O alumnado de primeiro e segundo de ESO asistiu á ópera Romeo y Julieta de Charles Gounod. Aquí tedes unhas fotos para que vexades o ben que o pasaron.

Alumnado de 1º e 2º ESO, baixo a direción da profesora Estela Lago Ribo, representou no noso centro unha versión do clásico renacentista Romeo e Xulieta, de William Shakespeare. Debido ao éxito a compañía está sendo requerida en numerosos lugares e vai facer unha xira por: CEIP García Barbón, CEIP Frián, CEIP Mosteiro, IES Castelao e Residencia de maiores Geriatros. Seica xa soan bastante para seren os gañadores dos vindeiros Premios Max. No seguinte vídeo tedes unha mostra.

Romeo y Julieta from matesrou on Vimeo.

Nos arquivos adxuntos tedes información de importancia respecto ao intercambio con Forlì. Aquí tedes unha foto que corresponde ao intercambio que se levou a cabo a pasado ano.

Achégase a información sobre o DELF escolar ( Diplôme d'Études en Langue Française) remitida pola Consellería e a Alianza Francesa de Vigo.

A catapulta é unha arma que se coñece dende a Antigua Grecia, pero foi un científico do Renacemento, Galilo Galilei, o primeiro que escribiu as ecuacións que rixen o movento dun proxectil lanzado por unha catapulta. O alumnado de 2º e 3º da ESO aplicará o método cientíco de experimentación para estudar dito movemento.

No seguinte enlace tedes a posibilidade de ver o seu traballo:

Os clubs de lectura do noso centro acaban de ser premiados por parte da Dirección Xeral de Centros e Recursos Humanos da Consellería de Educación e Ordenación Universitaria con 1210 €. Debemos sinalar a importante labor que leva a cabo o noso instituto no fomento dunha actividade tan importante como é a lectura.

O alumnnado da Sección Bilingüe de Física e Química de 2º ESO levou a cabo o reto do manequín. Botádelle unha ollada ao vídeo para ver como lles foi.

Mannequin challenge from matesrou on Vimeo.

O pasado mércores tivo lugar no noso centro a representación de Tempestades, un espectáculo no que os rapaces puideron ver ao actor Ricardo Frazer dando vida a catorce personaxes diferentes, xurdidos de obras de autores como Calderón de la Barca, Ibsen o Shakespeare. Unha experiencia realmente enriquecedora que so a maxia do teatro pode dar. Aquí tedes algunhas fotos:

Como é tradicional, este ano celebramos un novo magosto. Tiramos da corda, fixemos carreiras de sacos, xogamos coas chapas... e, sobre todo, comimos castañas.

Aquí tedes algunhas fotos.

 E se aínda queredes máis...

Magosto 2016 from matesrou on Vimeo.

O clube de lectura do noso centro acaba de ser premiado por parte da Dirección Xeral de Centros e Recursos Humanos da Consellería de Educación e Ordenación Universitaria con 1210 €. Debemos sinalar a importante labor que leva a cabo o noso instituto no fomento dunha actividade tan importante como é a lectura.

O bo traballo do equipo de biblioteca do noso centro (coa participación de moitos membros da comunidade educativa) foi recompensado con dous importantes premios:

Subvención de 5 300 € concedida dentro do "Plan de Mellora de Bibliotecas Escolares 2016 - 2017" pola Consellería de Educación e O. U. da Xunta de Galicia.

Concesión de 4 000 € na "V Convocatoria de Proxectos Escolares 2016 - 2017" organizada pola Fundación Barrié de la Maza. Nesta convocatoria, a devandita fundación seleccionou cinco proxectos de biblioteca dentro de toda Galicia, nas modalidades seguintes: "Proxecto de Centro", "Proxecto Intercentros", "Proxecto Colaborativo" e "Proxecto Infantil". O proxecto de Biblioteca do IES ROU foi premiado na modalidade de "Proxecto de Centro"

Os nosos parabéns a todos (que son moitos) os participantes nestes proxectos.

Nas seguintes imaxes tedes a demostración de que existen moitos xeitos de aprender.