O Entroido

QUEIMA DO MECO 16-02-24

Lun, 19/02/2024 - 17:12 — anabel

E xa para rematar o Entroido, levamos adiante a QUEIMA DO MECO, o 1º día de bo tempo, para queimar as malas cousas que pasaron neste ano que deixamos atrás. Ata o vindeiro Entroido!!!

O venres día 9 de febreiro e debido ao mal tempo, decidimos facer o DESFILE DE ENTROIDO no pasillo do centro. Por el desfilou todo o alumnado cos seus maravillosos disfraces confeccionados nas titorías e relacionados coa temática do Proxecto Integrado de Centro "A vida saudable": así os de infantil iban de espantallos; os de 1º e 2º iban de enfermeiros e enfermeiras; os de 3º e 4º levaban máscaras representativas de froitas e verduras, moi ben elaboradas, a similitude de Giuseppe Arcimboldo, pintor italiano, coñecido sobre todo polas súas representacións manieristas do rostro humano a partir de frores, froitas e plantas.; e os de 5º e 6º de médicos con todo o instrumental necesario. Ao ritmo da música do Entroido desfilamos, cantamos e bailamos toda a mañá. Como colofón á festa todo o centro acompañados polo mestre de música Óscar (á guitarra) nos deleitaron coa canción "Teoloxía" da Orquestra de Valdeorras.

OS MANDADIÑOS DO MECO-ENTROIDO 24

Xov, 08/02/2024 - 11:45 — anabel

Na semana do Entroido, concretamente do 5 ao 8 de febreiro, celebramos os MANDADIÑOS DO MECO, que este curso van adicados á VIDA SAUDABLE (Proxecto Integrado de Centro). Así o luns tiveron que traer "verduras e froitas na cabeza" para unha alimentación axeitada; o martes viñeron con "equipacións deportivas" e preparados para correr; o mércores viñeron co "pixama" para estar ben descansados e poder botar unha boa siesta; e o xoves como a hixiene é fundamental, tiñan que vir ben "aseados e limpos" e escoller o disfraz da casa que máis lles gustara. Esto dará paso ao ENTROIDO, que se celebrará o venres día 9 de febreiro. A DISFRAZARSE!!!!!

QUEIMA DO MECO E DOS MEDOS 04-03-22

Xov, 24/03/2022 - 12:22 — elena

Despois das vacacións de Entroido, levamos a cabo unha actividade para rematar con esta celebración: A QUEIMA DO MECO. Fixémolo no patio o 1º día de bo tempo e xunto co Meco tamén queimamos OS MEDOS metidos nunha caixiña, para que o lume levara todo. Mirade as fotos.

KOTE MALABAR PARA CELEBRAR O ENTROIDO 25-02-22

Xov, 24/03/2022 - 12:18 — elena

Trouxemos ao centro unha actividade para celebrar o Entroido, KOTE MALABAR que fixo malabares, técnicas de circo, teatro cómico, e mesmo tragaba lume pola boca. Fixo as delicias de nenas, nenos, mestres e familias que asistiron a este espectáculo circense. Picade nas imaxes para ver máis cousas que ocurriron ese día.

MANDADIÑOS DO MECO 2022

Xov, 24/03/2022 - 12:12 — elena

Este ano foi un pouco diferente, pero aínda así o MECO fixo que o disfrutaramos do mellor xeito posible, animándonos a traer diferentes complementos ao longo da semana. Así viñemos con estrelas, con gafas enormes, capas voadoras, vestidos de branco-negro e con gorras moi orixinais. Pasámolo de maravilla. Para ver máis momentos, picade nas imaxes.

QUEIMA DO MECO 18-02-21

Ven, 19/02/2021 - 14:41 — elena

O primeiro día de clase que fixo algo de bo tempo foi o xoves día 18 de febreiro, á volta das vacacións de Entroido, e decidimos no recreo "QUEIMAR O MECO", co fin de que todos os males se foran moi lonxe. Picando nas fotos veredes algunha máis de ese día.

PEDRO BRANDARIZ E OS SEUS "CONTOS CHOQUEIROS" 10-02-21

Mar, 09/02/2021 - 15:20 — elena

Malia estar pechados os teatros e os auditorios, no noso centro seguimos con actividades e o cómico e narrador oral PEDRO BRANDARIZ comeza cunha extensa xira de actuacións co seu espectáculo sobre o Entroido, "CONTOS CHOQUEIROS", que nos ofreceu o mércores día 10 de febreiro ás 11:30 horas.

