Para rematar o proxecto deste ano "MONTE VIVO" os nenos e nenas da escola de Capela fixeron un videoclip para lembrarnos da importancia do coidado do medioambiente.

SEXAMOS ECOLOXISTAS!

Música: "Ecoloxistas" de Pablo Díaz

Que mellor forma de rematar o curso que facer unha xornada de convivencia con tódalas escolas do CRA. Nesta ocasión fomos ata Carril onde nos estaban esperando os monitores e monitoras de Arenaria para facer unha actividade intermareal e axudarnos no embarque e traslado a illa de Cortegada. Unha vez na illa fixemos un roterio guiado e como o día se prestaba tamén nos bañamos e fixemos moitos xogos. Foi unha xornada inolvidable!

Música: "Foliada de Carril" - A Roda

Que mellor forma de conmemorar o día mundial do medioambiente que facendo unha ruta pola zona da Ermida e coñecendo da man de Emilio a flora e a fauna da beira do río Te. Aprendemos moitas cousas das sobreiras, ameneiros, madreselva, bagoas de San Xoán, cortadeiras, ras, zapateiros, ...

Aproveitando a saída visítamos o muíño da Veiga, propiedade da familia de Martín Pan aos que lle agradecemos as explicacións e a super merendola que nos prepararon.

Moitas grazas!

. 

Clica na imaxe para ver o contido.

Pincha na imaxe para ver a noticia. 

Hoxe algunhas das escolas desplazáronse a Campo Maneiro para realizar varias actividades guiadas por monitores da USC.

• Paseo para recoñecer árbores, plantas e escoitar o canto dos paxaros.
• Contacontos "Paxaro Amarelo" de Olga de  Dios.
• Obradoiro para elaborar casiñas para paxaros.
• ...

Hoxe os nenos e nenas das escolas de Outeiro e Capela foron a Campo Maneiro onde tiveron uns guías moi especiales, un grupo de alumnos e alumnas do CEP Brea Segade.

Unha vez alí fixeron unha roda de presentación, tiveron a oportunidade de ler algún conto como o de Xaime e as landras, recolleron elementos naturais para facer un mandala (Land Art), merendaron observaron experimentaron, escoitaron ... a flora , fauna e outros elementos da contorna, Selene e Manuel da escola de Capela explicaronlles aos compañeiros e compañeiras moitas cousas sobre a resina e a casca da sobreira. Posteriormente merendaron e fixeron unha ruta guiada coa axuda da profe Cova e dun grupo de alumnos e alumnas do CEP Brea Segade onde lles explicaron moitas cousas sobre os castiñeiros, sobreiras, cabras, abellas, burros...

Foi unha xornada marabillosa!