Cinema en curso en FPB
Enviado por admin o Mar, 27/02/2018 - 05:29Os alumnos de 2º de FP Básica do noso centro están a participar no proxecto Cine en Curso dentro do Plan Proxecta da Consellería de Educación Xunta de Galicia e organizado polo CGAI (http://www.cinemaencurs.org/es/node/1)
O obxectivo é que os alumnos aprendan sobre cine, observen ao seu redor e sexan capaces de crear unha curtametraxe. Para isto están a participar en talleres semanais co director de cine galego Xacio Baño, que os está introducindo no mundo da realización cinematográfica e os acompañará posteriormente no proceso de creación da curtametraxe. Todo un luxo, se dúbida.
Ata o de agora, os alumnos grabaron xa varios planos dos espacios que lles rodean e algún travelling e retrato. Aquí tedes unha pequena mostra.
PARABENS!!
Enviado por admin o Lun, 19/02/2018 - 15:08Alumnado de 2º e 3º de ESO do IES de Fene acada o primeiro posto na First Lego League, concurso de robótica celebrado o pasado sábado 17 de febreiro no Auditorio de Ferrol, e pasa á fase estatal que terá lugar en Logroño os días 10 e 11 de marzo. Moitos parabens aos alumnos e alumnas, así como aos seus profes Begoña e Manuel, e moitos éxitos en Logroño.
Pola súa parte, o equipo WaterBots - IES de Fene quere facer extensivos os parabens aos/ás alumnos/as e ex-alumnos/as que participaron en pasadas edicións e que co seu traballo abriron o camiño para acadar este galardón. MOITAS GRAZAS!!
Ler a nova en Diario de Ferrol
Probas de acceso a ciclos formativos de grao medio e superior. Orde de convocatoria 2018
Enviado por admin o Lun, 19/02/2018 - 15:05
Publicada a Orde do 22 de xaneiro de 2018 pola que se convocan probas de acceso aos ciclos formativos de grao medio e de grao superior de formación profesional do sistema educativo para o ano 2018.
https://www.xunta.gal/dog/Publicados/2018/20180208/AnuncioG0164-310118-0001_gl.pdf
Prazos de inscrición:
- Probas de acceso a ciclos formativos de grao medio: O prazo de inscrición estará abranguido entre os días 12 e 23 de marzo de 2018, ambos os dous incluídos
Mais información:
http://www.edu.xunta.es/fp/acceso-grao-medio-convocatoria-actual
- Probas de acceso a ciclos formativos de grao superior: O prazo de inscrición estará abranguido entre os días 8 e 23 de febreiro de 2018, ambos os dous incluídos
Mais información
https://www.edu.xunta.es/fp/acceso-grao-superior-convocatoria-actual
Se algún alumno/a está interesado nas probas, pode pedir mais información no Departamento de Orientación
PARTICIPACION NA FIRST LEGO LEAGUE- GALICIA 2018
Enviado por admin o Sáb, 10/02/2018 - 10:40Un grupo de alumnos e alumnas do centro de 2º e 3º de ESO participarán na First Lego League Galicia o vindeiro 17 de febreiro no Auditorio de Ferrol. Desexámoslles moito éxito despois do traballo realizado durante os últimos meses cos seus profesores de Tecnoloxía Manuel e Begoña
Ségueos en Instagram:
waterbots2018
Titoría entre iguais
Enviado por admin o Mér, 24/01/2018 - 19:28O pasado Mércores día 17 de Xaneiro, celebrouse no salón de actos do IES de FENE, a entrega de diplomas e carnets ó alumnado de 3º da ESO que participa no programa de Titoría entre Iguais para a prevención do acoso escolar. No acto estivo presente a Inspectora Elena Urtiaga, a Directora de Os Casais, Lorena Pita Fraga, a Pedagoga do Concello Mª José Paz e a Concelleira Mª Carmen Martínez.
