Sísamo

Como cada mañá, logo de saudar ás compañeiras e compañeiros, dedicamos uns minutos a falar do que nos interesa, das preocupacións que temos,... En definitiva, un reencontro ameno e distendido coas nosas amizades.

Nestes primeiros acordes da xornada, a biblioteca ten un gran movemento. Desfrutan da lectura dun conto individualmente ou en pequenos grupos, xurdindo contacontos de forma espontánea na que o narrador desfruta contando a historia e o público está entregado á narración. Nestas dúas imaxes podedes comprobar como desfrutan da lectura dos dous xeitos.

Finalizado o trimestre, celebramos os aniversarios das nenas e nenos que cumpriron anos ao longo do mesmo. No seguinte adxunto, podedes ver o que foi a merenda conxunta que fixemos para celebralo.

Agardamos que vos guste.

Uns días antes do festival de Nadal, as nenas e nenos de Sísamo tiñamos unha encomenda  especial: visitar o xeriátrico de San Cristovo no que actuamos en primicia co noso baile "En estas navidades quiero bailar" e agasallalos con dúas cancións de Nadal:"Rodolfo, el reno" e  "Buscando unha estrela".Para achegarnos ao lugar da actuación, fomos dando un fermoso paseo no que nos acompañaron o profe Jesús e a profe María, ademais da axuda de Protección Civil de Carballo que velaron porque o transcurso da camiñata fose segura. A experiencia foi enriquecedora, compartimos ilusión e ledicia cos nosos maiores e na que nos recibiron con moito agarimo.

Moitas grazas ao xeriátrico por tan boa acollida!!

No seguinte adxunto hai un pequeno resumo do que foi a actividade. Agardamos que vos guste.