UNHA CRÍA DE AVELAIONA
 |
 |
AIDA É UNHA ANTIGA ALUMNA DA ESCOLA DO CRUCEIRO.
CANDO A PASADA SEMANA REGRESABA A CASA DESPOIS DA ESCOLA ATOPOUSE DEBAIXO DUNHA PONTE DA AUTOVÍA, ENTRE AS PARROQUIAS DE ASADOS E LEIRO, A CRÍA DUNHA AVELAIONA. ERA TAN NOVIÑA QUE AÍNDA TIÑA O CORPO RECUBERTO DE PLUMÓN E NON ERA QUEN DE VOAR.
AS AVELAIONAS SON AVES NOCTURNAS DA FAMILIA DOS MOUCHOS E AS CURUXAS. EN CASTELÁN CHÁMANSELLE CÁRABOS E SON AS QUE ESCOITAMOS "LAIAR" POLAS NOITES ( U, U,UUU!).
AIDA FOI BUSCAR UN VECIÑO PARA QUE LLE AXUDARA A COLLER O POLIÑO DE AVELAIONA E Ó CHEGAR A CASA PEDIULLE A SÚA NAI QUE CHAMARA O 112.
XA COÑECEDES ESTE NÚMERO , VERDADE?. OS NOSOS AMIGOS DE PROTECCIÓN CIVIL LÉMBRANNOS TÓDOLOS ANOS QUE É O NÚMERO QUE HAI QUE MARCAR SE TEMOS ALGUNHA EMERXENCIA.
POIS BEN, SE ALGUNHA VEZ, COMO AIDA, ATOPADES ALGÚN ANIMAL QUE NON POIDA VALERSE NON DUBIDEDES EN MARCAR O 112. ELES POÑERANSE EN CONTACTO CO ORGANISMO QUE POIDA ASEGURAR A VIDA DO ANIMAL.
NESTE CASO VEU RECOLLER A AVELAIONA UN AXENTE DUN CENTRO DE RECUPERACIÓN DE AVES, E ASEGUROU QUE CANDO ESTIVESE CRIADA HABÍANA DE CEIBAR OUTRA VEZ ONDE FOI RECOLLIDA.
- APIs de Blogue
QUE CRÍA TAN BONITA!
QUE CRÍA TAN BONITA!
ÁS VECES POLA NOITE OÍMOS Á CURUXA PERO NUNCA VIMOS UNHA.
QUE BEN QUE AIDA CHAMARA Ó 112, SEGURO QUE CANDO MEDRE A AVELAIONA VAI ESTAR MOI AGRADECIDA E VOLVE A POR ALÍ.
PARA ONDE A LEVARON? ONDE ESTÁ O CENTRO DE RECUPERACIÓN DE AVES?
Os nenos e nenas de Pazo I
CENTRO DE RECUPERACIÓN DE FAUNA SILVESTRE
A AVELAIONA LEVÁRONA AO CENTRO DE RECUPERACIÓN DE FAUNA SILVESTRE QUE HAI EN OLEIROS, NA PROVINCIA DA CORUÑA.
ADEUS!!!!!!!!
AIDA
Ola Nenos/as de
Ola Nenos/as de Cruceiro.
Estamos moi contentos de que chamarades o112.
Pareceunos moi bonita a avelaiona.
E ademàis estamos moi contentos de que salvarades a esa cría de avelaiona.
Xa lemos o conto que nos recomendachedes,pareceunos
moi gracioso : A NOITE DAS MUDANZAS.
Nós recomendámosvos:LA BAILARINA Y EL LADRÓN. É un conto de amor moi bonito, aínda que un pouco longo para os máis pequeniños.
Moitos bicos para todos os nenos/as de Cruceiro.
Escola de Rañó. Mércores 10 de Xuño.
MARÍA E MAR