Oferta educativa

Taller de análise de datos

O día 21 de decembro tivo lugar a terceira e última sesión do taller de análise de datos para o alumnado que cursa Stembach no IES David Buján. O taller foi impartido por Francisco Javier Bellas Bouza, catedrático da UDC que desenvolve a súa actividade na área da ciencia da computación e intelixencia artificial.

Durante as tres sesións do taller, o noso alumnado recibiu formación en ámbitos tan interesantes como a ciencia de datos, as redes neuronais artificias e a aprendizaxe automática ou machine learnig. O enfoque do taller foi moi práctico, de xeito que o propio alumnado tivo que descargar os datasets de repositorios de datos públicos para posteriormente procesalos co software Knime.

Agradecemos a Fran a súa disposición para adaptarse ao noso calendario e para desprazarse ata o noso centro, así como a súa fenomenal capacidade para transmitir coñecementos de xeito ameno ao tempo que rigoroso.

Con este taller complétase o total de vinte horas de actividades complementarias de formación que debe realizar o alumnado fóra do horario ordinario de docencia directa.

Ciclo de charlas "Os laberintos do cerebro"

O alumnado que cursa o Stembach no IES David Buján asistiu durante o primeiro trimestre do curso a tres charlas do ciclo "Os laberintos do cerebro" que organiza o Muncyt na súa sede da Coruña. Cómpre destacar o extraordinario nivel das persoas poñentes, todas elas cunha grande experiencia en distintos aspectos do cerebro e tamén cunhas dotes marabillosas para a divulgación.

As conferencias ás que asistiu o noso alumnado recóllense nesta lista:

Cajal e o labirinto do cerebro (Fernando de Castro Soubriet - 28 de setembro).
O cerebro e o labirinto do olfato (Laura López-Mascaraque - 26 de outubro).
O cerebro e o labirinto da linguaxe (Xurxo Mariño - 30 de novembro).

Ademais das conferencias do ciclo "Os labirintos do cerebro", o alumnado do Stembach tamén asistiu ás charlas breves que tiveron lugar o 29 de novembro no Muncyt con motivo da Noite Galega das Persoas Investigadoras.

Todas estas actividades forman parte das actividades complementarias de formación que debe realizar o alumnado fóra do horario ordinario de docencia directa.

Materias non impartidas no curso 2023/2024

Neste documento inclúese a relación das materias que non se van impartir no curso 2023/2024 por non reuniren a cantidade mínima de alumnado matriculado.