Os alumnos e alumnas de 3º da ESO comezan dende agora a súa labor coma titores, sendo un referente e un exemplo co seu comportamento para os titorizados de 1º da ESO. Esperamos que vivades unha enriquecedora e grata experiencia!
CONCURSO DE BANDA DESEÑADA - XAQUÍN MARÍN
Enviado por admin o Lun, 22/01/2018 - 16:45
O IES de Fene convoca un concurso de Banda Deseñada que ten como obxectivo fundamental descubrir os posibles talentos artísticos que haxa nos diferentes centros de ensino de Ferrolterra e así realizar novos proxectos de futuro. Este concurso rexerase polas seguintes
Acreditación de competencias. Convocatoria 2018
Enviado por admin o Lun, 15/01/2018 - 19:08Publicada a Orde do 29 de decembro de 2017 pola que se convoca o proceso de acreditación de competencias profesionais adquiridas a través da experiencia laboral, na Comunidade Autónoma de Galicia, en determinadas unidades de competencia do Catálogo nacional de cualificacións profesionais.
- Consultar a orde de convocatoria e mais información sobre a mesma: www.edu.xunta.es/fp/convocatoria-2018-acreditacion
A solicitude de participación deberá presentarse en soporte papel na secretaría do centro (sede) onde se vaia desenvolver o procedemento e farase empregando a aplicación informática subministrada pola Consellería de Cultura, Educación e Ordenación Universitaria, que se atopa no enderezo: http://www.edu.xunta.es/acreditacion. Esta aplicación está activa a partir do 10 de xaneiro de 2018.
- A solicitude, logo de ser cuberta e xerada pola aplicación, deberase imprimir paraser entregada no Centro Integrado de Formación Profesional (sede) onde se vaia desenvolver o procedemento.
- Os datos relacionados coa documentación xustificativa do historial profesional e/ou formativo e dos requisitos de participación no procedemento deberán cargarse na devandita aplicación informática.
- O prazo de presentación de solicitudes será desde o 10 de xaneiro ata o 2 de febreiro de 2018.
- Só serán aceptadas as solicitudes que sexan entregadas no centro onde se realice o procedemento ao que se presente a persoa solicitante.
Concurso EnFene-Nino
Enviado por admin o Lun, 27/11/2017 - 05:10Presentamos as bases de dous concursos:
Concurso de deseño do LOGOTIPO do proxecto de igualdade do IES de Fene: #enFeneNino para alumnos e alumnas de 1º e 2º da ESO e Formación Profesional Básica
Concurso de CURTAMETRAXES do proxecto de igualdade do IES de Fene: #enFeneNino para alumnos e alumnas de 3º e 4º da ESO. Cámara...acción!
Calendario escolar 2017-2018
Enviado por admin o Mér, 06/09/2017 - 17:39Ligazón ao calendario escolar para o curso 2017/18 nos centros docentes sostidos con fondos públicos na Comunidade Autónoma de Galicia
ACTION! - VIDEO-DIARIO ENCONTRO EN BRAILA, ROMANIA (17-23 Maio 2017)
Enviado por admin o Xov, 17/08/2017 - 04:49Os alumnos do IES de Fene que viaxaron a cidade romanesa de Braila dentro do proxecto Erasmus+KA2 Action! realizaron un video-diario amosando un pequeno resumo do que foi para eles esta inesquecible experiencia, na que houbo, por suposto, cine e coñecemento do lugar e a súa contorna, pero tamén moitos momentos de risas compartidas e convivencia. Esperamos que vos guste!