Contos Choqueiros é un espectáculo de narración con contos e historias propias do Entroido, que ten como obxectivo dar a coñecer as principais figuras do Entroido galego: peliqueiros, cigarróns, pantallas, boteiróns,...Picando AQUÍ, veredes as fotos da actuación de Pedro Brandariz.

ENTROIDO 2021 Mandadiños do Meco

Lun, 08/02/2021 - 14:30 — elena

A partires da semana que ven dende o luns día 8 de febreiro, e ata o venres día 12 de febreiro, celebraremos dentro das posibilidades que a pandemia nos permite o ENTROIDO 2.021. Así o Meco mándanos vir con algunha cousa a modo de disfraz cada día da semana. Para ver que toca traer cada día pica na imaxe. Picando nas fotos poderedes ver moitos máis disfraces¡¡¡¡

QUEIMA DO MECO E XOGO DAS PIÑATAS 27-02-20

Ven, 28/02/2020 - 12:15 — alba.recarey

Xa de volta ao cole, o xoves día 27 de febreiro, o primeiro día sin chuvia era o día idóneo para A QUEIMA DO MECO e levar a cabo O XOGO DAS PIÑATAS, que non se fixo o día do desfile. Eiquí vos quedan unhas fotos de este día. Picade AQUÍ para ver máis fotos.

ENTROIDO 2020

Ven, 28/02/2020 - 12:09 — alba.recarey

Celebramos o ENTROIDO o venres día 21 de febreiro, comezando cun DESFILE polo pobo de San Cosme, aproveitando a fermosa mañá que nos acompañaba. Así todos nos transformamos en diferentes paxaros. Os de Infantil disfrazáronse de PAVOS REAIS; os alumnos de 1º e 2º de PINGÜÍNS; os de 3º e 4º de CISNES e os de 5º e 6º de PATOS. Os mestres ían de observadores e algunhas nais viñas de paxaros multicores. Ao chegar ao cole, xuntámonos todos no patio para que os rapaces lle contaran aos demáis algunhas cousas típicas de cada disfraz. E logo cantamos todos a canción "A SAIA DA CAROLINA" versionada sobre os disfraces dos nenos (con acompañamento de turutas, pandeiretas e guitarras). Rematamos o día degustando as sobremesas típicas de Entroido que con anterioridade trouxeran as familias. Picade nas fotos para ver máis.

OS MANDADIÑOS DO ENTROIDO 2020

Lun, 17/02/2020 - 12:53 — alba.recarey

Un ano máis chega o tempo de ENTROIDO, e como non, para ir quentando motores no centro comezaremos a semana cos MANDADIÑOS DE ENTROIDO. O luns 17 teredes que traer unha PLUMA na cabeza; o martes 18 algo no PETEIRO; o mércores 19 un ANTIFAZ e o xoves 20 ANEIS nos dedos. Así irémoslle dando cor ao noso entroido, que celebraremos o venres día 21, si o tempo o permite cun DESFILE DE ENTROIDO polo pobo de Antes. Para ver as fotos dos mandadiños, picade AQUÍ.

QUEIMA DO MECO 11-03-19

Mar, 12/03/2019 - 12:17 — soniatg

O primeiro día de bo tempo despois do Entroido, foi o luns 11 de marzo, e foi o día escollido para a QUEIMA DO MECO, como todos os anos. En horario de tarde saímos co alumnado para levar a cabo esta actividade no patio. O MECO é un boneco tradicional que coa súa presencia anuncia a chegada do entroido. O enterro da sardiña ou a queima do Meco, é unha tradición que simboliza a penitencia ao desenfreo, o triunfo da cinza e a imposición da austeridade que comeza coa Cuaresma.

ENTROIDO 01-03-19

Ven, 08/03/2019 - 15:21 — soniatg

O venres, día 1 de marzo, celebramos o ENTROIDO 2019, no colexio. Ante a imposibilidade de sair polo pobo a facer un pequeno percorrido, debido á chuvia, fixémolo polo pasillo do centro. Logo cada curso explicou o porqué dos seus disfraces e subiron a facerse unhas fotos no comedor do centro. Máis tarde saimos ao patio para levar a cabo o XOGO DAS PIÑATAS. Unha por grupo, unha para mestres e unha para pais/nais. E xa como remate, todos xuntos no comedor do colexio degustamos as delicias de entroido que trouxeron das casas as familias. Evidentemente os disfraces tiñan estreita relación co noso Proxecto Integrado de Centro sobre "A CIENCIA". Os de infantil iban de "Científicos Tolos"; os de 1º e 2º de primaria de "Utensilios de Laboratorio"; os de 3º e 4º de primaria de "Cousas da Meteoroloxía en Galiza"; e os de 5º e 6º de primaria de "Astronautas de EE.UU. e da Unión Soviética", con Trump e Putin á cabeza. Esperamos que vos gusten as fotos. Para velas todas, picade AQUÍ.

