EDLG
Concursos de Nadal do Ateneo
Enviado por inesduran o Dom, 24/12/2023 - 01:47
Intercambio de postais
Enviado por laurarialf o Ven, 22/12/2023 - 16:03Este ano os nenos e nenas de Infantil e Primeiro de Primaria elaboraron unhas postais moi chulas para felicitar o Nadal aos compañeiros e compañeiras da Escola Infantil O Grupo. A súa vez os alumnos e alumnas de 3º e 4º comezaron un intercambio de postais cos nenos e nenas de 3º do CEIP Plurilingüe do Carballal. Escribíronlle mensaxes tanto en Galego como en Inglés.
Elaboralas foi moi divertido, pero recibir unha postal de parte dos outros nenos e nenas fíxonos moita ilusión!
Nadal no Sequelo
Enviado por laurarialf o Ven, 22/12/2023 - 15:47Onte no CEIP Sequelo tivemos unha morea de cousas. Comezamos a mañá escoitando panxoliñas da man da profe Inés e moitos dos nenos e nenas do cole. Ao rematar, puidemos coñecer aos finalistas e gañadores e gañadoras do concurso de postais que dende o cole facemos cada ano.
Na hora do patio, tivemos unha sorpresa...Chegou Papá Noel! Os nenos e nenas de Infantil e primeiro non dubidaron en entregarlles a súa carta. Logo de xogar un pouquiño no patio, chegaron as actuacións! Os diferentes cursos foron cantando e interpretando cancións de nadal tanto en galego, coa axuda da profe Montse, como en inglés, coa axuda da Teacher María. Xusto cando estabamos rematando, tivemos outra sorpresa...Apareceu o apalpador! Os nenos e nenas de terceiro puideron darlles uns debuxos moi bonitos que eles e elas mesmas lle fixeron. Por último, para rematar o día de festa, a ANPA preparounos chocolate con churros moi delicioso. Que sorte tivemos!
Para que vexades un pouquiño da mañá deixámosvos dous vídeos: un cheo de imaxes e outro con algunhas panxoliñas e actuacións da mañá para que nos escoitedes entoar as nosas voces e vexades como movemos o esqueleto.
Ao longo deste mes, tamén desfrutamos do tren de Nadal do Concello que nos levou polas rúas de Marín para ver que chulas e navideñas están. No vídeo tendes algunha fotiño!
Por último, este ano o noso cole cumpliu 50 anos! Por iso fixemos unha tarta moi grande, decoramos unhas velas moi chulas e pegámosllas. Por suposto, cantámoslle cumpleanos feliz. Parabéns CEIP Sequelo!
Moitas gracias á ANPA por decorar o cole tan chulo de nadal, por eses churros con chocolate tan ricos e por toda a súa implicación!
Tamén agradecer a Papá Noel e ao apalpador por vir un ratiño ao noso cole e poder vivir un momento máxico cheo de ilusión!
BO NADAL!
Os golfiños- Educación Infantil
Enviado por laurarialf o Ven, 22/12/2023 - 15:31Os nenos e nenas de Infantil estiveron todo o trimestre investigando sobre os golfiños. Agora, que xa son uns expertos e expertas, amósannos algunhas curiosidades sobre estes animais. Como traballaron!
Entrevista na beira III: Montse Ogando
Enviado por josean o Xov, 21/12/2023 - 02:51Pola nosa radio pasa unha mestra que se incorpora este ano ao noso centro é que dá en quinto música e Plástica. Se queredes saber máis dela estade atentos a esta entrevista na beira.
Tarxeta de Nadal Scratch
Enviado por josean o Mér, 20/12/2023 - 23:09Un Feliz Nadal deséxanvos con esta tarxeta dixital feita coa linguaxe de programación Scratch os alumnos de 5º
No GRUPO por Nadal
Enviado por inesduran o Sáb, 16/12/2023 - 19:31
O sequelo cociña...edición Outono
Enviado por laurarialf o Mar, 12/12/2023 - 18:15
Esta vez os nenos e nenas de 1º e 2º de Educación Primaria traénnos unhas receitas do outono con moi boa pinta. Animádesvos a probalas na casa?
Moitas grazas familias!
Concurso de Tarxetas de Nadal
Enviado por inesduran o Mér, 06/12/2023 - 01:13
Visita da Familia de Matilda de 1º
Enviado por inesduran o Lun, 04/12/2023 - 21:19
Contacontos "A trastenda dos contos"
Enviado por laurarialf o Lun, 04/12/2023 - 13:45O pasado 28 de novembro tivemos “A trastenda dos contos”, un contacontos sobre o Día internacional da Eliminación da Violencia contra a Muller da man do CIM (Centro de Información á Muller) de Marín.
A actividade foi destinada para o alumnado de Educación Infantil, 1º, 2º e 3º de primaria.
Que momento máis divertido pasamos!
DÍA INTERNACIONAL DA DISCAPACIDADE
Enviado por Belen o Dom, 03/12/2023 - 22:25Hoxe, 3 de decembro, é o día Internacional da Discapacidade.
O venres pasado, o alumnado do 5º curso de Educación Primaria, na sesión de Educación Física, puido experimentar unha serie de actividades para alumnado con discapacidade visual, reflexionar sobre as diferenzas que presentamos cada un de nós, sobre a aceptación e sobre o respecto.