Se non visualizas o vídeo, preme aquí
Moitas saidas laborais en ciclos formativos. Entrevista en Radio Fene
Enviado por admin o Dom, 23/07/2017 - 07:47O pasado venres 21 dous profesores do IES de Fene, Fernando Fresnillo e Juan José Seijo, foron entrevistados en Radio Fene para falar do futuro e perspectivas laborais de algúns dos ciclos formativos de grao medio que se imparten no IES de Fene, precisamente os menos demandados e con menos desemprego, Instalacións Frigoríficas e de Climatización, Mantemento Electromecánico. e Instalacións de Calor
Pódese ESCOITAR AQUí A ENTREVISTA COMPLETA
Erasmus+: Prácticas de empresa de FP en Francia e Holanda
Enviado por admin o Mar, 04/07/2017 - 07:59Este ano 6 alumnos de ciclos formativos fixeron as prácticas de empresa FCT en Francia e en Holanda, chegaron a eses países acompañados de dous seus seus profesores respectivamente quenes se ocuparon dos trámites iniciais co colexio colaborador e coas empresas. Nestes vídeos amósannos a súa experiencia
Se non o visualizas, preme aquí | Se non o visualizas, preme aquí |
Se non o visualizas, preme aquí | Se non o visualizas, preme aquí |
(Queda un vídeo pendiente de publicar) |
Graduación de 2º de bacharelato
Enviado por admin o Lun, 19/06/2017 - 17:40O pasado venres 16 tivo lugar no salón de plenos do concello de Fene o acto de graduación do alumnado de 2º de bacharelato que remata os seus estudios no IES. Á cerimonia asistiron autoridades locais, o alcalde Juventino Trigo, pais, nais, avós e avoas, irmáns amizades, etc, así como moitos dos seus profesores e profesoras, incluso algúns que xa non estiveron no centro neste curso
O evento foi presentado por dúas alumnas que narraron a súa estadía e experiencias no centro en 1º e 2º de bacharelato destacando entre outras a participación no proxecto Erasmus+ Action!, agasallaron aos seus profesores cun pequeno trofeo destacando as cualidades de cada un deles/delas, presentaron fotos dos recén graduados dende a súa infancia e por último recibiron a orla do grupo xunto cun boligrafo do centro. Logo fíxéronse fotos no exterior e a foto de grupo de alumnos e profes e finalmente tomáronse uns aperitivos para rematar esta velada.
ACTION! VIDEO-DIARIO ENCONTRO EN LODZ, POLONIA ( 2-8 Abril 2017)
Enviado por admin o Lun, 19/06/2017 - 04:32Os alumnos do IES de Fene que viaxaron a cidade polaca de Lodz dentro do proxecto Erasmus+KA2 Action! realizaron un video-diario da experiencia e dos momentos máis especiais para eles deste encontro no que houbo cine,visitas turísticas e actividades culturais, por suposto, pero tamén moita diversión, risas, e, sobre todo, amizade. Aquí tedes o resultado.
Se non podes visualizar o vídeo, preme aquí
OS BENXAMÍNS DO INSTITUTO VISITAN CANTABRIA
Enviado por admin o Dom, 18/06/2017 - 19:23O alumnado de 1º ESO realizou a súa viaxe de fin de curso os días 12, 13 e 14 de xuño.
O primeiro día deron un paseo pola praia das Catedrais e visitaron El Capricho de Gaudí en Comillas, para finalmente instalarse en Santillana del Mar. Un día despois, estiveron no Parque de Cabárceno e fixeron unha visita ao Museo Marítimo de Santander. Xa de regreso, o día 14, tiveron tempo para adentrarse nunha mina e visitar o Museo da Minería de El Entrego-Langreo, así como para dar un paseo pola vila de Ribadeo.
Pasárono realmente ben, pero o mellor desa viaxe foi a sensación que ían deixando ao seu paso, xa que por onde pasaban foron felicitándonos polo bo comportamento que tiñan (cousa, por outra parte, habitual no alumnado deste instituto). Ás veces só reciben os reproches ás súas condutas, por iso, de cando en vez, tamén hai que felicitalos: parabéns, rapaces e rapazas!!
- « primeira
- ‹ anterior
- …
- 12
- 13
- 14
- 15
- 16
- 17
- 18
- 19
- 20
- …
- seguinte ›
- última »