Temos que decirlle adeus a Pan con chocolate de Paula Carballeira, con el divertimonos e

aprendemos. Pronto empezamos nova aventura. Xa vos iremos contando.

O pasado venres tivemos a 5º sesión do club de lectura, coa que rematamos o libro Pan con chocolate de Paula Carballeira. Como estaba bo día, dicidimos saír a ler ao exterior. Aproveitounos moito a lectura e o sol. Recreos saudables e divertidos.

Esta semana o luns fixemos un recitado poético musicado de Rosalía no que participaron todos os

grupos dende infantil a primaria. Tamén escribimos poemas nas ventás e o equipo da biblioteca

colocou un expositor con libros de Rosalía.

Esta mañá visitounos Eva Mejuto, autora de "A lavandeira de San Simón", para manter unha charla

co alumnado de 6º de Primaria. Contounos que a  Illa de San Simón foi, durante a Guerra Civil,

cadea e campo de concentración de máis de seis mil homes inocentes. E que  as mulleres 

axudaron, desinteresadamente, a facerlles máis soportable a condena levando comida e roupa limpa

á illa. Neste libro conta a historia dunha destas mulleres e da súa filla, que sufriron a represión

franquista e que loitaron por cambiar ese tempo que lles tocou vivir. Gracias pola túa visita Eva

Mejuto e gracias ao Concello de Oroso  por proporcionarnos estas experiencias.

Hoxe volvemos de novo ao Fogar Residencial de Portoavieira, para compartir cos residentes o Día de

Rosalía, foi un verdadeiro pracer recitar e cantar para eles, pero moito máis escoitar nas súas voces

os poemas de Rosalía que con tanto agarimos escribiu o noso alumnado.

      Quedamos con ganas de volver porque sempre nos tratan xenial! 

     Agradecer a Autos Grabanxa a súa colaboración desinteresada.

Hoxe, 23 de febreiro é unha data grande para nós. Celebramos o aniversario do nacemento dunha muller referente para Galicia e para o mundo. Hoxe cúmprense 186 anos do nacemento de Rosalía de Castro. No colexio levamos a cabo diferentes actividades que continuaremos para a vindeira semana. Unha das destacadas foi a visita por segunda vez ao Fogar Residencial de Porto Avieira. Alí puidemos gozar cantando e recitando poemas da nosa Rosalía. 

Libro rematado, mural acabado. Ata sempre Pan con chocolate

Hoxe no club de lectura comentamos a escena 5 "Pan e cebola", lemos os binomios fantásticos  que inventaran nas súas casas, que de verdade eran fantásticos, xa que estes rapaces e rapazas teñen moita imaxinación e creatividade. Rematamos colocandos no noso mural do club.

FAI CLIC NA IMAXE PARA VER AS RECOMENDACNS LECTORAS POR CICLOS.