Presentamos os resultados da enquisa formulada ao alumnado e profesorado do centro sobre o seguimento na participación das 24 horas co galego celebrado o Día de Rosalía (24/02/2021).

Datos para unha análise e unha reflexión agora que imos celebrar o 17 de maio, o día das Letras.

Acompañamos esta mostra cuns datos preocupantes sobre o uso do galego no ensino dun estudo feito pola Real Academia Galega.

Información da RAG recollida en Praza Pública

Un de cada tres alumnos castelanfalante remata a ESO con "escasa competencia" en galego 

 Video elaborado polo EDLG do IES Monelos coa colaboración dos departamentos de música, educación plástica, inglés e lingua e literatura galega. Adaptación da "Imagine" de John Lennon.

 Resultados finais

Bases do concurso

Listaxe de gañadores da 4ª semana e gañadores do concurso

Pincha na imaxe de abaixo (segundo o curso) para participar

O pasado martes 13 de abril, a bióloga e investigadora científica do CICA e do INIBIC da Coruña Tamara Hermida, ex- alumna do IES Monelos, impartiu unha charla ao alumnado de Cultura Científica de 1º Bacharelato.

O tema que tratou foi a clonación e as células nai, así como a importancia da investigación nas mesmas para o tratamento de enfermidades. 

Nestes momentos, os/ as alumnos/ as desta materia están a traballar en clase contidos sobre Revolución Xenética e Biotecnoloxía co seu profesor José Carlos Areán, polo que esta charla ademais de ser útil resultou moi  motivadora para eles/ as. 

Tamara, mediante esta divulgación científica realizada no instituto, tamén incidiu na importancia da investigación científica en Galicia e en España, en concreto no campo da investigación biomédica; e resaltou que son moitas as científicas que se dedican a este gran labor en beneficio da sociedade.