Aberto o prazo de presentación de solicitudes ata o 8 de xullo de 2024 para participar nos premios extraordinarios de ESO ao rendemento académico 2023-2024 (código de procedemento ED311D),publicada no DOG do 6 de xuño 2024 para alumnado de 4º ESO cunha nota media de ESO igual ou superior a 9.

Pode acceder a máis información desta convocatoria na aplicación PremiosEdu (https://www.edu.xunta.gal/premiosedu), no portal educativo (https://www.edu.xunta.gal) e na sede electrónica da Xunta de Galicia (https://sede.xunta.gal), introducindo na caixa de busca o código de procedemento ED311D.

Achégase unha folla informativa coas novidades e características máis relevantes desta convocatoria e con consellos prácticos sobre o proceso de solicitudes.

a) A forma máis aconsellable de cubrir as solicitudes é mediante o emprego da aplicación PremiosEdu, deseñada para facilitar este procedemento. Unha vez cuberta, a aplicación permite tanto a presentación da solicitude na sede electrónica a través dun enlace directo, como a presentación presencial (por exemplo, nun rexistro) imprimindo o Anexo I cos datos introducidos. 

b) Posto que na meirande parte dos casos o alumnado é menor de idade non emancipado, nas solicitudes debe constar como representante un dos seus pais, nais ou titores/as legais, que ademais asinará as solicitudes.  

Servizo de Avaliación do Sistema Educativo
Subdirección Xeral de Ordenación, Inspección e Avaliación do Sistema Educativo

Dirección Xeral de Ordenación e Innovación Educativa
Consellería de Educación, Ciencia, Universidades e Formación Profesional

Participación  nos Premios extraordinarios de bacharelato 2023-2024 (código de procedemento ED311A / DOG 26 abril), destinado a alumnado de 2º bacharelato (cunha nota igual ou suprerior a 8,75)

Prazo de presentación de solicitudes ata o día 28 de maio de 2024.

Achégase unha folla resumo das características do premio con indicacións importantes sobre como realizar a solicitude desde a aplicación de PremiosEdu ou desde a Sede electronica.

Pode acceder á información desta convocatoria na sede electrónica da Xunta de Galicia (https://sede.xunta.gal), introducindo na caixa de busca o código de procedemento ED311A ou ben en PremiosEdu (https://www.edu.xunta.gal/premiosedu/).

O pasado 24, 25 e 26 de abril, o alumnado de 1º CS Administración e Finanzas presentou o seu proxecto de emprendemento en Innova.

Este proxecto foi creado dentro do programa Lanzadeiras e trátase de “Lévote Eu”; unha empresa de transporte de vehículos de renting con condutores privados e capacidade para 9 prazas que busca optimizar o tempo e reducir os custos e as emisións contaminantes en desprazamentos dende Viveiro ás principais cidades galegas.

A idea xurdiu do alumnado dado o precario servizo de transporte público que temos en Viveiro e captou a atención do Conselleiro de Educación Román Rodríguez e da da Directora Xeral de FP Eugenia Pérez.

Para chegar ao resultado final da creación da empresa "Lévote Eu", o alumnado traballou por proxectos nos distintos módulos do ciclo formativo, en equipo e de forma coordinada polos profesores, enfocando de forma práctica os contidos teóricos e estimulando o espírito emprendedor do alumnado.

No módulo de Comunicación e Atención ao Cliente traballaron toda a parte de Marketing e atención á clientela, en Xestión da Documentación Xurídica e Empresarial realizaron os trámites de creación e posta en marcha, en RRHH e RSC deseñaron o organigrama e a estratexia de responsabilidade social corporativa e no módulo de Ofimática realizaron o presuposto de tesoureira e crearon o logotipo e demais carteis publicitarios (flyers, tarifas de prezos, etc.).

 Resolución AQUÍ

O día 23 de abril foron publicadas as listaxes provisionais de alumnado seleccionado e suplente e a listaxe de solicitudes que precisan remisión de documentación relacionada coas comprobacións segundo o establecido no artigo 8.1 (apartados c,d,e,f), segundo o establecido no artigo 16.3 da Orde do 29 de xaneiro de 2024 pola que se convocan axudas para a realización de actividades formativas en linguas estranxeiras no ano 2024, destinadas ao alumnado dos centros docentes sostidos con fondos públicos, en réxime de concorrencia competitiva (DOG do 12/02/24) que se poden consultar na web da convocatoria http://www.edu.xunta.gal/axudasle e no Portal Educativo 

 https://www.edu.xunta.gal/portal/node/42968 

O contido desta orde e a información complementaria atoparase na páxina web 

http://www.edu.xunta.gal/axudasle

XII Campus de Verán XuvenCiencia, o campamento científico da USC, no que preto de cen estudantes de 3º e 4º da ESO, de BAC e de ciclos medios de FP vivirán unha semana de experiencias inesquecibles.

O Campus XuvenCiencia terá lugar do 30 de xuño ao 6 de xullo e o custo da matrícula é de 250€.

O prazo de preinscrición ábrese dende o  venres 3 de maio ás 15:30 h ata o 12 de maio.

Para mais información entrar na seguinte paxina Web: 

https://xuvenciencia.org/campus/gl/informaciongl/

Xoves, 18 de abril. De 18 a 20 h. Salón de actos IES María Sarmiento. Charla informativa dirixida a profesorado e familias.

No contexto de charlas e reflexións sobre saúde mental, e complementando xa a outras actividades que se propuxeron dende o centro nos meses anteriores.

Título: A detección e prevención do suicidio na adolescencia. Falemos!

Axudando a medrar: a prevención do suicidio na adolescencia.

Poñente: SONIA MARTÍNEZ RODIL, Psicóloga Saúde Mental SERGAS

Saíu publicada a convocatoria das becas  MEC de carácter xeral para o curso 2024/25 dirixidas ao alumnado de ensinanzas postobrigatorias (BAC, FP grao básico, medio e superior, curso de acceso e preparación para probas de acceso á FP, ensinanzas artísticas profesionais e superiores, ensinanzas de idiomas en Escolas Oficiais, ensinanzas deportivas, estudos relixiosos superiores e Universidades).

Prazo presentación: do 19 de marzo ao 10 de maio (ambos incluídos)

Forma de presentación: procedemento electrónico (sede electrónica do Ministerio)

Toda a información no seguinte enlace:

               https://amtegabox.xunta.gal/index.php/s/XNcQCJYrx27Be2T)