Iniciar sesión

Secretaría virtual

Graduación 4º ESO 21-22

Aquí tedes un pequeno vídeo que tenta ser un resumo do acto da graduación do alumnado de 4º ESO. Os nosos parabéns pola organización do acto e pola actuación de Eva Collazo e do grupo Bees? (quizáis o insti sexa o xerme dunhas futuras estrelas).

Inmersión lingüística en francés

O alumnado que o vindeiro curso estea matriculado en 3º ESO en francés poderá optar en 4º ESO ás prazas de inmersión linguística que ofertará o Concello de Vigo.

Así, o alumnado poderá optar a unha estadía de tres semanas en Francia, unha grande oportunidade para profundizar no coñecemento da lingua e a cultura francesas.

The perks of being a wallflower

Dentro do proxecto “O libro nos camiños da cultura occidental, século XXI”, aquí tedes un vídeo que recolle actividades levadas a cabo por o grupo de Sección Bilingüe de 4º ESO, coordinadas pola profesora Palmira Calvar, relacionadas coa lectura da obra "The perks of being a wallflower" de Stephen Chboski.

Consumo responsable

Aquí tedes un pequeno vídeo do proxecto realizado co alumnado de 4 ESO, coordinados pola profesora Palmira Calvar, na aula de inglés. Trata de  concienciar sobre o consumo responsable e reflexionar sobre as medidas que adoptamos para axudar a salvar o planeta. É unha das propostas presentadas dende a asignatura de inglés ao proxecto "O libro nos camiños da cultura occidental, século XXI".

Criptomoedas

Para o proxecto de Biblioteca do IES ROU "O libro nos Camiños da Cultura Occidental,adicado este ano ao S.XXI, desde o Deparamento de Economía o alumnado de 1ºBacharelato E – F, coordinado por Tamara Cambra Otero, investigaron sobre o complexo mundo das criptomoedas.

A través do documental “Magic Money” (https://www.youtube.com/watch?v=KjIyaun-d5A) aprenderon os conceptos fundamentais: ¿Que son as criptomoedas?, orixe, principais características, ¿qué é o bitcoin?, orixe e creador ¿cómo operar con bitcoins?, ¿qué é o libro branco?, cartera fría, clave pública vs. privada, ¿qué é a tecnoloxía blockchain?, ¿qué é a minería?, vantaxes e dasvantaxes das criptomoedas fronte as divisas tradicionais, etc.

Despois afondaron sobre a diferencia entre as dúas principais criptomoedas (Bitcoin e Ether) e a tecnoloxía blockchain visionado do vídeo de Pablo Gil (https://www.youtube.com/watch?v=uWntJaOq4PY).

Comentaron tamén múltiples noticias relacionadas coas criptomonedas e fixeron unha posta en común do aprendido.

Por último, o alumnado realizou, en grupos de 3 – 4 compoñentes, un pequeno traballo sobre as criptomoedas de estilo libre, que inclue posters, vídeos, trípticos, presentación e un monopoly.

Se facedes clic na imaxe poderedes acceder á memoria de dito traballo.

 

Eco-friendly homes

No proxecto ECO-FRIENDLY HOMES colaboraron dous departamentos. Dende o de Plástica, dirixidos pola profesora Marta Olivares fixeron un deseño dunha vivenda ecolóxica, que mostrase algúns elementos tecnolóxicos, materiais reciclados ou de proximidade, para a axuda do aforro enerxético ou a preservación do medio ambiente. Dende o departamento de Inglés, dirixidos pola profesora Concepción Vázquez e a auxiliar de conversa Jamie Berkson, o alumnado tivo que facer unha descrición escrita desa casa ecolóxica, empregando as estruturas e vocabulario aprendido, e mencionando as súas propostas medioambientais. A montaxe dixital é de Xulio Banga.

Xa estamos na fase nacional

Os días 23, 24 e 25 de xuño, os alumnos Iván Iglesias, Antón Justo Vicente, Nora Ramallo Martínez y Sara Vicente Lorenzo de 3º ESO C defenderán en Toledo, na fase nacional do concurso "XI Incubadora de Sondeos y Experimentos" o seu proxecto “Estudo da relación de casos de Covid-19 e a contaminación do aire nas ciudades de Vigo e Valladolid”. As entidades convocantes deste concurso son a "Sociedad Española de Estadística y Investigación Operativa" e a "Universidad de Castilla La Mancha".

Entrega diplomas STEM

O pasado luns tivo lugar na Universidade de Vigo a entrega de diplomas ao noso alumnado do bacharelato de excelencia (STEMbach) Ana Sande e Diego González. Os nosos parabéns.

Posverdade: a mentira a golpe de clic

Este relato foi escrito de forma colaborativa polo alumnado de Filosofía de 4º ESO, coordinado pola profesora Celeste Cancela. O traballo encádrase dentro do proxecto "O libro nos camiños da cultura occidental: o século XXI", coordinado pola Biblioteca do centro. Narra as andanzas dunha rapaza chamada Hannah no país da posverdade. Son moitas as aventuras ás que se vai enfrontar a protagonista para poder chegar a distinguir o verdadeiro do falso, o real do "fake". Conseguirá a nosa heroína saír  san e salva de tanta picardía? 

O relato está formado por catro capítulos, nos que se abordan as seguintes cuestións: que é a posverdade, a relación entre a posverdade e a realidade, a relación entre a posverdade e as noticias falsas e, finalmente, a relación entre a posverdade e as redes sociais.

Datas importantes

No arquivo adxunto tedes datas de interese cara ao final de curso.

Distribuir contido