Convocatoria extraordinaria 1º de bacharelato. Calendario de exames

Os exames da convocatoria extraordinaria de 1º de bacharelato desenvolveranse os días 19, 20 e 21 de xuño.

Na seguinte ligazón pódese descargar o calendario.

Calendario de exames 1º de bacharelato

Exames para alumnado con P.D.

Prema aquí para ver día e hora.

Datas e documentación matrícula curso 2024-25

 

Datas:

2º Bacharelato: Xoves 27 de xuño.

1º Bacharelato: Venres 28 xuño.

1º da ESO: Martes 2 de xullo.

2º da ESO: Mércores 3 de xullo 

3º da ESO: Xoves 4 de xullo

4º da ESO: Venres 5 de xullo

 

Nos impresos de matrícula, na parte traseira constan xa día e hora de entrega da documentación.

No caso de ter algún problema coa hora da cita poden avisar no centro para vir noutro momento.

 

  

Documentación para o alumnado que veña de fóra do centro:

 

1.- Sobre, impreso oficial de matrícula.

2.- Tres fotos tamaño carné (co nome e apelidos no dorso). Unha delas deberá ir pegada no carné escolar no lugar correspondente, que deberá entregarse cuberto.

3.- Fotocopia do dni do/a alumno/a.

4.- (Soamente para alumnado de 1º e 2º da ESO) Fotocopia da tarxeta sanitaria do/a alumno/a.

5.- 1,12 euros para o pagamento do seguro escolar (excepto alumnado de 1º e 2º da ESO)

6.- O alumnado que ven para 1º de bacharelato terá que traer certificación de ter superada a ESO.

 

 

Documentación para o alumnado que cursou estudos neste centro en anos anteriores:

 

1.- Sobre, impreso oficial de matrícula

2.- 1,12 euros para o pago do seguro escolar (excepto alumnado de 1º e 2º da ESO)

3.- Dúas fotografías tamaño carné, co nome e apelidos ó dorso. Unha delas deberá ir pegada no carné escolar no lugar correspondente, que deberá entregarse cuberto.

 

Importante:

 

1.- Para cotexar as fotocopias, as persoas interesadas deberán presentar os documentos orixinais.

2.- Os impresos poderanse recoller na oficina do centro a partir do día 20 de xuño.

 

Calendario probas libres Formación Profesional

Pode consultarse premendo aquí

 

Programacións probas libres: APH  MMM  EAE

Convocatoria do fondo solidario de libros de texto e axudas para material escolar. Curso 2024-2025

 

O luns 20 de maio (Orde do 7 de maio de 2024) publicouse no DOG a convocatoria do fondo solidario de libros de texto e axudas para adquirir libros de texto e material escolar destinadas a alumnado matriculado en Educación Primaria, ESO e Educación Especial no próximo curso 2024-2025.

O prazo para presentar solicitudes remata o 21 de xuño de 2024.

Poden acceder ao texto da convocatoria na seguinte ligazón: Orde do 7 de maio de 2024 (DOG do 20 de maio)

Poden acceder aos aspectos máis relevantes da convocatoria na seguinte ligazón: Circular fondo solidario de libros de texto e axudas para material escolar

 

Bolsas NEAE 2024-25

O prazo para solicitar as axudas é do 30 de abril ao 13 de setembro de 2024ambos inclusive. Solicitamos trasladen esta información ao Departamento de Orientación do centro para que se poña en contacto coas familias susceptibles de percibir esta axuda para que preparen axeitadamente os expedientes sin esperar ao remate do prazo.

As solicitudes cubriranse polos solicitantes exclusivamente a través da web da sede electrónica do Ministerio de Educación, FP e Deportes, https://sede.educacion.gob.esUnha vez cuberto o formulario da solicitude, imprimirán o ficheiro PDF coa solicitude e os certificados e presentarano no centro educativo no que vai estudar o curso 2024/2025debidamente asinado entre o 30 de abril e o 13 de setembro de 2024.

No caso de escolarización combinada o centro tramitador será o centro de estudos ordinario. Nestes casos será necesario que a persoa orientadora informe da idoneidade de complementar os apoios de escolarización combinada con esta convocatoria de axudas de necesidades específicas. NON son incompatibles.

Novidade desta convocatoria: o grao de discapacidade para acreditar a NEAE reduciuse ao 25%. A convocatoria mantén o subsidio para as solicitudes propostas que acrediten NEAE.

AXUDASLE: Resolución definitiva

Onte 3 de xuño foron publicadas as listaxes definitivas de alumnado seleccionado e suplente, segundo o establecido no artigo 17 da Orde do 29 de xaneiro de 2024 pola que se convocan axudas para a realización de actividades formativas en linguas estranxeiras no ano 2024, destinadas ao alumnado dos centros docentes sostidos con fondos públicos, en réxime de concorrencia competitiva (DOG do 12/02/24) que se poden consultar na web da convocatoria http://www.edu.xunta.gal/axudasle e no Portal Educativo.

Convocatoria extraordinaria 2º de bacharelato. Calendario de exames

Os días 5, 6 e 7 de xuño terán lugar os exames da convocatoria extraordinaria de 2º de bacharelato. No seguinte enlace poden consultarse os horarios.

Enlace ao documento

Gradación dunha nova promoción de bacharelato

O pasado xoves 16 de maio tivo lugar o acto de gradación do alumnado da promoción 2022-2024 de bacharelato, que rematou este ano a súa última etapa no IES de Fene.  Foi un acto moi emotivo no que participaron, ademais dos propios protagonistas, as familias, profesorado, dirección e concello coa presenza do alcalde Juventino Trigo. As intervencións dos delegados, titoras, alcalde e director do centro estiveron cheos de risas, recordos e bos desexos para todo o alumnado e foron moi aplaudidas. Ademais proxectouse un vídeo moi emotivo, editado por Zaira López, alumna de 2º de bacharelato, no que se resume a traxectoria do alumnado ata o momento actual, e que emocionou a moitos dos que estabamos presentes na celebración. O acto finalizou coa entrega de orlas, diplomas e recordos do seu paso polo centro.

A comunidade do IES de Fene deséxalles moita sorte nas probas de acceso á universidade, que se desenvolverán nun par de semanas, así como na nova etapa que van a comezar.

 

 

Vídeo editado por Zaira López Primoy, alumna de 2º de bacharelato do IES de Fene

Concursos organizados polo departamento de Matemáticas

TOUR DAS MATES

O Tour das Mates é unha competición de cálculo mental que se divide en dúas fases, a primeira no centro educativo e a segunda a nivel provincial. Na fase interna do centro adícase un día á semana, os cinco primeiros mínutos da clase, a resolver unha lista de operacións e as marcas conseguidas envíanse á organización do concurso. Na fase provincial participan os cinco corredores máis rápidos de cada centro. Este ano o IES de Fene participou con todo o alumnado da ESO e, voluntariamente, o de bacharelato. Os cinco mellor clasificados participaron na fase provincial que se celebrou no IES Fernando Wirtz de A Coruña.

XXXVI OPEN MATEMÁTICO.

Este concurso desenvólvese dentro do Club de Ciencias e está baseado na resolución de problemas organizado polo Colectivo Frontera de Profesores de Matemáticas de Requena (Valencia). Cada ano ten como fío condutor unha temática diferente que nesta ocasión era a Arqueoloxía e as Matemáticas. Contamos coa participación de 27 estudantes.

CONCURSO DO DÍA DE PI

Este curso, o reto proposto polo departamento de Matemáticas e o Equipo de Normalización da Lingua Galega do IES de Fene consistiu en elaborar un vídeo en galego de entre minuto e medio e dous minutos e medio de duración e no que se explicara algo relacionado coas Matemáticas e ademais facer referencia ao número pi. A participación podía ser individual ou por parellas.

 

Parabéns a todos os gañadores!!

 

Musiqueando 2024

O pasado 25 de abril as clases de Música volveron saír á rúa pola celebración coñecida como Musiqueando, que reivindica a importancia das ensinanzas de Música na educación secundaria. Nesta ocasión as actuacións desenvolvéronse no salón de plenos do concello de Fene que como ven sendo habitual colabora con IES de Fene cedendo as instalacións e axudándonos no desprazamento.

Deixamos un pequeno vídeo como mostra desta actividade e felicitamos ao alumnado e á súa profesora Bárbara polo marabilloso traballo desenvolvido.

 

II Día da Natureza no IES de Fene

O pasado venres 20 de abril no IES de Fene celebramos o II Día da Natureza. Esta celebración, iniciada o curso pasado, parte da idea de crear unha zona axardinada con árbores froiteiras e ornamentais, na finca colindante co terreo do centro, propiedade do concello, e que xuntos formaban parte dos antigos terreos do Pazo de Barallobre. Contamos para isto coa colaboración do concello de Fene que nos facilitou as árbores e asesorou e axudou na plantación.

Nesta ocasión participou o alumnado de 1º de ESO plantando unha árbore por cada grupo, unha moreira e un capudre, co compromiso de coidalas mentres estean estudando no centro. Aproveitaron a ocasión para ler poemas que teñen como tema a natureza e a continuación disfrutaron dun tempo de diversión participando en diversos xogos tradicionais como a mariola, a corda ou o brilé.

Tamén estiveron presentes na celebración un grupo de alumnos do CM de Soldadura e Automoción que nunhas semanas participarán na XII edición de Hiperbaric Challenge. A eles correspondeulles apadriñar unha oliveira en lembranza dos sucesos que están tendo lugar en Palestina.

 

 

 

Festival A Mocidade coa Lingua

Un ano máis o grupo do IES de Fene, Arredemo, participou no festival A Mocidade coa Lingua organizado, como en anteriores ocasións, pola Coordenadora de Equipas de Dinamización da Lingua Galega. Nesta ocasión estiveron acompañados cos xilófonos do grupo de alumnos e alumnas de 2º de bacharelato e dirixidos, como de acostume, pola profesora de música Bárbara Mourelo. Noraboa ao grupo completo pola súa actuación.

Nova charla da Escola de Familias

Este vindeiro venres 3 de maio desenvolverase a última sesión da Escola de Familias do IES de Fene. A charla dará comezo ás 16:30 no salón de actos do edificio A e xirará en torno ao benestar emocional na adolescencia e as estratexias para promover un desenvolvemento san.

AXUDASLE: Resolución provisional de alumnado admitido e remisión de documentación

Onte día 23 de abril foron publicadas as listaxes provisionais de alumnado seleccionado e suplente e a listaxe de solicitudes que precisan remisión de documentación relacionada coas comprobacións segundo o establecido no artigo 8.1 (apartados c,d,e,f), segundo o establecido no artigo 16.3 da Orde do 29 de xaneiro de 2024 pola que se convocan axudas para a realización de actividades formativas en linguas estranxeiras no ano 2024, destinadas ao alumnado dos centros docentes sostidos con fondos públicos, en réxime de concorrencia competitiva (DOG do 12/02/24) que se poden consultar na web da convocatoria http://www.edu.xunta.gal/axudasle e no Portal Educativo https://www.edu.xunta.gal/portal/node/42968 

Distribuir contido