ENTROIDO 2018. "O EXÉRCITO DOS PANOS" DE ARCOS (Mazaricos).

Ven, 16/02/2018 - 16:34 — Anónimo

Este ano, e despois de moito traballar tanto mestres, nenos como as familias, todo o centro disfrazámonos do "EXÉRCITO DOS PANOS" co fin de revitalizar o ENTROIDO DE ARCOS (Mazaricos). Ademáis do Exército había cegos, xenerais e músicos como Marcos e o mestre Óscar, que nos acompañaron durante toda a xornada levando cos seus instrumentos o ritmo deste exército. Celebrouse o venres día 9 de febreiro, e debido ao mal tempo, demos unha pequena volta polo pobo de San Cosme e regresamos axiña xa que a chuvia nos acompañaba durante todo o percorrido (ata nos tivemos que resguardar no Bar PEGO). Xa no cole de volta fixemos un desfile polo pasillo ao ritmo de támbor e bombo, para rematar no comedor levando a cabo a pertinente sesión fotográfica. Rematamos a xornada xantando todos xuntos no comedor do centro todos aqueles doces típicos de Entroido que elaboraron con moita amabilidade as familias (orellas, fillos, chulas,...) e bailando ao son da música típica destas datas. Deixamos a queima do Meco e o xogo das piñatas para o 1º día que faga bo tempo á volta das vacacións de Entroido. Si queredes ver tódalas fotos de ese día, picade AQUÍ.

CHARLA DE SUSO E LEIRO SOBRE O ENTROIDO DE ARCOS 31-01-18

Mar, 06/02/2018 - 14:45 — Anónimo

O mércores día 31 de xaneiro, tivemos a sorte de contar no centro coa presencia de Suso do Concello e o Sr. Leiro de Arcos, que nos viñeron a dar unha charla e poñer fotos cunha presentación, para coñecer máis polo miúdo o ENTROIDO DE ARCOS, sobre o que estamos a traballar este ano para o Entroido. As fotos de esta charla, verédelas picando AQUÍ.

QUEIMA DO MECO E XOGO DAS PIÑATAS 06-03-17

Ven, 07/04/2017 - 11:35 — Anónimo

O luns día 6 de marzo pola tarde, queimamos o meco no patio e xogamos ao xogo das piñatas, que non nos dera tempo de facelo no Entroido. Así rematamos este período tan tradicional en Galicia. Pica nas fotos para ver máis.

ENTROIDO 2017

Lun, 06/03/2017 - 12:56 — Anónimo

Celebramos o ENTROIDO 2017 o venres día 24 de febreiro en horario de mañá. A temática foi sobre a música e en concreto sobre as TRIBUS URBANAS. En educación infantil foron de RAPEIROS, en 1º e 2º de primaria foron de PUNKIS, en 3º e 4º de primaria foron de GÓTICOS e en 5º e 6º de primaria foron de ROCKABILLIES. Todos xuntos saímos a dar unha volta polo pobo de San Cosme, acompañados pola música de Marcos á gaita e Josefa que se arrancou a tocar a pandeireta. Despois subimos ao escenario no comedor para lucir os nosos traxes e bailar as diferentes músicasdas tribus. Sacamos fotos e para rematar xantamos todo aquilo que trouxeron as familias para conmemorar ese día de Entroido: orellas, filloas, rosquillas, etc... Picando AQUÍ poderedes ver as fotos de ese día.

QUEIMA DO MECO 2016

Lun, 15/02/2016 - 15:30 — Anónimo

O 1º día despois das vacacións de Entroido, o xoves día 11 de febreiro, aproveitamos unha tregua que nos deu o tempo e poidemos rematar o Entroido coma se merece: coa QUEIMA DO MECO. Esperamos que este ano o pasarades o mellor posible, e ata o vindeiro curso!!!!. Picade nas fotos para ver máis fotos de ese día.