Resumimos esta experiencia na seguinte frase: ''La discapacidad no te define; te define cómo haces frente a los desafíos que la discapacidad te presenta.''-Jim Abbott.
A continuación mostro algunhas fotos con este grupo. Irei engadindo mais porque ó longo de este mes, tódalas clases vivirán estas experiencias e algunha mais!
GOL?
A QUE OLE?
PINTO COA MAN NON DOMINANTE!
OUTRA MANEIRA DE VER!
PASEAMOS?, DESCUBRIMOS ONDE ESTAMOS?
Preparando o Nadal
Enviado por inesduran o Lun, 27/11/2023 - 22:59O MES DE NADAL
Pandeiretas e cunchas, do máis tradicional na nosa Galicia.
Segue os enlaces ata o blogue de Biblioteca
Menos violencia e máis amor!
Enviado por Miguel o Dom, 26/11/2023 - 23:00Co gallo do 25N, Día Internacional contra a violencia de Xénero, Elsa e Nicolás de 2º de primaria leron esta historia á que acompañan ao final outros compañeiros coa proclama que cantaban no percorrido que fixo todo o colexio con lemas contra a violencia. Parabéns!
O AMOR É O MELLOR (1ºEP)
Enviado por laurarialf o Dom, 26/11/2023 - 22:33Os nenos e nenas de 1º de EP puxéronse mans á obra para elaborar un conto para conmemorar o 25 de Novembro-Día Internacional da Eliminación da Violencia contra a Muller.
Aquí vos deixamos a historia feita e contada por eles e elas! Ademais, se queredes ver o conto, tamén podedes dar un paseo pola beira do río lameira.
Agardamos que vos guste!
25N no CEIP Sequelo
Enviado por laurarialf o Dom, 26/11/2023 - 11:27Onte foi 25 de novembro, Día Internacional da eliminación da Violencia contra a muller. A pesar de ser un tema que traballamos día a día na aula, o venres quixemos darlle un pouco máis de visibilidade e amosar que todos e todas estamos totalmente en contra con este tipo de accións.
Dende hai uns días, estivemos preparando nas clases carteis con lemas en contra desta violencia e a favor das mulleres e o respecto que temos por todas e cada unha delas.
Para facer máis visible o noso traballo e o noso desacordo coa violencia contra as mulleres, saímos do centro educativo e manifestámonos por toda a beira do río Lameira. Na volta ao centro deixamos colgados os nosos carteis ao redor do colexio para que cada persoa que pase poida lelos.
Ao chegar ao centro, Tania de 6º de Educación Primaria leunos un manifesto, deixando claro que no CEIP Sequelo berramos todas xuntas: Eu por ti e ti por min!
Por último, os nenos e nenas de 4º, 5º e 6º de EP, xunto coa profe Montse, versionaron en galego a canción de “Ni una más” de Aitana e mostráronola a todos e todas.
Hoxe e cada día do ano: NIN UNHA MÁIS
Charla ASSEII
Enviado por laurarialf o Sáb, 25/11/2023 - 20:38A asociación socio sanitaria de enfermidades inflamatorias intestinais, ASSEII, visitou ao alumnado de 3º de educación primaria.
Ademais de coñecer un pouco estas enfermidades aprendemos moito sobre como coidar a nosa saúde.
Fixéronnos recomendacións para que o noso intestino este ben coidado:
·
Debemos lavar ben as mans, sobre todo antes das comidas.
·
É importante que bebamos moita auga.
Tamén falamos do que comemos, da necesidade de ter unha dieta variada e non comer produtos ultraprocesados nin bolería industrial.
Foi moi divertido, sobre todo cando nos contaron como afecta o que comemos ás nosas cacas.
v
Provocan gases: o repolo, a coliflor, os cogombros, leite, froitos secos, cebolas, ...
v
Provoca cambios de cor: espárragos, remolacha, pílulas de ferro, amorodos, salsa de tomate,...
v
Producen cheiros: legumes, brócoli, ovos, allo, queixos fortes,..
v
Axudan co cheiro: zume de arandos, de laranxa, perexil, iogur,...
v
Poden provocar diarrea: cereais integrais, verduras de folla, pasas de uva, vexetais crus, ...
v
Axudan coa diarrea: puré de mazá, bananas, arroz fervido, tapioca, ...
v
Axudan co estrinximento: froitas en compota, vexetais cocidos, froitas frescas, auga, bebidas mornas ou quentes,...
O mundo animal é máis sabio que o humano?
Os cans sempre revisan as súas cacas, cando se nota mal do estómago “púrganse” comendo herba para provocar o vómito.
Recomendáronnos non usar papel hixiénico de cores, o branco é mellor para poder valorar a cor das túas feces.
Antes de tirar da cisterna debemos inspeccionar o que deixamos, a súa cor, forma e cheiro. Ninguén o vai facer por nós.
Xa que estamos no váter, tamén aprendemos como debemos sentarnos, erguendo as pernas empregando un tallo.
Queremos dar as grazas as persoas de ASSEII polas súas explicacións e polo seu tempo.
25 de Novembro
Enviado por inesduran o Ven, 24/11/2023 - 15:43
Coidamos a Nosa Contorna
Enviado por inesduran o Lun, 20/11/2023 - 00:08
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »
