O mércores 25 de outubro de 2023, tivo lugar a sesión inaugural do noso club de ciencia deste curso 2023-2024. Os mércores lectivos, en semanas alternas, reunirémonos con María, David e Yolanda de Arenaria para compartir moitas actividades e experiencias que nos achegarán ao mundo da ciencia. Ao igual que o curso pasado tivemos que organizar o club en quendas quincenais. 

Iniciamos este ano o club de ciencia situando o PDI do CRA, que uniremos nalgunhas sesións de ciencia. Neste caso, falando da orixe, pero da ciencia! Como xorde o coñecemento científico? Cales foron os primeiros inventos e os primeiros descubrimentos? Cales serías os avances máis importantes na historia? Pois todo isto traballamos, e puidemos ver e manipular distintos inventos modernos que agora nos parecen xa obsoletos que que moitos de nós non coñecíamos, como por exemplo un magnetofón, ou unha cámara de fotos de carrete!

Pasámolo moi ben e aprendimos un montón de cousas sobre como foi evolucionando o pensamento científico do ser humano que permitiu crear inventos tan sinxelos como nos pode parecer hoxe en día unha roda pero que significaron grandes avances para a humanidade.