Artigos

Unha vez retomado o curso e a rutina, damos comezo a unha nova andaina de Familias Responsables da man da psicóloga, especialista en terapia familiar,

Lara Rodríguez de las Heras.

Neste curso, os obradoiros traen como novidades: o número de sesións, a localización e o horario:

SESIÓNS: unha vez ao mes

(derradeiro martes lectivo de cada mes)

LOCALIZACIÓN: a sede do C.R.A.

HORARIO: 12:15 a 13:45

Aquelas familias interesadas en asistir aos talleres poderán reservar a súa praza no seguinte número de teléfono:

981 703 403

ANIMÁDEVOS!! PRAZAS LIMITADAS....

Como ven sendo habitual nos últimos anos, as escolas de Cances, Xoane e Sísamo visitaron o xeriátrico. Alí presentamos en primicia as actuacións do festival de Nadal.

Ademais, aproveitando o traballo realizado no 25N, con aqueles retazos de telas das mulleres máis importantes na vida das nenas e nenos, fixemos unhas mantas que lles agasallamos aos nosos maiores.

Agradecer ao centro DOMUSVI a colaboración e a marabillosa recepción coa que sempre nos acollen. Agardamos poder seguir cooperando nestes encontros interxeracionais favorecendo actividades tan fermosas e emotivas coma estas.

TALLER CRUZ VERMELLA

A Cruz Vermella achegouse ás escolas do C.R.A. para realizar un taller sobre os xogos e os xoguetes.

Ao longo do xoves e o venres, Eva e Mónica foron as voluntarias encargadas de traernos a reflexión sobre os nosos xoguetes: se hai xoguetes de nenas e nenos, cales son os nosos xoguetes preferidos, se nos gusta xogar solos ou con outros nenos,...

Despois de falar un pouco, fixemos unha dinámica na que unicamente tiñamos para xogar o noso propio corpo e a nosa imaxinación.

Tamén elaboramos un pequeno xoguete cunha folla de papel para divertirnos soprando.

Moitas gracias a Eva e a Mónica polo seu traballo.