Hoxe foi un día moi especial, pois recibimos a visita do alumnado de 6º de Primaria do CEIP Nosa Sra. da Piedade e CEIP de Piloño, que para o próximo curso realizarán 1º da ESO no noso instituto. 

Na acollida participou o alumnado voluntario da biblioteca, que recibiron aos seus futurxs compañeirxs, percorreron con elxs as instalacións e realizaron un xogo de descuberta fotográfica en equipos co que puideron coñecer todos os recunchos do instituto. O alumnado voluntario tamén intercambiou experiencias co alumnado visitante e contáronlle unha morea de cousas sobre o instituto (como se organiza a biblioteca, actividades que se levan a cabo no centro, os recreos culturais, que se fai nas titorías, importancia de cumprir as normas...). Logo, tras coñecer algunhas cuestións sobre a nova etapa, desfrutamos todxs xuntxs dunha merenda na cafetería e tamén houbo tempo para o esparcemento. Sen dúbida, foi unha estupenda xornada de convivencia coa que esperamos facilitar o tránsito á secundaria do futuro alumnado. 

Por suposto, temos que agradecer ao alumnado voluntario da biblicoteca (Shaila, África, Emily, Dayna, Aldara, Candela e Maxi), que fixeron un gran traballo colaborando coa biblioteca e o departamento de orientación no desenvolvemento da actividade. Foron uns grans anfitrións e lograron que o futuro alumnado se sentira moi cómodo e integrado!

Desta volta participamos do programa Iniciación segura á pegada dixital e ás redes sociais, convocado pola Consellería de Educación. Estivo dirixido ao alumnado de 3º ESO, coa finalizade de formalo no uso seguro, responsable e proveitoso das Tecnoloxías da Información e Comunicación. 

A sesión foi impartida por unha técnica de Amtega (Axencia para a Modernización Tecnolóxica de Galicia), que incidiu en cuestións como a importancia da pegada dixital, seguridade e privacidade nas redes sociais. Así, o alumnado aprendeu sobre a relevancia de facer unha configuración adecuada dos nosos perfís en redes e coñecer as políticas de privacidade das mesmas, a fin de ser conscientes das implicacións que pode ter ser usuario dalgunhas comunidades dixitais. 

Coma sempre, cómpre ter toda a información posible e usar as redes con sentido!

Seguimos a traballar na resolución de conflitos cos grupos de 1º da ESO, nesta ocasión con un obradoiro impartido por Arelar Xestión Socioeducativa.

O alumnado puido aprender sobre o conflito e distintas formas de afrontalo, vencellando estas coas emocións que están subxacentes e que nos producen as distintas maneiras de afrontamento. 

Na resolución de conflitos é fundamental dispoñer de habilidades sociais e ferramentas que nos permitan encaralos con asertividade, respectando aos demais e a nós mesmxs. E que mellor que aprender de forma práctica! Así, representamos distintas situacións con exemplos e pequenas teatralizacións coas que puidemos analizar os distintos estilos de comunicación e reflexionar sobre as formas que empregamos para facerlle fronte aos conflitos. 

De seguro que adquirimos aprendizaxes útiles para mellorar o noso benestar emocional e a convivencia!

Queres coñecer a USC? Do 16 ao 21 de xuño podes asistir aos encontros virtuais que organiza a USC, onde terás moita información e poderás preguntar o que queiras sobre esta universidade. 

Os próximos días actualizarán os horarios para as videoconferencias.

Se estás interesadx en asistir, só tes que premer nesta ligazón.

Como todos os anos, participamos no programa A ponte entre o ensino medio e a USC, e dende esta universidade achégannos información sobre os graos que se poden estudar nos seus campus de Santiago e Lugo, clasificados segundo as distintas ramas de coñecemento. 

Podes acceder ao díptico e tríptico que nos envían dende a USC, nos que podes consultar os distintos estudos de grao que podes realizar nesta universidade. 

E ti...que queres ser? 

Non cabe dúbida que o 17 de maio é un día importante para Galicia, pois conmemórase o Día das Letras Galegas, que este ano se dedica a Francisco Fernández del Riego, escritor e impulsor do idioma e a cultura galega durante o século XX. 

