Skip to Content

Xeografía e Historia

Xeografía e Historial- 4 ESO

Curso creado na Aula Virtual

Xeografía e Historia - 3.º ESO

Curso na Aula Virtual:

Historia de España (2º Bacharelato)

Para poder seguir coa actividade imos traballar a distancia mediante drive, sigo plantexando tarefas e tentarei subir clases gravadas á plataforma, ademais dos apuntes.

 

Se tedes algún problema para entrar ou traballar, contactar comigo nos correos
miguel.gil@edu.xunta.es ou en trabajosiesebahistora@gmail.com

 CON HONRA E FORTALEZA, SON OS MONSTRUOS DA NATUREZA!

UN ABRAZO A TODOS, INCLUSO A MIN.

Miguel.

 

Estrea das curtametraxes de Vidas Mariñeiras

 

Este xoves estrearonse no teatro Jofre de Ferrol as cinco curtametraxes gravadas ao abeiro do proxecto Vidas Mariñeiras organizado pola entidade Galp Golfo Ártabro Norte. Entre os traballos audiovisuais figura "Genoveva é nome de barco" gravado polo alumnado de 4.º ESO B e o profesor Miguel Gil, coa dirección da profesional Cristina de la Torre.

Os propios alumnos dos centros realizaron a presentación das súas curtametraxes. Os nosos representantes foron Adrián Vilar e Paola Alonso. A familia de Paola é precisamente a grande protagonista de "Genoveva é nome de barco".

 

De viaxe con Erasmus+ (Formación do profesorado)

O profesor de Xeografía e Historia Miguel García Valencia viaxará a próxima semana a Oxford para participar nun interesante curso que leva como título "Developing Problem Solving and Critical Thinking Skills in the classroom".

O programa ten como obxectivo apoiar aos docentes de todas as materias para desenvolveren no seus alumnos/as a capacidade de pensar por si mesmos/as, as habilidades do pensamento lateral, o razoamento verbal e non verbal e a análise crítica.

Esta actividade está incluída no proxecto ERASMUS+ aprobado pola Unión Europea para a formación profesional do claustro do IES de Mugardos e a mellora da competencia lingüística. Ao longo de dous cursos académicos, realizaremos máis de vinte mobilidades polo vello continente, desde Finlandia a Malta (xa realizadas) ou do Reino Unido a Chipre ou Portugal por citar as viaxes previstas para este curso por diferentes representantes do claustro do IES de Mugardos.

Podemos seguir as mobilidades no blog https://concuidadocontienen.blogspot.com/

Boa viaxe, Miguel V.

 

 

Visita á exposición Galegos en Mauthausen

O profesor Enrique Barrera, historiador e secretario da A.C. Memoria Historia Democrática, clausurou esta mañá co alumnado de 1.º bacharelato a exposición "Galegos en Mauthausen". A visita guiada polos paneis informativos rematou cunha charla sobre ese dramático episodio histórico que están a estudar nestes momentos. Agradecemos, asemade, á Asociación Apelón Educación a organización desta actividade.

Exposición: Holocausto (Mathausen, regreso ao campo da morte)

Ata este venres estivo no corredor de entrada do intituto a exposición sobre o holocausto (Mathausen). Para seguir ampliando a información dos paneis, podedes visitar:

Roteiro Ferrol Rebelde

O alumnado de 4.º ESO e FP Básica realizou esta semana o roteiro "Ferrol Rebelde". Trátase dun percorrido guiado polos lugares máis significativos da loita obreira na cidade ferrolá. Comeza a finais do século XIX cos nomes e lugares da publicación El trabajo (1871) e remate coa morte de Moncho Reboiras (1975).

Visita a Dombate, Borneiro e Pedra da Arca

O alumnado de 1º ESO realizou hoxe unha excursión aos principais monumentos megalíticos de Bergantiños. A visita guiada incluíu a entrada ao Centro de interpretación do dolmen de Dombate, o castro de Borneiro e mais o dolmen da Pedra da Arca. Tamén houbo tempo de gozar dun momento de descanso na praia de Balarés.

 

Distribuir contido


by Dr. Radut