Artigos

Esta semana comezamos coa formación de profesorado na nosa sede. O luns contamos con Chema Mesías que nos ensinou a provocar aprendizaxes a través da arte e o martes foi o turno de Patricia, mestra do CEIP Fogar, que nos axudou a entender como se xestiona Erasmus +. Grazas á Fundación Barrié agora contamos con dous canóns que fan que a formación na sede sexa un éxito, así que desde aquí queremos agradecerlles o apoio e a axuda que nos prestaron.

Moitas grazas.

MAGOSTO EN CANCES.

O vindeiro mércores 30 de outubro celebraremos o magosto na escola de Cances.

Este curso o horario será o habitual de 9 a 14.

O alumnado será traladado desde as súas respectivas escolas ata a escola de Cances en bus. Ás 14h as familias recollerán ás nenas e nenos nesa escola.

Esta actividade estará condicionada polo tempo meteorolóxico. Avisarase no caso de ter que ser aprazada.

Moitas gracias ás familias pola súa colaboración!

No día de onte, abandonamos por un momento as escolas para percorrer varios espacios do concello de Carballo. Comezamos polo Museo de Bergantiños onde amablemente as súas guías nos explicaron a cultura, a historia e os costumes da nosa comarca.

Despois da visita ao mercado, merendamos nas súas dependencias nun lugar habilitado para iso. Unha vez rematado a parva, fomos camiñando ata o río Anllóns no seu paso polo San Martiño acompañados dun policía local.

Fixemos un anaco do paseo do Anllóns, prestando atención á flora e fauna do río: patos, zapateiros, acivros, ameneiros, carballos,...