Alén do anterior, esta data tamén está marcada no calendario pola celebración do Día contra a homofobia, transfobia e bifobia. Foi o 17 de maio de 1990 cando a Asamblea Xeral da Organización Mundial da Saúde eliminou a homosexualidade da lista de enfermidades mentais, sen dúbida, un gran avance social e de apoio aos dereitos da comunidade lgtbi+.

O noso centro caracterízase, entre moitas outras cousas, por ser un centro impulsor da promoción do respecto e valores en todos os  ámbitos, entre eles o da diversidade afectivo-sexual, educando a prol da normalización e inclusión. En distintas materias e nas titorías promóvese a transversalidade e trabállase nestas cuestións, destacando o traballo realizado no relativo á afectividade e sexualidade na materia optativa de Educación afectivo-sexual (2º ESO) ou no proxecto competencial centrado na igualdade de xénero (3º ESO), que da man da súa profesora Verónica, axudan a sementar a tolerancia e non discriminación a través da información e o coñecemento. 

Sabedores da importancia da visibilización e respecto á diversidade, no centro facémonos eco desta data! Recordade sempre que a diversidade enriquece e o respecto une!

Hoxe tocou traballar os estilos de comunicación (agresivo, pasivo e asertivo) mediante a dinámica dos xinetes e cabalos.

O alumnado aprende neste caso sobre habilidades sociais, tan importantes na mediación, a través do xogo. Trátase de que sexan consciente da importancia de expresarse de forma adecuada, mantendo o respecto cara si mesmxs e cara os demais. 

Ao remate da sesión, reflexionamos sobre o aprendido e aproveitamos para vincular a sesión con dúas datas clave que se conmemoran no mes de maio: o día contra o acoso escolar (2 de maio) e o día contra a lgtbifobia (17 de maio). Así, como tratamos aos demais importa, e debemos ser consciente do trato que conferimos e a posición que adoptamos fronte ao acoso, que en moitas ocasións se pode ver motivado por cuestións como a identidade e orientación sexual. Interelacionar estes temas coas habilidades sociais e con casos reais acontecidos na crónica social no curso actual serviunos de base para a aprendizaxe e adquisión de valores. 

Seguimos a traballar na mediación nos grupos de 1º ESO, aprendendo a mediar a través de casos prácticos.

O alumnado representa un conflito que puidera ser real, tratando de resolvelo e chegar a un acordo simulando o proceso de mediación. Así, adquiren habilidades na solución de conflitos e aprenden as fases do proceso de mediación de forma divertida. 

Logo dunha primeira fase de motivación na que se presentou o programa Ciberasesor@s ao alumnado de 2º ESO e se traballaron na aula os distintos riscos asociados a internet e as redes sociais, atopámonos en fase de traballo dos distintos equipos. 

O alumnado recibiu formación específica por parte dos seus titorxs e/ou orientadora, ao longo de varias titorías nas que se falou de privacidade na rede, ciberadicción, ciberacoso, sexting, grooming....Aprenderon mediante sesións guiadas e pensadas para favorecer a reflexión, intercambiando ideas e debates xurdidos ao longo de distintas actividades nas que se empregaron vídeos, xogos, fichas, artigos de actualidade....

Tras a aprendizaxe e a creación de equipos de Ciberasesor@s, cada un deles está a traballar sobre un risco asociado ás novas tecnoloxías e elaborando os seus traballos para despois asesorar a outrxs compañeirxs. 

Como vedes, pásano moi ben traballando xuntxs!

Dedicamos algunhas sesións á educación emocional, impartidas por Begoña, unha antiga docente do centro, e das que puideron disfrutar o alumnado de 2º ESO, 3º ESO, 4º ESO, 1º FPB e 1º APSD. 

Nun mundo no que todo vai rápido e as responsabilidades e o estrés parecen ser o eixo dominante, é complexo tomar conciencia dun mesmx ou de como nos sentimos. Dedicarse tempo a un mesmx parece quedar relegado a un segundo plano, a pesar de ser moi necesario. Así, debemos coidar de nós para ser quen de estar ben e dar o mellor de nós mesmxs aos demais. Xa que logo, traballamos neste obradoiro as emocións, tomando conciencia de como nos sentimos para despois poñer en práctica a relaxación muscular progresiva.  

Deste xeito, aprendemos técnicas útiles para a vida diaria e que de seguro nos farán sentir moito mellor! Velaquí podedes ver o vídeo da actividade. 

O alumndo quedou moi satisfeito e relaxado!