O noso instituto decidiu animar a que profes e alumnos presentasen unha frase que motivase á lectura. Aqueles que o fixeron recibiron unha flor un tanto especial. Como tantas veces, Pablo, o profe de debuxo, foi o promotor da iniciativa.

Esta é un recoñecemento a todas aquelas persoas que consideran que os libros son algo importante nas súas vidas.

Facede clic na imaxe.

Este curso contamos con catro escritores entre o profesorado do centro (Carlos Lixó, Xabier Xil, Anxo Raxó e Pablo Martínez). Nas seguintes fotos tedes a profes e alumnos lendo algunha das súas obras nun dos recunchos do noso instituto que animan a gozar tranquilamente da lectura, así como os autores coas súas correspondentes obras.

Tres grupos de alumnos do noso centro expuxeron brilantemente os seus traballos de STEM. Fixérono na Escola Supeior de Enxeñeiros Industriais da Universidade de Vigo e na Facultade de mediciña da Universidade de Santiago.

• Violet Álvarez Rojo e Catuxa Carrera Ferreirós presentaron a Estimación de limiares de normalidade para o test MMSE e validación para o diagnóstico de Alzheimer nunha mostra de pacientes de referencia.
• Paula Fernández Rodríguez e Antonio Otero Corral expuxeron a Obtención da concentración de unha disolución mediante unha aplicación de móbil.
• Xabier Ferreiro Santamaría e Sabela González Alcántara defenderon o Estudo da actividade Enzimática da invertase inmovilizada en esferas de alxinato de calcio.

O noso recoñecemento a estes alumnos, así como os titores: María Asunción Longo González, do Departamento de Enxeñería Química da Universidade de Vigo, Estrella Álvarez da Costa, do Departamento de Enxeñería Química da Universidade de Vigo, Pablo Aguiar Fernández do Centro Singular de Investigación en Mediciña Molecular e Enfermidades Crónicas da Universidade de Santiago de Compostela e José Luis López López, Rubén Borrajo Santos e María Méndez Pérez do noso instituto.

Agradecemos tamén aos membros dos distintos tribunais que xulgaron estes proxectos e que lles otorgaron unhas excelentes cualificacións.

Quen falou de clases abrurridas dentro dunha aula? Aquí tedes outro xeito de estar nunha clase que, ao parecer, está poñéndose de moda no noso instituro.

Facede clic enriba da imaxe e o veredes.

Esta semana teremos as charlas de orientación laboral ás que podedes acudir os alumnos de cuarto de ESO e primeiro e segundo de bacharelato.

Esperamos que sexan do voso interese.

Podedes ver o horario das distintas charlas facendo clic na seguinte imaxe:

Estamos aproveitando algúns dos recreos para practicar ioga, unha actividade que está a ter un grande éxito entre o alumnado. Se facedes clic na imaxe, veredes unha pequena mostra.

O alumnado de terceiro e cuarto da ESO participou nun obradoiro de máscaras relacionadas co entroido galego. A actividade foi coordinada polos departamentos de debuxo e o de lingua galega.

Neste vídeo tedes unha pequena mostra do proceso de creación. 

O martes 15 de decembro tivemos dous Charlas do investigador e biólogo Carlos Spuch (ao que lle agradecemos enormemente a súa presenza) sobre a prevención e protección ante a Pandemia do COVID-19. Aquí tedes unhas imaxes da interesante e instructiva conferencia dirixida aos alumnos de 1º e 2º bacharelato.

Chegan estas datas e o noso instituto tamén quere participar delas. Aquí tedes un pequeno vídeo que mostra a nosa árbore de Nadal, cuxos adornos están feitos polo noso alumnado, baixo a dirección do profesor Pablo Martínez, con material reciclado. 

Como todos os anos o noso centro participa nas actividades contra a Violencia de xénero (25 de Novembro) propostas polo concello de Vigo en Enlaza Vigo. 

Participaron os alumnos de Filosofía de 4º na elaboración dun vídeo e alumnos de 4ªA de Valores éticos e Relixión na exposición de carteis con lemas. 

Este curso o eixo principal foi a escala da violencia, os diferentes chanzos que aparecen habitualmente.

Aquí tedes os enlaces onde podedes acceder a estas actividades:

• Vídeo.
• Carteis da exposición dos diferentes centros participantes.