Formulario petición libros da biblioteca

Despois dun inicio de curso cheo de incertezas, dende a biblioteca do IES Monelos seguimos a pensar na comunidade escolar. Iniciamos o camiño, neste ano académico 2020-21, con novos proxectos en mente e un novo xeito de reservar as peticións dos nosos lectores. Aquí tedes esta ligazón: https://forms.gle/ZCxxHX69YLaiAWnT6

As vosas peticións serán atendidas en canto cubrades os datos do formulario que se despregará ao premer na ligazón . Os alumnos poderán facer uso dos libros durante 15 días, ao remate dos cales, deberán devolvelos en perfecto estado. En caso de non devolvelos en prazo, o alumno non poderá levar outros libros durante ese trimestre.

Desexamos un ano cheo de ilusións por aprender e disfrutar das lecturas!

As datas das reunións cos titores son as que aparecen aquí

É importante que se cumpran  as seguintes instrucións para o acceso ao centro:

- Só poderá asistir á reunión un membro da unidade familiar

- As reunións faranse en diferentes quendas e entrarase ao centro nas horas habilitadas para cada grupo de pais. Rogamos sexan puntuais.

- As reunións celebraranse nas aulas de cada grupo. As entradas faranse polas portas que lle corresponda a cada aula aquí.

- Deberase levar máscara en todo momento.

Neste curso escolar que comeza é máis necesario que nunca que as familias teñan feito o seu rexistro en ABALAR. Nesta ligazón (aquí) tedes a forma de descargarvos a aplicación no móbil tanto para o sistema operativo Android como para  iOS.

Para o comezo de curso colgaremos os horarios das presentacións por curso e grupo e será a través deste sistema onde poderedes recibir información relativa a en que grupo atópase o voso fillo. Ademais, as familias que descarguen  abalarMóbil van poder dispoñer das seguintes funcionalidades: 

• Acceder aos datos persoais

• Consultar as cualificacións

• Consultar e xustificar as faltas de asistencia

• Consultar as faltas de  conduta

• Solicitar unha cita de titoría

• Consultar os datos do centro educativo

• Consultar os avisos ou notificacións por parte do profesorado ou do centro educativo

• Consultar as  incidencias creadas polo profesorado

• Acceder á mensaxería de  abalarMóbil, que é unha nova funcionalidade que ten como obxectivo facilitar a comunicación entre o centro e  os responsables do alumnado, ou entre o profesorado e este.

Na seguinte ligazón tedes un manual para que poidades ver como funciona a aplicación. (aquí)