamento".
• 1° Premio de Poesía (categoría I): CALEB IGLESIAS por "Os escritos da alma".
• 1° Premio Narrativa (categoría II): ANTÍA FERNÁNDEZ por "A nena espida sobre a neve".
• 2° Premio Narrativa (categoría II): JUAN CARLOS BARROS por "Os misterios da Terra Media".
• 1° Premio de Poesía (categoría II): DANIEL REGUEIRO por "Antoloxía poética".
• 2° Premio de Poesía (categoría II): ANTÍA FERNÁNDEZ por "Os crueis e os namorados".

Parabéns a tod@s os galardoad@s e mais ao resto de participantes por tantísimo talento!

Ven de ser publicada a convocatoria dos premios extraordinarios de educación secundaria obrigatoria ao rendemento académico correspondentes ao cuso 2021/22. Nos arquivos adxuntos tedes a convocatoria da orde e o extracto da mesma.

O luns 16 de maio o grupo do club de lectura tivo a ocasión de charlar co debuxante e ilustrador Fausto Isorna. Na súa charla contounos como, xa desde moi cativo, sentiu atracción polo mundo do cómic ata conseguir converter a ilustración no seu modo de vida. A continuación explicounos como a través da colaxe ilustrou Alicia no país das marabillas (obra comentada na anterior sesión do club de lectura) e Alicia a través do espello, das que trouxo algunhas colaxes orixinais para que puideramos aprecialas.

O xoves 5 de maio o alumnado do club de cómic tivo a ocasión de asistir a un obradoiro impartido polo pintor e ilustrador Ramón Trigo, quen lles explicou como realiza o seu traballo de ilustrador e mostroulles algúns debuxos orixinais, que puideron contrastar cos editados nos libros. Por último, os participantes crearon e ilustraron a súa propia historia.

O pasado 20, 21 e 22 de maio, Sara Martínez (1º BAC) e máis eu, Naiara Otero (4º ESO), asistimos ó campionato europeo de danza urbana celebrado no parque de atraccións Wunderland na cidade de Kalkar (Alemaña).

Conseguimos os seguintes galardóns ademais dos do resto de categorías dos grupos, solos e dúos da academia. Foron 36 premios en total.

• Grupo Naiara “DA KIDS” → 4º lugar
• Grupo Sara “YALAKAI” → 8º lugar

Asimesmo, eu Naiara, participo nun grupo formado por arredor de 45 persoas denominado “DA FAMILY” co cal conseguimos un 3º lugar na categoría de Megacrew. Ambas sentímonos moi orgullosas de vivir esta bonita experiencia rodeada de boa xente. Quereriamos tamén dar as grazas á nosa academia DA Vigo e ós nosos profesores por darnos unha gran oprtunidade e por facer isto posible.