O pasado xoves visitounos Silvia, traballadora de Proxecto Home, que desenvolveu un obradoiro con alumnado de 1º Formación Profesional Básica e 4º da ESO. 

O alumnado tivo a oportunidade de coñecer de primeira man o traballo da entidade, que se encarga do tratamento, rehabilitación e reinserción sociolaboral de persoas con problemas de adicción.

Os menores recibiron ademais formación sobre as adiccións, tanto con substancia como sen ela, descubrindo os principais mitos e peligros das mesmas. Todo elo coa finalidade favorecer a prevención, fomentando a responsabilidade na toma de decisións e promovendo un ocio saudable. 

O alumnado de 2º da ESO estivo a falar con Begoña sobre o tabaco, alcohol e outras drogas, nunha xornada dedicada á prevención de adiccións con substancia. Nas sesións, analizaron os mecanismos que xeran dependencia así como os motivos polos que o consumo de drogas resulta prexudicial para a saúde. 

No caso de substancias como o alcohol ou o tabaco, o seu consumo está moi vinculado ao ocio e mesmo normalizado na nosa sociedade, ao tratarse de drogas legais e permitidas a partir da maioría de idade, o que facilita o acceso ás mesmas. Por isto, se cabe, é máis relevante tomar conciencia e dispor de información que permita aprender a dicir non. 

O alumnado de 2º ESO asistiu a unha sesión para concienciar da prevención de adiccións con substancia. Falaron con Begoña sobre o alcohol, tabaco e outras drogas, analizando os mecanismos que actúan na xeración da dependencia así como os motivos de que estas sexan perxudiciais para a saúde. 

Con todo, e pese a ser substancias nocivas, algunhas delas como o alcohol ou o tabaco están moi vinculadas ao ocio e integradas de forma normalizada na sociedade, o que sumado a que son legais e poden ser consumidas a partir da maioría de idade, facilita o acceso ás mesmas. Por isto, é fundamental coñecer os contras destas substancias, para que o alumnado decida de forma consciente e saiba dicir non. 

Que é a autorresponsabilidade? Que consecuencias teñen as nosas decisións? Estas cuestións, entre outras, foron analizadas nunha sesión dedicada á "autorresponsabilidade e saúde" co alumnado de 1º do ciclo básico de Servizos Administrativos e 4º da ESO, onde puideron reflexionar sobre a importancia das súas eleccións, por exemplo,  fronte ao consumo de substancias perxudiciais para a saúde ou fronte á sexualidade.

Na xornada sensibilizouse ao alumnado sobre a relevancia de aprender a dicir non e ser capaces de afrontar de forma adecuada a presión do grupo, tomando conciencia da importancia das decisións propias e da responsabilidade de cadaquén nos seus actos e consecuencias.  

O alumnado de 1º ESO leva algún tempo traballando sobre a mediación e a resolución pacífica de conflitos. Á vez que aprenden valores como o respecto, bo trato, empatía...., adquiren habilidades sociais útiles ao longo da vida e para o afrontamento dos conflitos de forma asertiva. Nos últimos días estiveron a poñer en práctica a mediación mediante simulacións.

Consulta neste apartado a información relativa aos premios extraordinarios da ESO e do Bacharelato, polos que se recoñece o mérito excepcional baseado no esforzo e traballo do alumnado que cursou con un excelente rendemento académico. 

En cada unha das convocatorias concédense ata 20 premios con unha contía de 1000 € cada un deles. O alumnado participante deberá realizar unha proba presencial, segundo as caracteristicas indicadas na correspondente convocatoria.

Convocatoria premios extraordinarios da ESO (ligazón): 

• Destinatarios: alumnado que titula en 4º ESO no curso 22/23, con nota media igual ou superior a 9 puntos. 
• Prazo de presentación de solicitudes: do 31 de maio ao 30 de xuño de 2023. 
• Data da proba: 6 de setembro de 2023.

