Hoxe nenas e nenos de 6º curso recibiron un curso de primeiros auxilios da man das doutoras Laura Silva, Montse Rodríguez e Elisa Asuín do PAC de Porriño e Paula Fernández de Tui.
Comezaron cunha explicación xeral para todos e despois pasouse a parte práctica, na que se separou ao alumnado en pequenos grupos. Valéndose de monecos especiais estiveron practicando reanimación cardio-pulmonar e a maniobra de Heimlich.
Finalmente cada asistente recibiu un pequeno diploma como o modelo.
Desde o CEP Pedro Caselles queremos agradecer a estas doutoras o seu esforzo e traballo desinteresado .
A nosa biblioteca segue en obras, o traballo e moito e non fomos quen de dar rematado para o día do libro, pero iso non nos impediu celebrar este día.
Nenas e nenos do Caselles estiveron debuxando a portada do seu libro preferido. Uns trouxeron o seu libro favorito da casa, outros debuxaron algún que tiñan lido na biblio, e outros deixáronse levar pola fantasía e debuxaron a portada dun libro inventado.
Para ver as creacións dos nosos nenos e nenas premede na imaxe.
Os nenos e nenas de 2º A estiveron moi ocupados buscando un tesouro polo colexio. Catro equipos seguiron unhas pistas que os levaron a lugares do colexio nos que había actividades que lles daban a seguinte. Ata conseguir un pedazo do mapa do tesouro. Cando todos os grupos xuntaron os seus anacos de mapa. Bravo, atoparon o tesouro!!!! A cooperación tivo premio!
Este xoves nenas e nenos de primeiro aprendemos a facer pan,.... e saliunos boísimo.
A profe foi explicando o que tiñamos que facer, e nos soíños fomos quen de facer o noso propio pan. Fixemos seis equipos e con fariña, auga, sal, levadura e un pouquiño de aceite de oliva fixemos a masa. Logo tivemos que esperar moitísimo para que a levadura fixera crecer o masa. Despois repartimos a masa entre tódolos nenos e nenas do equipo e fixemos barras, bolas, churros e chapatas e puxémolos en bandexas de forno. Por último levámolas bandexas a cociña onde José Manuel, Benito e Ramón as meteron no forno.
Cando voltamos do recreo comemos o pan, e invitamos a tódolos nosos profes e aos nenos e nenas de 2º. Non sobrou nadiña!!!
Se queredes ver tódalas fotos de como fixemos o noso pan premede enriba da foto.
Nestas últimas semanas o alumnado de cuarto estivemos traballando as cartas e as postais. Hoxe puxemos en práctica todo o aprendido: cada un de nós escribiu unha carta , fomos ata a oficina de correos, pagamos o selo e depositamos a carta no buzón. Os funcionarios tamén nos explicaron varias cousiñas como por exemplo qué é un apartado postal, ou algo moi curioso como que todas as cartas teñen que ir a unha oficina que está en Santiago para seleccionalas alí. ..aínda que a carta sexa para Tomiño!!!!....tamén nos falaron da importancia de poñer o código postal.
Saimos moi contentos desta actividade porque aprendemos moito e nos deron un regaliño!!!
Nenos e nenas de 6ºB crearon este bonito libro de poesías, aproveitando os seus coñecementos literarios e os seus coñecementos dixitais.
O resultado foi un fermoso libro de poemas do que podedes disfrutar neste artigo. Tamén disfrutan del o alumnado de 1º e 2º curso, xa que estes artistas van a ir polas aulas a facer unha lectura e presentación do traballo, así coma un breve taller de poesía para os máis pequenos.
Hoxe alumnos e alumnas de 4º A estivemos traballando o valor da natureza e o respecto deica ela. Aproveitamos este día primaveral para desfrutar da gran riqueza natural do noso patio e de tódolos agasallos que este nós dá.
Hoxe tivemos unha clase un pouco distinta, aproveitando a pronta chegada da primavera, nenos e nenas de 6º saímos a poñer bonitos os nosos xardíns. Armados de sachos e anciños, e baixo a supervisión da profe Carmén fixemos un traballo xenial, pero non demos rematado. Xa vos iremos mostrando como vai a cousa.
Este venres 10 de marzo, tivo lugar unha xornada de atletismo organizada por AGRUDEBAM para inaugurar a pista de atletismo feita polo Concello de Tomiño para uso do noso centro en horario escolar e do público en xeral polas tardes e nas fins de semana.
Acompañáronnos neste acto inaugural o inspector de educación da zona Carlos Alberto Antuña, a alcaldesa Sandra González, o concelleiro de Deportes Ismael Troncoso, a concelleira de Cultura Cristina Martínez e o equipo directivo da ANPA Mosteiro.
Na xornada participaron os nenos e nenas de 5º de Primaria dos colexios de Tomiño e do Rosal: CPI Manuel Suárez Marquier, CEIP de Tebra, CEIP Pintor Antonio Fernández, CEIP de Barrantes, CEIP de Sobrada e o anfirión, o CEP Pedro Caselles Beltrán.
As probas nas que participaron foron: 60m lisos, 500m lisos, lanzamento de Vórtex, salto de lonxitude, lanzamento de peso e relevo 4x60 m. O profesorado de Educación Física dos diferentes colexios foron os responsables de organización e desarrollo da xornada, axudados polo alumnado de 6º de primaria do Caselles. O resto de nenos e nenas do noso centro tamén participaron asistindo como público e animando aos participantes.
As fotos da xornada podedes velas na páxina de AGRUDEBAM. Aquí vos deixamos un pequeno video resumo:
Venres de Entroido no Caselles, venres de desfile, e este ano acompañados polo sol e a calor.
A festa do Entroido xa empezou o xoves coa degustación de postres do certame gastronómico.
O venres todas as clases prepararon os seus disfraces e arredor das once demos comezo o noso desfile. Este ano o tema central foi a prehistoria, para ir entrando xa no tema estrela deste curso: Arte rupestre e mitoloxía galega.
Ante numeroso público desfilaron ata a praza do Seixo os trogloditas de 1º, os cazadores e cazadoras de 2º, os castros de 3º, arqueólogos e arqueólogas de 4º, recolectores e recolectoras de 5º e os druídas de 6º. Para ver tódalas imaxes preme na foto.
Agradecer a todas as familias a súa colaboración nesta celebración.
