Skip to Content
Imaxe de teresa

AXUDAS DO CONCELLO AO 2º CICLO DE INFANTIL

O Concello de Carballo publicou esta semana as Axudas de Estudos para alumnado de 2º ciclo de educación infantil e estudos de Grao Elemental ou Profesional no Consevatorio Profesional de Música de Carballo para o curso 2020-2021. O prazo para presentar as solicitudes esténdese ata o vindeiro 12 de marzo.

PRAZO PRESENTACIÓN DE SOLICITUDES

 

Do 12 de febreiro ao 12 de marzo.

 

INFORMACIÓN E CONSULTA DE DÚBIDAS 

No enderezo electrónico culturacarballo@carballo.gal e telefónicamente de 11.00 a 12.30 h no 981 704 300 

 

LUGAR E HORARIO DE PRESENTACIÓN

 

A través da sede electrónica https://sede.carballo.gal/ 

Ou con cita previa chamando no: 
  • Rexistro Xeral do Concello de Carballo 981 704 100 
  • Rexistro auxiliar de Cultura 981 704 300 
  • Rexistro auxiliar Servizos Sociais 981 704 706 
  • Rexistro auxiliar Deportes 981 702 109  
  • Rexistro auxiliar Fórum 981 709 010

 

 
DOCUMENTACIÓN BÁSICA QUE SE PRECISA

  • Modelo normalizado de solicitude con todos os epígrafes cubertos e asinados 
  • Copia do libro de familia 
  • DNI ou NIF provisional do beneficiario 
  • Xustificante de titularidade onde conste o nº de conta co IBAN a nome do beneficiario/a (neno/a) da axuda.  
  • En caso de separación ou divorcio, sentenza xudicial e/ou convenio regulador onde conste a atribución da custodia do/a beneficiario/a. No caso de custodia compartida ambos proxenitores forman unha unidade familiar cos fillos que teñan en común.

Máis información:

- modelo de solicitude.

- bases da solicitude.

- información axudas.

 

 

Imaxe de teresa

MESTRA DE OBRA (PROXECTO LUPO)

O vindeiro 8 de febreiro ás 19:00 a arquitecta e educadora Patricia González Pérez presentará o programa Mestra de Obra a través dunha xuntanza online coas familias interesadas. Para acceder a esta reunión farase a través do seguinte enlace:

https://eduxunta.webex.com/eduxunta/j.php?MTID=mc3aecc810e5c0ab34f9b64769c0dca52

Durante a reunión é importante ter o micrófono e o vídeo apagado para evitar que a rede sobrecargue. A xuntanza comezará 10 minutos antes da hora programada para poder solventar posibles dificultades de conexión.

Podedes consultar os pasos a seguir para a conexión no seguinte vídeo:

 

 

 

O claustro do CRA agradécevos a vosa colaboración e implicación.

Imaxe de teresa

DÍA DE PORTAS ABERTAS

Se desexades coñecer as escolas que conforman o C.R.A. Ponte da Pedra, aproveitade o día de portas abertas que se organizará na tarde do luns 22 de setembro. Todas as persoas interesadas en acudir á visita, deberedes pedir cita previa na escola ou escolas que vos interese e cumprir coas medidas hixiénico-sanitarias establecidas na normativa vixente.

 

 

 

 

 

 

 

Imaxe de teresa

RESERVA DE PRAZAS

De conformidade coa disposición adicional primeira da Orde do 12 de marzo de 2013 que regula o procedemento de admisión de alumnado en centros docentes sostidos con fondos públicos e a Orde do 18 de decembro de 2020 que a modifica, o próximo día 11 de xaneiro inícianse os trámites do procedemento coa reserva de praza nos centros adscritos.

A adscrición das nosas escolas é a seguinte:

- 6º de E.I. de Mirón e Rega: C.E.I.P. Fogar.

- 2º de E.P. de Artes e Verdillo: C.E.I.P. Gándara (Sofán).

- 2º de E.P. de Cances, Sísamo e Xoane: C.E.I.P. Bergantiños.

PRAZO DAS SOLICITUDES: do 11 de xaneiro ata o 8 de febreiro.

PRESENTACIÓN:

- medios telemáticos coa CHAVE365 ou certificado dixital na aplicación admisionalumnado.

- xeito presencial na sede do CRA por medio do formulario normalizado ED550A

IMPORTANTE: Segundo o artigo 11.2 esta reserva terá carácter vinculante e será incompatible coa presentación de solicitude de admisión noutro centro, salvo renuncia expresa e por escrito presentada no centro de adscrición antes do inicio do prazo de presentación de solicitudes de admisión (1-20 de marzo).

(E dicir, o que desexe praza noutro centro diferente ao adscrito deberá renunciar por escrito á súa reserva de praza)

 NORMATIVA DE APLICACIÓN

Imaxe de teresa

ENTREGA ALIMENTOS A CÁRITAS E A CRUZ VERMELLA

No día de hoxe fixemos a entrega dos alimentos que conseguiron as nenas e nenos nos retos propostos nas aulas. En total, foron 108 kg. de alimentos.

Queremos agradecerlle á comunidade educativa do C.R.A. a súa solidariedade e colaboración coas achegas de alimentos, que se sumaron ao total conseguido nas actividades das escolas.

 

 

 

 

 

Distribuir contido


by Dr. Radut