Novas
Comunicado do IES Indalecio Pérez Tizón
Enviado por anonimo o Ven, 21/05/2021 - 13:26A propósito das acusacións difundidas en redes sociais e en prensa sobre un presunto caso de racismo no IES Indalecio Pérez Tizón de Tui, o profesorado e o Consello Escolar deste instituto queren amosar o seu profundo malestar.
A docencia é unha profesión que implica vocación. E un bo docente non se limita ao ámbito académico, preocúpase polo benestar e polo futuro do seu alumnado. Esta preocupación non derivou, de ningún xeito, nun caso de racismo.
Así mesmo, e no referido ás expulsións, o profesorado deste centro segue estritamente o indicado na normativa ao respecto, a Lei de Convivencia (Lei 4/2011, do 30 de xuño, e Decreto 8/2015, do 8 de xaneiro), que estamos obrigados a aplicar. Este documento tipifica as faltas como leves e graves e especifica as sancións que se deben impoñer ao alumnado que non cumpre as normas de convivencia.
Por outra banda, o profesorado cumpre a Lei de Protección de Datos para protexer e salvargardar a integridade e dignidade do alumnado, especialmente cando se trata de menores de idade. Polo tanto, o feito de non entrar a responder á prensa non se pode interpretar de ningún xeito como unha confirmación de determinados feitos, senón como unha mostra de obrigado respecto á intimidade dos menores.
Lamentamos as graves repercusións que este tipo de acusacións xeran e que poden afectar negativamente a calidade do ensino, a profesionalidade dos docentes, a vocación dos mesmos e a relación co alumnado e coas familias.
Tarxeta de transporte "Xente Nova"
Enviado por anonimo o Xov, 20/05/2021 - 10:27Infórmase ás familias de que a partir do 21 de maio de 2021 pódese solicitar a tarxeta XENTE NOVA, que permite o transporte en autobús gratuito para menores de 21 anos.
De cara ao curso próximo, o transporte escolar será igual que ata o de agora (será gratuito para o alumnado de estudos obrigatorios e se xestionará como sempre). O alumnado de estudos postobrigatorios (bacharelato e ciclos formativos) deberán solicitar esta tarxeta para garantir a gratuidade do transporte. Esta tarxeta permite ata 60 viaxes ao mes. O usuario/a debe adiantar os cartos do servizo de transporte, cargando o saldo da tarxeta; despois, a Consellería devolve o diñeiro ao usuario/a.
A información sobre a tarxeta XENTE NOVA e as instrucións para solicitala atópanse en www.bus.gal
Elaboración da pócima "Convivamus"
Enviado por anonimo o Mér, 12/05/2021 - 12:10O equipo directivo, o equipo de Convivencia e o departamento de Orientación convídavos a participar na elaboración da pócima "Convivamus". Se tes algún problema con algún compañeiro/a, colle unha papeleta (que atoparás na mesana da cheminea), cúbrea e bótaa no caldeiro.
Charla sobre orientación universitaria
Enviado por anonimo o Mar, 11/05/2021 - 11:36O xoves 13 de maio virá un grupo de antigos/as alumnos/as para impartir unha charla informativa para o alumnado de 2º Bacharelato sobre as carreiras universitarias que están a cursar na actualidade. Dende o centro queremos agradecer moitísimo a colaboración e boa disposición dos nosos antigos/as alumnos/as, que sempre serán máis que benvidos/as no noso instituto.
Fotos da saída por Tui do 3 de maio
Enviado por anonimo o Mar, 11/05/2021 - 11:22Aquí tedes algunhas das fotos que se fixeron durante a tarde do 3 de maio, cando o alumnado de 3º ESO do noso centro realizou unha saída didáctica por Tui:
Procedemento de reclamación á calificación final
Enviado por anonimo o Lun, 03/05/2021 - 12:08
ORDE do 2 de marzo de 2021 pola que se regula o dereito do alumnado á obxectividade na avaliación e se establece o procedemento de reclamación das cualificacións obtidas e das decisións de promoción e obtención do título académico que corresponda, en educación infantil, educación primaria, educación secundaria obrigatoria e bacharelato.
ORDE DO 2 DE MARZO DE 2021 POLA QUE SE REGULA O PROCEDEMENTO DE RECLAMACIÓN |
Festexando o día de Rosalía
Enviado por anonimo o Lun, 03/05/2021 - 10:27Velaquí están algunhas das mostras do festexo do día de Rosalía: os poemas lidos e fotos do alumnado de comercio celebrando o día:
FOTOS | TEXTOS E VIDEO |
- « primeira
- ‹ anterior
- …
- 10
- 11
- 12
- 13
- 14
- 15
- 16
- 17
- 18
- …
- seguinte ›
- última »