ENTROIDO 2016

Lun, 15/02/2016 - 15:27 — Anónimo

oCelebramos o noso ENTROIDO 2016 o venres día 5 de febreiro de 2016, en horario de 10 a 13 horas no patio do centro. Os disfraces foron moi coloridos e moi traballados. Así os de E.I. ían de CAMPOS DE FÚTBOL; os alumnos de 1º e 2º ían de ANTORCHAS; os alumnos de 3º e 4º ían de ABANDEIRADOS/AS dos xogos olímpicos; e os alumnos de 5º e 6º foron de DEPORTISTAS OLÍMPICOS FAMOSOS. Pais, nais e mestres tamén se disfrazaron para a ocasión. Despois do desfile fixemos o XOGO DAS PIÑATAS, por cursos e os pais/nais e os mestres, e para rematar a celebración, fomos todos para o comedor do colexio para DEGUSTAR OS DELICIOSOS MANXARES típicos desta festa, que nos trouxeron os pais e nais dos alumnos. Todo, por suposto, aderezado cunha boa dose de MÚSICA DE ENTROIDO. Para ver tódalas fotos de ese día pica AQUÍ.

MANDADIÑOS DE ENTROIDO 2016

Lun, 01/02/2016 - 14:20 — Anónimo

Comezamos indicándovos os MANDADIÑOS que rexirán no centro esta semana de ENTROIDO 2016. Pica AQUÍ para ver tódalas fotos.

QUEIMA DO MECO 19-02-15

Mér, 25/02/2015 - 11:38 — Anónimo

O primeiro día á volta do Entroido que fixo bo tempo foi o xoves día 19 de febreiro de 2015 e pola tarde saimos ao patio para queimar O MECO. Eiquí vos quedan unhas fotos. Ata o ano que ven!!!!

ENTROIDO 13-02-15

Mar, 24/02/2015 - 14:16 — Anónimo

O venres día 13 de febreiro de 2015 celebramos o ENTROIDO 2015. Debido ás inclemencias meteorolóxicas quedamos no centro. Os nenos e mestres disfrazáronse na primeira hora e despois fixemos un desfile polo comedor do colexio subindo ao escenario para sacar fotos e os demáis tiñan que adiviñar de que iban disfrazados os diferentes cursos. Logo cantamos todos, alumnado e mestres, xunto cos pais/nais asistentes ao festival unha canción a modo de "chirigota" creada pola mestra de música Susi, para quentar motores. Rematamos o día facendo o xogo das piñatas e comendo as lambetadas típicas do Entroido que trouxeron as familias das casas para ese día (chulas, filloas, rosquillas, orellas, etc...). Si queredes ver unha gran cantidade de fotos de ese día, pinchade en calqueira das fotos que se atopan na parte inferior.

MANDADIÑOS DE ENTROIDO 2015

Mar, 24/02/2015 - 13:48 — Anónimo

Comezamos a semana cos típicos MANDADIÑOS DE ENTROIDO, nos que cada día había que traer algún distintivo. O luns un sombreiro e unha capa, o martes a cara maquillada, o mércores as orellas de Mickey Mouse e o xoves unha claqueta e un cómic ou viñeta baixo o brazo. Eiquí vos quedan unhas fotos.

ENTROIDO 2014 E QUEIMA DO MECO

Mér, 19/02/2014 - 14:05 — xavisasu

Celebramos o ENTROIDO 2014 no centro o venres día 28 de febreiro. A temática este ano xira entorno á GASTRONOMÍA, proxecto integrado de centro que se leva este ano a diante no noso colexio. Para ese día tiñamos aprobado o cambio horario que foi de 10:00 ata as 13:15 horas. As actividades que levamos a cabo ese día foron as seguintes:

Os nenos e nenas disfrazaranse nas aulas e ante o mal tempo reinante sairon das clases disfrazados ás 11:50, cara ao comedor para facer un pequeno desfile, e cantar e bailar unha canción.
Logo levamos a cabo o xogo das piñatas, unha por curso, unha para pais/nais e outra para mestres.
Pedimos por carta, como tódolos anos, que as familias trouxeran comida de entroido, que colocarán en mesas no comedor mentras os nenos se disfrazan, para xantar posteriormente.
Unha vez rematadas todas as actividades os nenos foron nos buses para as súas casas ás 13:15 horas aproximadamente.
A queima do MECO realizouse, á volta das vacacións de entroido, o xoves día 6 de marzo.

