O alumnado de Tecnoloxía de 4º ESO e o de Ciencias de 1º de Bacharelato asistiu a un obradoiro sobre a "Historia das telecomunicacións". Enviaron mensaxes utilizando o Código Morse, viron como eran os teléfonos que usaban durante a Primeira Guerra Mundial e que tecnoloxía utilizaban, analizaron os terminaís dos telefonos móbiles desde a xeración 1G ata a 5G... Tamén fixeron unha práctica con fibra óptica, comprobando como se transmite o sinal e como vai o cableado. Por certo, sabedes cal é a avaría máis frecuente nos cables submarinos de fibra óptica?

Como recordades, alumnado de terceiro de ESO e de 2º de bacharelato que cursa a materia de xeoloxía fixo unha excursión á Serra do Courel. Na anterior reportaxe pudestes ver as fotos que sacaron os profes. Pero o alumnado tamén ten o seu dereito e organizouse un concurso para seleccionar as mellores. Resultaron premiadas: Celia Alonso, Paula Fernándes, Sara Ferrín e Sabela González. Aquí tedes unha foto do acto de entrega de premios.

Nota: coméntase que as fotos dos alumnos foron mellores cas dos profes :))

Credes que as bandas deseñadas non teñen son? Os rapaces de 2º ESO do noso centro demostraranvos que estades equivocados. Se facedes clic en cada imaxe atoparedes un vídeo para que o comprobedes.

COMPOSICIÓNS DESCRITIVAS
FRASES PARA COMPOSICIÓNS NON DESCRITIVAS		COMPOSICIÓNS NON DESCRITIVAS

Como moitos de vos sabedes, os traballos da profesora de música do noso centro, Carmen Losada, conseguiron sacar do esquecemento á docente e pianista Sofía Novoa. Desde fai dous anos a Deputación de Pontevedra convoca os premios Sofía Novoa Ortiz, que tratan de potenciar a realización de traballos de fin de grao ou fin de máster nos que se integre a perspectiva de xénero. Na seguinte foto podedes ver á profesora Carmen Losada coas galardoadas deste ano.

Moitas veces os instrumentos musicais poden parecernos moi complexos, pero vos sorprendería o que se pode facer con obxectos de uso cotiá. Se facedes clic no cartel o veredes.

Alumnado de terceiro de ESO e 2º bacharelato que cursa a materia de xeoloxía realizou unha saída de dous días á Serra do Courel, onde puideron apreciar de primeira man os importantes aspectos biolóxicos, xeolóxicos e etnográficos desta singular paraxe. No seguinte vídeo tedes unha pequena mostra do que viviron os nosos rapaces.

O Courel from IES ROU on Vimeo.

Inaugurouse no centro unha exposición titulada O barroco: Admiración e sorpresa. Esta exposición forma parte do proxecto O libro nos camiños da cultura occidental, coordinado polo grupo de traballo da biblioteca do instituto. Este curso o proxecto adícase ao Barroco, arte que expresa a angustia e o desengaño do home do século XVII e que busca  sorprender e  admirar, tanto pola vía de sorprendentes conceptos (Quevedo) como co exceso e complexidade das formas artísticas e literarias (Góngora). Podedes ver un pequeno vídeo da exposición levada a cabo polo alumnado de 3º ESO A e coordinada pola profesora de lingua castelá Estela Lago. 

Exposición Barroco from IES ROU on Vimeo.

A escritora Marisol Ortiz de Zárate, autora de libros como "Los enigmas de Leonardo" ou "La canción de Shao Li", mantivo un encontro con alumnado de primeiro e segundo da ESO. Como podedes ver nas fotos, todos mostraron un enorme interese e foron moitos os que aproveitaron para que asinara os seus libros.

Aproveitamos para agradecer a Mariso Ortiz a súa presenza no noso instituto.

No arquivo adxunto tedes os horarios para a realización do DELF Scolaire (probas orais). Recordade que se fan no IES de Teis. Boa sorte!

O escritor Pedro Feijoo (autor de libros como "Os fillos do mar", "A memoria da choiva" ou "Morena, perigosa e romántica" e galardoado co premio Arcebispo Juan de Clemente) estivo esta semana no noso instituto mantendo un coloquio con alumnado de primeiro e segundo de bacharelato. Nesta xuntanza púxose de manifesto a gran complicidade que existe entre o escritor e os seus lectores.

Agradecémoslle a Pedro Feijoo a súa presenza no noso centro.

Aquí tedes algunhas fotos do acto: