ESO

O pasado 21 de decembro, o alumnado de 1.º e 2.º ESO asistiu a unha demostración práctica do deporte de esgrima impartida polo adestrador Emilio R. do club de Ferrol.

Déixovos unha serie de consellos para realizar as entrevistas e de vídeos. Son de obligatorio visionado antes de realizar as entrevistas. Traballarémolos en clase.

Nesta páxina veñen os pasos elementais: http://bachiller.sabuco.com/historia/historiaoral.htm 

Eu engado os seguintes:

ANTES DE LA ENTREVISTA:

-ENTREGAR LISTA DE PREGUNTAS AL ENTREVISTADO CON DÍAS DE ANTELACIÓN.

TRAS LA ENTREVISTA:

-NO OLVIDAR PEDIR EXÁMENES, LIBRETAS, FOTOGRAFÍAS, ETC

-MENCIONAR Y ENSEÑAR (A SER POSIBLE) LA PÁGINA DE FACEBOOK DEL CENTRO.

-PREGUNTAR POR OTRAS PERSONAS A INVESTIGAR

-REALIZAR UNA SEGUNDA ENTREVISTA PARA ACLARAR PUNTOS DE INTERÉS

-ENTREGAR AUTOEVALUACIÓN: CÓMO SE SELECCIONÓ A LOS ENTREVISTADOS, APROXIMACIÓN PREVIA AL ENTREVISTADO, PREGUNTAS REALIZADAS, DESCRIBIR EL TRATO CON EL ENTREVISTADO, SU ACTITUD, EL PAPEL DE CADA MIEMBRO DEL GRUPO DURANTE LAS ENTREVISTAS, TRABAJO REALIZADO POR CADA MIEMBRO DEL EQUIPO, EQUIPO TÉCNICO (VIRTUDES Y FALLOS), QUÉ SE APRENDIÓ (TÉCNICAS, CONOCIMIENTOS, ETC.) E INCLUIR PROPUESTAS DE MEJORA PARA FUTUROS PROYECTOS TRATANDO TODOS LOS PUNTOS ANTERIORES (QUÉ NO REPETIRÍAIS, QUÉ HARÍAIS QUE NO HICISTÉIS).

O primeiro video non se ve: o enlace é: http://www.youtube.com/watch?feature=endscreen&v=oSwJVtGwnPY&NR=1

Estes vídeos son para ver con calma e resumir co maior detalle posible. Ademais, tedes que engadir unha análise de non menos de seis liñas no que criticades algunhas imaxes, sucesos, datos, personaxe, a música, duración total ou de partes, etc. Tamén debedes incluir unha opinión persoal de igual eztensión MÍNIMA na que opinades sobre os mesmos puntos. Deben entregarse na primeira clase á volta. Lembrade que son parte dos 2,5 puntos da avaliación que supoñen os traballos.

Benxa volveu facernos o favor de contarnos as súas experiencias en Fortaleza (por erros do que escribe non deu tempo a ir a México e Colombia como na outra vez). Moito sentido do humor, bo rollo, medo, autocrítica consellos de viaxeiro atrevido buscando experiencias e contacto real. Soños de infancia que "o lourinho" conseguiu con moito traballo. Incribles imaxes do Carnaval e contos das aldeas, dunha vella farmacéutica, da brutalidade policial, da pederastia, e dun clima aterrador. O taxista que te leva á barraca, que che consegue de todo, te que leva a unha festa, a outro restaurante, e a outro taxi. Prezos que se multiplican e dividen, taxistas cargados de alegría, prostitución, recolledores de cocos, conseguidores de todo. Malos perdedores ao fútbol, agradecidos, cariñosos, algo tramposos en busca da supervivencia: os brasileiros medios. E tamén nos falou dos perigos de viaxar sen informarse das enfermidades e das cuestións locais. Leccións aprendidas con alegría e valor (e algo de inconsciencia) contadas con amenidade e bo rollo. Os rapaces de 4º, tan encantandos como os de 3º. Habería que poñerlle un 10 en xeografía.

O alumnado de 1.º ESO uniuse o 23 de novembro á celebración do Día Internacional da Palabra. Trátase dunha iniciativa da Fundación César Egido para concienciar a toda a sociedade da necesidade do diálogo como ferramenta fundamental para a erradicación de toda violencia.

A nosa actividade, deseñada pola Biblioteca, centrouse na cita clásica Verba volant, scripta manent.

O martes tivemos unha segunda visita para coñecer testemuños de primeira man doutros rincóns do Planeta Azul. Hoxe, Natalia fíxonos o favor de falarnos da súa Rusia natal. Expliucounos a súa extensión, falou do frío de Verkhoyansk (con fotos da colada, das casas conxeladas, de coches enterrados e detalles escalofriantes como quentar o depósito de gasolina do coche con lume) coa imposibilidade de parar moito o coche. Escoitamos que son as morsas (bañistas na auga xeada), aprendemos rudimentos de cirílico e os seus "false friends", descubrimos os problemas rusos coa calefacción, a importancia de levar zapatillas cando te invitan a unha casa, de levar ramos con flores impares ás mulleres e pares ós cemiterios, do Ermitage, das noites brancas e o seu encanto (cun vídeo co día en plena noite), vimos tres billetes de rublos, etc. O 3º bilingüe portouse moi ben, estivo moi interesado e tomou moitas notas.

Entre os días 22, 23 e 24 de novembro celebrarase en Santiago de Compostela o XXV Congreso de ENCIGA (Asociación de Ensinantes de CIencia de GAlicia) que reunirá no IES Arzebispo Xelmirez I a profesorado de Matemáticas, Bioloxía, Xeoloxía, Física, Química e Tecnoloxía de ensinanza primaria, secundaria e universitaria de toda Galicia. 

O IES Mugardos estará presente neste evento dun xeito moi especial xa que serán rapaces e rapazas do centro, acompañados da profesora de matemáticas, Covadonga Rodríguez-Moldes, quenes presenten ao profesorado asistente ao congreso traballos que resultaron premiados no II Concurso Incubadora de Sondaxes e Experimentos. As comunicacións levan os títulos "Investigación de tamaños na ameixa babosa con alumnado de 3º de ESO" que  será exposta o xoves 22 ás 18:30)  e "O rectángulo de moda fala galego: O Rei Tángulo"  que terá lugar o venres 23 ás 16:30. Desexámollles moita sorte e que fagan un bo traballo.

Programa

O "Concurso de cabazas", convocado pola Biblioteca e o EDL, entregou o pasado venres os agasallos correspondentes ao primeiro premio. Velaquí están:

Fotos na Galería

O pasado 1 de xuño o alumnado de 1º e 2º ESO participou na tradicional Marcha Ciclista organizada polo Concello de Mugardos para os centros educativos do municipio. O tempo acompañou ao longo de todo o fermoso percorrido pola punta do Segaño ata igrexa de Chanteiro e regreso, cunha distancia total de 16 quilómetros ida e volta.

Imaxes na Galería

Fotos na Galería

Mariño e Iván volven a sorprender cun vídeo entretido, dinámico e cun bo nivel. Prometen amplialo e mencionar a Bakunin, Kropotkin, a CNT e o terrorismo. Non perdades a canción final e ese Tolstoi tan particular. Un vídeo moi pouco educativo pero que dá gusto ver.

Este é o material de Astronomia que se vai traballar o luns 23 no Programa de Mellora:

Neste rap aparece a lonxitude dunha circunferencia, o área dun círculo, os cilindros, as esferas,... todo ligado polo máis famoso dos números irracionais: Pi

Para estas vacacións debedes facer un video individualmente ou en grupo acerca dunha das seguintes cuestións: as revolucións de 1830, as de 1848, o anarquismo, o comunismo (marxismo), a expansión da democracia na Europa do XIX, a loita polos dereitos da muller antes de 1914 e a unificación alemana ou a italiana.

Os videos deberán ter banda sonora da época (non exclusivamente), ofrecer algunha fonte primaria (texto escrito na época),  usar como base o libro de texto (para facer as liñas xerais), incluir anécdotas, imaxes do período, obras arquitectónicas e biografías. Debe indicarse a procedencia do material. Os videos poden facerse como querades, aconsello os tres modelos ensinados na aula: con carteles, con bonecos ou con escenificacións (ou combinación de todas).

Avaliarei a calidade da información, a entrega en plazo, a calidade do son, a amenidade, a duración, o número de membros do grupo e a duración. Espero que o pasedes ben facéndoo.

Para quen quiera saber máis (e, se rentabiliza o seu tempo, facer un traballo):

Para quen bussque perspectiva histórica (e mellor nota), buscade sobre a masacre de Nankin ou vede a película chinesa (rodada segundo a escola de Salvar al soldado Ryan) Ciudad de vida y muerte.

As preguntas xa as dictei na clase. Para o mércores 7 (os 5 videos). Moi importante ver o final.

Lynyrd Skynyrd, Herdeiros, CCR, Rage against the machine entre outros explicando o nacemento e evolución da máquina de vapor. Moi motivador,  nótase que o pasaron ben e non se esqueceron de empregar contidos de nivel. é sinalable o uso de texto, música, retratos,video, presentacións individuais e en parella semi-dialogadas.

É un pouco difícil, pese á preocupación didáctica (explicación da máquina en si) e algunha toma non é falsa (creo eu)

Un traballo bonito de ver, ben presentado, con imaxes motivadoras, cun interesante plantexamento por preguntas, e cuestións ben plantexadas .Mellorable o uso de anécdotas e exemplos, o entusiasmo de Alba e Andrea (esa man...) e a explicación das imaxes.

CLASES SEN FUME é un concurso europeo para mozos e mozas da túa idade (12-14 anos).

Ten como fin evitar que comeces a fumar ou ben, se xa o fixeches, que deixes o tabaco antes de que te enganche. Moitos rapaces empezan a fumar aos 11 anos e aos 14 xa son adictos.

Durante o concurso realizaredes unha serie de actividades que aumentarán os vosos coñecementos sobre o tema do tabaquismo ao tempo que vos divertides e podedes gañar grandes premios.

¿Que tes que facer para participar?

Comprometerte, xunto cos teus compañeiros da clase, a non fumar durante polo menos 6 meses, dende o 15 de novembro ata abril, incluíndo as fins de semana e as vacacións. 

Axudarvos entre vós cando alguén teña tentacións de abandonar. Lémbrade que é un pacto entre todos e que se un falla, fallades todos. Se ocorre isto, intentade resolver a situación, coa axuda do voso titor ou titora.

Realizar as actividades de prevención do tabaquismo que che propoñemos.

¿Que podes  gañar?

Saúde Non fumar é a mellor decisión que podes tomar. 

Autoestima Ti es máis forte ca o tabaco e decides o que queres facer. Non deixes que ninguén nin nada decidan por ti. 

Grandes premios 

Estadías nun albergue con programa multi-aventura, MP4, entradas ao “Aquapark”... 

Diploma e premio sorpresa para todos os participantes no concurso.

Comunícalles aos teus pais a túa decisión e anima a túa familia a participar contigo no concurso “FOGARES SEN FUME” que comeza en xaneiro.

Máis información en: 

http://www.galiciasaude.es/clasessenfume

http://www.sergas.es/clasessenfume

O xurado do Concurso de Cabazas "Samaín, 2011" acordou conceder os seguintes premios:

Cabazas feitas no centro    
1º PREMIO: "Cannabis" de Miguel e Alberto
2º PREMIO: "Cabaza sen nome" de Juan e Javi 

Cabazas feitas na casa
1º PREMIO: "Xertrudis" de Mereces e Cristina
2º PREMIO: "Noite de bruxas" de Marica, Cristina, David e Mercedes

Equipo de Dinamización Lingüística

A sección bilingüe de 2º ESO, na clase de Educación Física,
dálle unha agarimosa benvida á lectora de inglés, Gwendolyn.