Ademáis, os Equipos de Biblioteca e Dinamización da Lingua Galega queremos convidarvos a participar na recolleita de pratos típicos de Entroido para elaborar un LIBRO DE RECEITAS. Estas deberán estar escritas seguindo a estrutura dunha receita: incluiranse os ingredientes e a continuación os pasos a seguir para a súa elaboración. Con esta actividade tratamos de recuperar aqueles pratos tradicionais e propios do noso entorno, para que non se esqueza cómo se fai un bo cocido, unhas deliciosas filloas ou calquera outra suxerencia gastronómica na zona de Mazaricos. Desexando que participedes todos/as, enviámosvos o noso agradecemento.

MANDADIÑOS DE ENTROIDO 2014

Lun, 17/02/2014 - 14:11 — xavisasu

Durante a semana do 24 ao 28 de febreiro de 2014, realizaremos as actividades propias do Entroido. Do luns 24 ao xoves 27, os nenos virán disfrazados segundo a orde dos mandadiños, e o venres día 28 terá lugar o ENTROIDO 2014 no colexio. Os mandadiños serán os seguintes:

Luns día 24: traer un mandil.
Martes día 25: traer o mandil e un trapo de cociña na cintura.
Mércores día 26: traer o anterior e máis un mostacho.
Xoves día 27: traer o anterior e máis un paniño na cabeza.
Venres día 28: ENTROIDO. A temática no cole este ano será "A Gastronomía".

QUEIMA DO MECO E PLANTACIÓN DUN NOGAL 14-02-13

Lun, 18/02/2013 - 13:34 — davifele

O día 14 de febreiro de 2013, 1º día de clase á volta das vacacións de Entroido, levouse a cabo ás 15 horas a QUEIMA DO MECO. Ao mesmo tempo cantouse entre todos unha canción, preparada pola profe Susi. Para rematar o día, tamén levamos a cabo a plantación no patio dun nogal. Pica na foto para ver máis.

ENTROIDO 2013

Xov, 07/02/2013 - 12:02 — davifele

¡¡¡Xa está eiquí, outro ano máis!!! Chega o ENTROIDO 2013, ao noso centro. Como tódolos anos durante toda a semana os nenos foron cumprindo os mandadiños que lles dícía O MECO, e o venres día 8 de febreiro, levaremos a cabo no centro o GRAN DESFILE DE ENTROIDO 2013. Si o tempo nos respeta, faremos un percorrido polo pobo de San Cosme. Se non faremos o Entroido no centro con música, piñatas e desfile dos diferentes cursos, para posteriormente rematar xantando todas aquelas lambetadas que tan amablemente traen tódolos anos as familias. A DISFRUTAR, QUE TOCA!!!!!! Para ver as fotos desta celebración, pica en calquera das fotos.

QUEIMA DO MECO 23-02-12

Lun, 27/02/2012 - 12:02 — davifele

COMO É CONSTUME, O PRIMEIRO DÍA DE CLASE DESPOIS DO ENTROIDO, SE O TEMPO O PERMITE, LAVAMOS A CABO "A QUEIMA DO MECO" NO PATIO DO COLEXIO. ESTE ACTO TIVO LUGAR O XOVES DÍA 23 DE FEBREIRO, ÁS 15:00 HORAS.

ENTROIDO 2012

Xov, 23/02/2012 - 14:08 — davifele

O VENRES DÍA 17 DE FEBREIRO, LEVOUSE A CABO O ENTROIDO 2012. A PRIMEIRA HORA DA MAÑÁ VISIONOUSE TANTO EN AUDIOVISUAIS COMO NA BIBLIOTECA (PAIS/NAIS E ALUMNOS) FOTOS DE ENTROIDO DENDE O ANO 2003 ATA O ANO 2011 DO NOSO CENTRO. UNHA VEZ REMATADO OS ALUMNOS, AXUDADOS POLAS SÚAS TITORAS DISFRAZÁRONSE NAS AULAS, PARA DAR INICIO AO DESFILE QUE SE FIXO NO COMEDOR DO COLEXIO, ESTE ANO COA TEMÁTICA DOS "BOSQUES" COMO FIO CONDUCTOR. LOGO SAÍMOS AO PATIO PARA FACER O "XOGO DAS PIÑATAS", E COMO COLOFÓN DESTA FESTA, COMIMOS NO COMEDOR TODOS AQUELES MANXARES QUE AS FAMILIAS DOS NENOS TROUXERON DAS SÚAS CASA, ADEREZADO CON BOA MÚSICA DE ENTROIDO. TEMOS PREVISTO LEVAR A CABO "A QUEIMA DO MECO" O XOVES DÍA 23 DE FEBREIRO, SI O TEMPO O PERMITE.

FOTOGALERÍA ENTROIDO 2012(PINCHA AQUÍ)