Convocatoria premios extraordinarios do Bacharelato (ligazón): 

• Destinatarios: alumnado que finalice Bacharelato no curso actual, con nota media igual ou superior a 8,75 puntos. 
• Prazo de presentación de solicitudes: do 26 de abril ao 25 de maio.
• Data da proba: 14 de xuño de 2023.

O alumnado interesado en participar debe cumprir os requisitos fixados na convocatoria.

A solicitude de participación presentarase preferiblemente de forma telemática a través do formulario normalizado (Anexo I) dispoñible na aplicación informática PremiosEdu (https://edu.xunta.gal/premiosedu/) accesible dende a sede electrónica da Xunta de Galicia (https://sede.xunta.gal) ou directamente dende a aplicación PremiosEdu. Opcionalmente, poderanse presentar presencialmente en calquera dos lugares e rexistros establecidos na normativa reguladora do procedemento administrativo común.

A partir do próximo 27 de marzo e ata o 17 de maio de 2023, poderás solicitar a beca para estudos de Bacharelato, Formación Profesional e Universidade, entre outros. 

Consulta a información de becas para FP e Bacharelato aquí.

Para becas de estudos de grado e master, infórmate nesta ligazón.  

Un ano máis participamos no programa A ponte entre o ensino medio e a USC.

Nesta ocasión visitounos un profesor da facultade de Física que lles presentaou ao alumnado de 1º e 2º de Bacharelato a universidade de Santiago de Compostela.

O alumnado puido coñecer de primeira man como se organiza a universidade, graos que se imparten, programas de becas e mobilidade, posibilidades de aloxamento e residencias ou outras cuestións relativas á vida universitaria. 

O Ministerio de Educación e Formación Profesional convoca 2400 axudas para participar nun programa intensivo de inmersión lingüística en inglés en España, destinadas a estudantes de Bacharelato, de Grao Medio de FP, de Artes Plásticas e Deseño, de Ensinanzas Deportivas, de Ensinanzas Profesionais de Música e Danza e de Idiomas de Nivel Intermedio e Avanzado, durante o mes de xullo de 2023.

REQUISITOS: 

• Ter nacido entre o 1 de xaneiro de 2003 e o 31 de decembro de 2006
• Ter obtido no curso 2022-23 a condición de becario do Mº de Educación e Formación Profesional nalgún dos estudos indicados no punto seguinte, conforme á Resolución do 10 de marzo de 2022, da Secretaría de Estado de Educación, pola que se convocan becas de carácter xeral, para o curso académico 2022-23, para estudantes que cursen estudos postobrigatorios. 
• Estar matriculado no curso 2022-23 en: Bacharelato, Ensinanzas profesionais de música e danza, grao medio de FP, grao medio de artes plásticas e deseño, grao medio de ensinanzas deportivas ou ensinanzas de idiomas de nivel intermedio e avanzado. 
• Ter aprobadas todas as asignaturas do curso 2021-22 a data da finalización do curso con unha nota final mínima de 9 na materia de inglés. 
• Terán preferencia as persoas solicitantes que obtiveran unha puntuación superior na materia de inglés. A esa nota sumaránselle 1,5 puntos aos solicitantes de nova adxudicación. 

DOTACIÓN: 

A axuda cubre todos os gastos de ensinanza, material, manutención e aloxamento. O transporte ata as instalacións corre por conta do alumnado, que tamén debe abonar 100 euros á empresa. 

PRAZO DE SOLICITUDE: 

Dende o 01 de febreiro ata o 03 de abril de 2023

A Consellería de Educación ven de publicar a Resolución do 27 de xaneiro de 2023, da Dirección Xeral de FP, pola que se convocan as probas para a obtención do título de graduado en educación secundaria obrigatoria para maiores de 18 anos nas convocatorias de maio e setembro, e se ditan instrucións para a súa realización. 

Prazos de matrícula: 

• Convocatoria de maio: do 6 de marzo ao 16 de marzo de 2023, ambos incluídos
• Convocatoria de setembro: do 3 de xullo ao 10 de xullo de 2023, ambos incluídos

Máis información na ligazón.