Skip to Content

Avisos

Suspéndense as actividades no exterior por fortes ventos

Xov, 18/02/2021 - 21:37

A Axencia Estatal de Meteoroloxía e Meteogalicia alertan dun fenómeno meteorolóxico de nivel laranxa por refachos de vento superiores a 100 km/h que comeza o venres 19 de febreiro, polo cal a Comisión Escolar de Alertas determinou suspender as actividades no exterior nos centros educativos das zonas afectadas, entre as que se atopa a nosa vila.

Concurso polo Día da Ilustración

Mar, 02/02/2021 - 12:20

 

O Día da Ilustración celébrase cada ano o 30 de xaneiro, coincidindo co día do nacemento de Castelao. Ademais de lembrar e reivindicar o papel dos profesionais da ilustración na industria cultural, cada ano é homenaxeado un ilustrador histórico galego. A protagonista deste ano é Lolita Díaz Baliño.

Así, o instituto organiza un concurso para celebrar e difundir a ilustración como unha actividade presente no mundo do libro e que acompaña e dá entidade a moitas obras, poñendo como tema sempre unha obra da literatura universal que sexa susceptible de ser debuxada. Nesta ocasión a obra escollida para realizar a ilustración é Frankestein ou o Prometeo moderno de Mary Shelley. A ilustración realizarase en formato horizontal ou vertical DIN A-4 (21 x 29,7cm) en papel, podendo empregar a técnica que se considere. Antes de poñervos mans á obra, consultade as bases no documento adxunto.

CALENDARIO DE RESERVA E ADMISIÓN, CURSO 2021/2022

Xov, 28/01/2021 - 22:06

SOLICITUDE DE RESERVA DE PRAZA PARA OS CENTROS ADSCRITOS:

  • CEIP MANUEL RODRÍGUEZ SINDE.
  • CEIP AS SOLANAS.
  • CEIP A SANGRIÑA.

PRAZO DE SOLICITUDES: do 11 de xaneiro ao 8 de febreiro.

LUGAR: A solicitude deberase presentar no centro educativo de orixe (nos colexios de primaria adscritos ao centro).

SOLICITUDE DE ADMISIÓN DE PRAZA PARA O ALUMNADO QUE VEÑA DOUTRO CENTRO E NON SEXA DE CENTROS ADSCRITOS:

  • CPR PADRES SOMASCOS.
  • CPR SAN JOSÉ (HH CARMELITAS).
  • CPI MANUEL SUÁREZ MARQUIER.
  • OUTROS CENTROS.

PRAZO DE SOLICITUDES: do 1 ao 22 de marzo.

LUGAR: A solicitude deberase presentar no centro educativo solicitado en primeiro lugar. O alumnado matriculado neste centro ten garantida a súa permanencia, polo tanto, o cambio de curso non requirirá un novo procedemento de admisión, agás que coincida cun cambio de centro.

Normativa: Orde do 12 de marzo de 2013 pola que se desenvolve o procedemento para admisión do alumnado que foi modificada pola Orde do 25 de xaneiro de 2017 e pola Orde do 18 de decembro de 2020

REPARTO DE MÁSCARAS PARA O PROFESORADO

Xov, 21/01/2021 - 05:50

A Xunta de Galicia vén de enviar unha partida de máscaras hixiénicas reutilizables ao IES A SANGRIÑA co obxectivo de cubrir as necesidades de todo o persoal do centro ata final de curso. O material, en paquetes de cinco unidades homologadas, de 25 lavados cada unha, será distribuído no inicio deste segundo trimestre. Polo tanto, desde hoxe mesmo o profesorado do centro pode recoller un paquete de máscaras da caixa que se habilitou para tal efecto na sala do profesorado. 

A Dirección. 

Prazo extraordinario de matrícula en ESA

Mar, 12/01/2021 - 22:36

Entre o 11 e o 19 de xaneiro ábrese un prazo extraordinario de inscrición e matrícula en Educación Secundaria para persoas adultas, na modalidade presencial, concretamente para o módulo ESA IV, para alumnado de nova incorporación ao centro no segundo cuadrimestre.

Distribuir contido


by Dr. Radut