Avisos

Listaxe definitiva de persoas admitidas na distribución de máscaras.

Mér, 02/12/2020 - 14:38 — IES A Sangriña

Xa tedes á vosa disposición as LISTAXES DEFINITIVAS DE PERSOAS ADMITIDAS no taboleiro de anuncios que está situado na entrada do instituto. En canto cheguen as máscaras ao centro procederase ao seu reparto entre as familias do alumnado que resultou beneficiario desta axuda. Indicarase o día e a hora de recollida das máscaras a través da web do centro. Para calquera dúbida ou aclaración contactade coa Vicedirección.

Reparto de máscaras.

Mar, 17/11/2020 - 14:39 — IES A Sangriña

A Xunta de Galicia acaba de publicar a orde pola que se regulan os criterios e o procedemento de distribución de máscaras hixiénicas entre o alumnado que máis o necesite matriculado nas etapas de Primaria, ESO e Educación Especial dos centros sostidos con fondos públicos (Orde do 6 de novembro de 2020. Diario Oficial de Galicia nº 230, do 13.11.2020).

Tal e como establece a convocatoria, todos os/as alumnos/as que contan con axudas de material escolar (VALES DE MATERIAL) da Consellería de Cultura, Educación e Universidade no presente curso 2020-21 serán beneficiarios directos das máscaras, polo que neste caso non terán que formalizar ningunha solicitude.

O resto do alumnado −aínda que non conte con axuda de material escolar− tamén poderá beneficiarse do subministro de máscaras sempre que reúna o requisito de renda per capita igual ou inferior a 6.000 euros. Neste caso, para poder beneficiarse do reparto de máscaras, é obrigado tramitar a correspondente solicitude, cuxo prazo para formalizala permanecerá aberto desde o luns día 16 ata o 27 de novembro.

Máis información na carta adxunta.

PRAZO PARA PRESENTAR AS SOLICITUDES:

Do 16 ao 27 de NOVEMBRO de 2020

2 adxuntos

Resolucións do Equipo Covid IES A Sangriña de aplicación a partir do 23 outubro

Xov, 22/10/2020 - 20:37 — IES A Sangriña

A cafetería só será ocupada nos postos co punto azul (unha peroa por punto azul).
A hixienización de mesas e cadeiras levarase a cabo só polas persoas usuarias que entren.

Aforo máximo na cafetería

Mér, 21/10/2020 - 22:12 — IES A Sangriña

Coa entrada en vigor o 22 de outubro das novas restricións establecidas por Sanidade, o aforo máximo da cafetería do instituto queda limitado aos puntos azuis sinalizados no chan (pode haber tantas persoas coma puntos azuis). Esta medida aplícase a toda a comunidade escolar: alumnado, profesorado e PAS.