Estimados/as membros da comunidade escolar do IES A Sangriña,
No noso centro confirmouse un positivo (ata o día de hoxe) por covid19. A primeira medida que cómpre adoptar nestes casos é a da serenidade. Todas as actuacións indicadas nos protocolos están activadas xunto coa debida información facilitada á autoridade sanitaria. Tal é como se dí no documento anexo á presente, os servizos de rastrexo do Sergas informarán directamente aos contactos estreitos implicados sobre a necesidade da corentena quincenal e/ou sobre a necesidade de facer unha proba PCR. O resto da comunidade educativa poderá seguir acudindo ao centro (de non mediar comunicación expresa en sentido contrario feita chegar polo Sergas). Aquí revélanse como vitais as medidas de seguridade sanitaria que a comunidade educativa do IES A Sangriña leva aplicado dende o inicio do curso. O adecuado cumplimento das mesmas posibilita minimizar a propagación do virus no caso de contar con casos entre nós. Incidindo sobre o importante que son as distancias de seguridade, a hixiene de mans, o control diario de temperatura e de síntomas e convencéndonos do necesario que é manter esta actitude, poderemos manter, seguir mantendo, o noso centro como un recinto seguro.
