Circular informativa

CIRCULAR INFORMATIVA:  Á atención das familias e alumnado matriculado no IES de Fene:

1. TRANSPORTE METROPOLITANO 

Ante os continuos problemas que está a padecer o noso alumnado en relación co servizo de transporte, queremos explicar esta situación.

En primeiro lugar, debemos informar que ao IES de Fene chega o alumnado en cinco autobuses, tres da empresa Arriva e dous da empresa Monbús (UTE Hércules Norte):

O IES de Fene ten concedido pola Consellaría de Educación un servizo de transporte gratuito para o alumnado da ESO domiciliado nas parroquias de Limodre, Maniños, Magalofes e Barallobre. En total son tres autobuses da empresa ARRIVA que percorren o municipio con saídas desde Magalofes, Limodre e Barallobre. Estes autocares van recollendo ao longo destas parroquias e en paradas rexistradas ao noso alumnado, mesmo de Bacharelato e Ciclos Formativos.

O resto do alumnado actualmente está utilizando dous autobuses pertencentes á UTE Hércules Norte, concesionaria do servizo público regular de transporte de viaxeiros por estrada desta zona e dependente da Consellaría de Infraestruturas e Mobilidade, desde decembro de 2020.  Estes autocares teñen a saída na estación de autobuses de Ferrol, percorrendo os concellos de Narón, Neda e Fene.

Aquí é onde comprobamos que non hai suficientes prazas para traer a todo alumnado, de modo que case sempre quedan alumnos/as sen poder subir aos autobuses, tanto á ida como á volta. Como consecuencia, e ao longo destas catro semanas de curso, constatamos faltas de asistencia ás clases que imposibilitan un seguimento regular do seu proceso de ensino-aprendizaxe.

A ANPA do noso IES, desde o primeiro momento realizou xestións coa empresa e coa Consellaría de Mobilidade buscando solucións. Onte, o concello de Fene aprobou unha moción instando a Monbús a corrixir o mal funcionamento do servizo.  En conclusión, queremos trasladarlles que seguimos buscando solucións e que agardamos que proximamente se poidan ir resolvendo estes problemas.

 

2. HORARIO DO CENTRO

Os martes o centro está pechado desde as 14.30 ata as 16.00 h. Por tanto, rogamos ás familias que non envíen os seus fillos/as ao instituto antes desa hora e que saiban que nese intervalo non hai profesorado que poida atendelos ou responsabilizarse do que lles ocorra. 

 

Barallobre, 8 de outubro de 2021

 

O director

Asdo.: Xoán Manuel Vázquez Vázquez

Presentación da ESA

Hoxe luns 20 de setembro terá lugar a presentación para os alumnos e alumnas da ESA no salón de actos de FP ás 17:30 h. 

Información inicio de curso 2021-22

Horarios das presentacións

Todos os grupos da ESO: mércores 15 ás 10:30 h. Os alumnos estarán no centro ata as 12:00 h. O mércores haberá servizo de autobuses da compañía Arriva pero non de Monbus (transporte metropolitano). O xoves comezará o alumado da ESO as clases xa en horario normal. 

Todos os grupos de bacharelato: xoves 16 ás 10:30 h.  Os alumnos de bacharelato estarán no centro ata as 12:00 h.

Todos os grupos de FP Básica e ciclos medios*: xoves 16 ás 11:30 h.

* Agás ZM Mantemento electromecánico que será o xoves 16 ás 16:30 h.

 

Documentos relacionados co protocolo covid19

Declaración responsable: Para as familias. Imprimir e entregar cuberta ao respectivo titor ou titora.

Enquisa de autoavaliación: Para o alumnado e o profesorado. Non hai que entregala.

Entrega de boletíns de notas convocatoria setembro

A entrega dos boletíns de notas da convocatoria de setembro de ESO, Bacharelato e FP Básica terá lugar o próximo martes 7 de setembro ás 11:00 h na aula correspondente. Asemesmo, cada alumno e alumna da ESO/Bacharelato recollerá o sobre de matrícula na oficina no cal se indicará a hora á cal formalizará a matrícula o mesmo martes pola tarde.

Tamén se recorda aos alumnos e alumnas a obriga de devolver os libros de texto prestados. No caso do préstamo de fondolibros, en caso de non devolución, non terán dereito a dito préstamo no curso 2021-22.

Abertos prazos de admisión e matrícula FP

Nas seguintes ligazóns poderá vostede obter información sobre os prazos de admisión e matrícula abertos de FP Básica e FP de grao medio.

Máis información na oficina de FP.

Exames de setembro 2021

Calendario de Exames de setembro para os grupos de ESO, 1º de Bacharelato e 1º de FP Básica, curso 2020-2021

 

LIBROS DE TEXTO 2021-22

Adxuntamos o listado de libros para o vindeiro curso 2021-2022. Non hai cambios con respecto ao curso pasado e nalgunhas materias optativas daranse instrucións en setembro.
Lembramos aos que solicitastes libros ao Fondo Solidario da Consellería que a adxudicación final sairá publicada no mes de setembro. Durante o mes de xullo publicase o listado de admitidos-excluídos neste fondo.
Para os que non tedes dereito a este Fondo Solidario en ESO, podedes solicitar tamén no centro o servizo de préstamo de exemplares dos que teñamos dispoñibles de cursos pasados no noso Banco de libros.
De todos os xeitos, non é imprescindible mercar os libros polo momento: pódense mercar en setembro perfectamente; non hai problema se non se teñen nos primeiros días de curso.

