A MILLA EUROPEA DE LÚA.

O pasado 17 e 18 de Outubro, Lúa reuniu a tod@s @s nen@s do colexio e convidounos a participar na Milla Europea de Lúa. Propúxolles facer una milla diaria no novo circuito para a milla instalado no patio do colexio. O seu obxetivo sería tentar chegar a Figueira da Foz en Portugal, a Torrevieja en Alicante, a Dublín en Irlanda, a Armagh en Irlanda do Norte e a Varese en Italia. Cada clase que consiga chegar ás vilas dos colexios socios no proxecto Erasmus+ terán un agasallo, para iso terán que realizar a Milla todos os días no recreo para acadar millas.

Esta actividade inspirada nas “ Escuelas de la Milla” é unha actividade que emprega o  entorno escolar e familiar para mellorar a saúde física, emocional e social dos nenos e nenas, por medio da diversión e o compañerismo.

Ademáis de axudarlles a levar un estilo de vida saudable, A Milla de Lúa proporciona a nenos, pais e profesores, unha morea de ventaxas e beneficios.

A actividade consiste en ir facendo millas para ir chegando aos diferente coles  que forman parte do proxecto Erasmus, e cos que estamos a traballar para unha finalidade común, que é promover un estilo de vida saudable e feliz.

O percorrido da milla pode facerse de calquera xeito, andando, correndo, en bicicleta…

Por cada milla que se faga, no colexio, na casa… conseguimos un gomet e  pegámolo nun panel de rexistro que temos en cada clase. Ao final do mes faise un reconto, e imos achegándonos aos diferentes coles. A posición na que vai cada clase tamén está recollida nun gran panel para infantil e outro para primaria no que podemos ir facendo un seguimento para motivarnos.

Para chegar:

· De Tui a Figueira da Foz: 211km-121 millas.

· De  Tui a Torrevieja : 812km-504 millas.

·De Tui a Dublín: 1267km-787 millas.

·De Tui a Armagh: 1374km- 854 millas.

·De Tui a Varese: 1457km-905 millas.

Dende aquí animamos a tódalas familias a unirse a este reto.