Avisos

Concurso polo Día da Ilustración

Mar, 02/02/2021 - 13:20 — IES A Sangriña

O Día da Ilustración celébrase cada ano o 30 de xaneiro, coincidindo co día do nacemento de Castelao. Ademais de lembrar e reivindicar o papel dos profesionais da ilustración na industria cultural, cada ano é homenaxeado un ilustrador histórico galego. A protagonista deste ano é Lolita Díaz Baliño.

Así, o instituto organiza un concurso para celebrar e difundir a ilustración como unha actividade presente no mundo do libro e que acompaña e dá entidade a moitas obras, poñendo como tema sempre unha obra da literatura universal que sexa susceptible de ser debuxada. Nesta ocasión a obra escollida para realizar a ilustración é Frankestein ou o Prometeo moderno de Mary Shelley. A ilustración realizarase en formato horizontal ou vertical DIN A-4 (21 x 29,7cm) en papel, podendo empregar a técnica que se considere. Antes de poñervos mans á obra, consultade as bases no documento adxunto.

1 adxunto

REPARTO DE MÁSCARAS PARA O PROFESORADO

Xov, 21/01/2021 - 06:50 — IES A Sangriña

A Xunta de Galicia vén de enviar unha partida de máscaras hixiénicas reutilizables ao IES A SANGRIÑA co obxectivo de cubrir as necesidades de todo o persoal do centro ata final de curso. O material, en paquetes de cinco unidades homologadas, de 25 lavados cada unha, será distribuído no inicio deste segundo trimestre. Polo tanto, desde hoxe mesmo o profesorado do centro pode recoller un paquete de máscaras da caixa que se habilitou para tal efecto na sala do profesorado.

A Dirección.

DÍAS LECTIVOS 21 E 22 DE DECEMBRO

Ven, 18/12/2020 - 10:25 — IES A Sangriña

LUNS, 21 DE DECEMBRO

BACHARELATO ADULTOS E ESA

Os/as titores/as entregarán os boletíns de notas ao longo da tarde (ao alumnado de Bach Ad.).
O martes, 22 de decembro non hai clase para este alumnado (Bach Ad. e ESA).

MARTES, 22 DE DECEMBRO

ESO, FPB e CICLOS

8:20 – 11:05.- Clases.
11:05 – 11:55.- Entrega de boletíns polos titores/as nas aulas de referencia.
12:00.- REMATE DAS CLASES. Recollida do alumnado polo servicio de transporte ATSA.

BACHARELATO DIURNO

15:00 - 15:15.- Entrega de boletíns polos titores/as nas aulas de referencia.
NON HAI CLASE A PARTIR DAS 15:15 HORAS.

Listaxe definitiva de persoas admitidas na distribución de máscaras.

Mér, 02/12/2020 - 14:38 — IES A Sangriña

Xa tedes á vosa disposición as LISTAXES DEFINITIVAS DE PERSOAS ADMITIDAS no taboleiro de anuncios que está situado na entrada do instituto. En canto cheguen as máscaras ao centro procederase ao seu reparto entre as familias do alumnado que resultou beneficiario desta axuda. Indicarase o día e a hora de recollida das máscaras a través da web do centro. Para calquera dúbida ou aclaración contactade coa Vicedirección.