1º e 3º ESO                        2º e 4º ESO 

1º Bac                              2º Bac     

CM Vehículos 

Mobilizate pola selva - Apadriñamentos do IES de Fene

O IES de Fene xa ten apadriñados 3 chimipacés grazas ao éxito da campaña de recollida e reciclaxe de móbiles entre os membros da comunidade educativa. Os seus nomes son KabiAnzac e Kudia

Certificado de apadriñamento de Kabi Informe de Kabi
Certificado de apadriñamento de Anzac Informe  de Anzac
Certificado de apadriñamento de Kudia              Informe de Kudia

 

Actividades de Verán 2021 - Concello de Fene

Achegannos do concello de Fene as actividades programadas para este verán para a mocidade de Fene 

Actividades deportivas de verán 2021 Obradoiro dixital para a mocidade Espectáculo de clown e malabares
DÍPTICO   Este venres en San Valentín con Moc Moc Saltimbanqui

Fondo solidario de libros de texto e axudas para material escolar 2021-2022

O prazo para presentación de solicitudes é ata o día 22 de xuño, na Oficina do IES de Fene de 9:30 a 13:30 horas . O alumnado repetidor de 4º de ESO poderá presentala no prazo de un mes dende a formalización da matrícula en setembro 

Descarga de Instruccións e impresos

 

 

Graduación 2º de Bacharelato 2019-2021

O pasado venres 21 de maio tivo lugar no centro o acto de Graduación do alumnado de 2º de Bacharelato. Foi un acto moi especial e moi desexado, a súa organización estivo marcada polas polas normas Covid vixentes durante todo o curso, normas que lamentablemente excluían a presenza das familias pero que por outra banda fixeron do evento unha reunión máis segura. Pero estes novos tempos traen tamén novas solucións e as famlias puideron seguir o acto desde as súas casas xa que foi retransmitido en directo.

No acto estivo tamén presente o alcalde de Fene Juventino Trigo e a concelleira de Xuventude, Deporte e Ensino Angeles Coira. O profesor Jose Mouriz leu un emotivo discurso, que xuntamos a continuación

 Discurso de Jose Mouriz

Moita sorte e moitos éxitos na súa nova andadura ós/ás estudantes protagonistas desta graduación

 

 

Convocatoria Premios extraordinarios de Bacharelato

ORDE do 9 de abril de 2021 pola que se convocan os premios extraordinarios de bacharelato correspondentes ao curso 2020/21 (código de procedemento ED311A)

Convocatoria 2020-2021

Proceso de admisión. Listaxe de alumnado admitido

Está publicada no taboleiro do centro a listaxe de alumnos e alumnas que solicitaron praza para o curso 2021-2022 no IES de Fene e foron admitidos/as

Proxecto de innovación: A Realidade Aumentada aplicada na Tecnoloxía Hidráulica

O proxecto “A Realidade Aumentada aplicada na Tecnoloxía Hidráulica” resultou premiado na Resolución do 9 de xuño de 2020 da Dirección Xeral de Educación, Formación Profesional e Innovación Educativa pola que se resolven os premios para o desenvolvemento de proxectos de innovación tecnolóxica ou científica e proxectos de innovación didáctica no ámbito da formación profesional en centros públicos dependentes da Consellería de Educación, Universidade e Formación profesional.

O presente proxecto xurde da idea de aplicar as novas tecnoloxías na práctica diaria da aula, preténdese que os profesores empreguen novos recursos que capten a atención do alumnado e adaptarnos os novos cambios nas competencias e perfís profesionais que se precisan, resultado das novas tecnoloxías. Con este proxecto preténdese traballar as competencias relacionadas ca Industria 4.0, concretamente ca tecnoloxía Hidráulica.

 

A tecnoxía Hidráulica está a experimentar unha constante evolución, actualmente está inmersa na transición cara o que se coñece como Industria 4.0, onde os sistemas hidráulicos son controlados a través de software que integran numerosas funcións de control e lóxica de movementos que anteriormente eran controladas hidromecánicamente. Nesta búsqueda atopamos na realidade aumentada o vehículo para achegarnos o noso alumnado, por un lado estamos a axilizar o volume de información relacionada ca automatización hidráulica e por outro empregamos a tecnoloxía móbil accesible a tódolos usuarios.

A realidade aumentada proporciona información engadida a un espazo real e aplícase en operacións de mantemento mediante a visualización das instalacións con información engadida sobre o seu estado. Do mesmo xeito a reparación de avarías con manuais de apoio dixitais diminúe o tempo de espera co conseguinte aforro de tempo e recursos.

Na seguinte ligazón www.departamentomantementoiesdefene.com atópase toda a documentación xerada no proxecto.

 

 

Mobilizate pola selva

Campaña de reciclaxe de móbiles para protexer os ecosistemas africanos. 

As persoas interesadas en participar poden entregar os seus móbiles en desuso aos docentes do departamento de Ciencias. Por cada 30 terminales enviados, gáñase un apadriñamento anual gratuito de un dos chimpancés rescatados no Centro de Rehabilitación de chimpancés en Congo

   

https://mobilitzatperlaselva.org/es/

 

 

Distribuir contido