Premios

Premiados no XXXII Concurso da Constitución

Premiados no concurso

Un ano máis, unha alumna do noso centro resultou premiada no XXXII Concurso sobre a Constitución Española que organiza a Subdelegación do Goberno de España. Nesta ocasión foi o fantástico traballo plástico realizado por Lara de Ed. Infantil, e dirixido pola súa mestra Ana, o que non pasou desapercibido para os membros do xurado.

Premiada

Ligazón á nova en La Voz de Galicia.

Ligazón á nova en La Región.

Moitos parabéns para Lara!!!

Traballo premiado

Concurso "Falando de solidaridade"

O venres 15 de maio, asistimos á entrega de premios do II Concurso de debuxo, conto e relato “Falando de Solidariedade” convocado polo CEIP Padre Crespo de Xunqueira de Ambía no que resultou finalista na Categoría de Infantil unha alumna do noso colexio: Emma De Lorenzo Viljanen.

Nesta edición do concurso o tema eran historias solidarias en tempos de crise, no que o alumnado como protagonista fundamental do noso sistema educativo debía falar de valores como axuda, apoio, amizade, respecto, integración e compañeirismo entre outros.

Durante o acto puidemos desfrutar do Contacontos “O cociñeiro Antón e a pasteleira Tomasa” da compañía TEATRO CALAVERA, do concerto na Colexiata  de Najla Shami con Héctor Lorenzo acompañandoa ca guitarra e a actuación de “As Maimiñas” que amenizaban a merenda popular no patio das escolas vellas.

Moitos parabéns para Emma e para o CEIP Padre Crespo pola excelente organización do evento.

Concurso de poesía do Círculo Poético Ourensano

O xoves 23 de abril contamos coa presenza  do Presidente do Círculo Poético Ourensano xa que, viñeron expresamente a entregar a  CAMINO ALONSO FUENTE,  alumna de 6º de Primaria, o premio que lle foi otorgado por participar no concurso de poesía que organizara o Círculo poético. Acadou nada menos que o segundo lugar co poema titulado “Ourense Terra amiga”.

O presidente do círculo poético entregoulle a Camino un trofeo, cunha placa co seu nome e o premio otorgado, así coma un lote de libros e un diploma. Tamén lle deron un diploma a todo o alumnado participante no concurso. A continuación Camino leu o seu poema para todos os nenos e Mestres que estábamos na biblioteca escolar, contando tamén coa presenza da súa nai.

Para amosar a nosa gratitude ao Círculo Poético Orensano, por vir ao centro a entregarle a Camino o premio, regalámoslle un libro elaborado no colexio para festexar o día do libro, con poemas e contos inventados polos alumnos e alumnas do CEIP Manuel Sueiro, que tamén foron gañadores noutros concursos ao longo deste curso. O presidente do Círculo Poético pediulle aos nenos que llo asinasen como recordó.


Foi un acto moi emotivo!.

Galería de imaxes

Este foi o poema premiado:

OURENSE TIERRA AMIGA

Ourense, te encontré
y de ti me enamoré.

No fue la luna llena,
no fueron las estrellas,
fueron las aguas,
aguas de tus termas.

No fueron tus valles,
no fueron tus praderas,
fueron tus alegres calles
que están llenas de poemas.

Ourense te encontré
jamás te olvidaré.

Sobre tus puentes volé
y el río Miño crucé.

¡Oh, río mío!
Que tantas veces abracé.

Si pudiera volver a nacer
no lo dudaría,
esta ciudad escogería,
porque siempre, siempre
me llena de alegría.

Ourense te encontré
y entonces el mar olvidé.

Pronto el invierno pasará
y las calles húmedas se secarán.

Los parques de niños
de nuevo se llenarán.

Ourense ciudad de piedra y calor,
ciudad de lluvia y amor.

Cuantas tardes he pasado
comiendo garrapiñadas,
dando de comer a las palomas
que descaradas me rodeaban.

Ourense te encontré
y siempre, siempre te esperaré.

Cuando  hablo con
abuelos, tíos y amigos
recuerdo aquellos tiempos
de charlas en el Posío.

Ourense te encontré
y este poema te dediqué.

Ourense sabe acoller

O alumnado de 5º e 6º curso volveu participar, este curso, no programa "Ourense sabe acoller" que organiza o Concello.

Na primeira semana de decembro tivemos no centro un obradoiro de formación, a cargo de membros do programa "Ourense sabe acoller", sobre a problemática migratoria do noso país. Como traballo final do obradoiro cada un de nós plasmou as súas achegas nas tres modalidades de participación convocadas: textos curtos; poemas ou traballos artísticos/plásticos.

Os traballos de dúas alumnas do noso centro resultaron premiados no concurso:

  • Nuría, primeira clasificada na modalidade de textos curtos.
  • Noa, terceira clasificada na modalidade de poemas.

O 18 de decembro, Día Mundial da Migración, participamos nas actividades que organizou o Concello nas instalacións de Abanca da Alameda. Primeiro visionamos un vídeo sobre a migración en España, despois participamos nunha mesa redonda con dous emigrantes afincados en Ourense, Tamara e Djibril, que nos relataron as súas respectivas experiencias.

Como broche final, tivo lugar a entrega de premios aos 3 mellores traballos de cada unha das tres modalidades establecidas.

Na prensa local, La Región, recolle esta nova no xornal onde aparecen as gañadoras do noso cole baixo o titular de "Experiencias de otro mundo".

Galería de imaxes


Traballos gañadores

II Concurso "CEIP Manuel Sueiro"

Este premio, para centros de EI, EP e CEE, naceu co fin de que os nosos nenos e nenas se interesen pola lectura e se mergullen no placer de leren e escribiren, ofrecendo a oportunidade de facer visible as capacidades artísticas dos nosos pequenos unindo a literatura e as artes plásticas.

Ao mesmo tempo, tratamos de fomentar   en grupo, tanto na   aula, no ciclo ou no  centro, mesturando diferentes niveis educativos e buscando a  implicación do maior número posible de alumnado e profesorado.

Consiste en elaborar unha ADAPTACIÓN CON TEXTO E ILUSTRACIÓNS DUNHA OBRA DA LITERATURA UNIVERSAL que elixirá o Departamento de Biblioteca  e o Equipo de Normalización Lingüística do CEIP Manuel Sueiro de Ourense.

BASES PARA PARTICIPAR


  1. Participantes: Poderá participar o alumnado  de infantil e primaria.   Cada centro pode presentar un ou varios traballos.
  2. Tema: Este ano a obra para a adaptación  será “Historia de una gaviota y de un gato que le enseñó a volar” (Luís Sepúlveda)
  3. Idioma e formato: A adaptación da obra será en lingua galega, terá un formato A4 e a  técnica  será libre.
  4. Entrega: No dorso do material deberá figurar o pseudónimo dos autores. Na entrega incluirase un sobre pechado cos datos do centro participante: nome do centro, enderezo, correo electrónico.  A entrega farase por correo con acuse de recibo, ao enderezo do centro organizador:
                    CEIP Manuel Sueiro// rúa Escultor Failde, 21// 32004 Ourense.
  5. Prazo: Os traballos deberán entregarse antes do 1 de maio de 2014.
  6. Fallo: Realizarase nunha única fase. Contará cun xurado composto por persoas relacionadas coas artes e coas letras.
    O xurado valorará:
    • A creatividade artística e composición.
    • A integración e adaptación do texto á obra final.
  7. Premios: Haberá un único premio que consistirá en 100 euros para investir en libros; ademais farase unha exposición do traballo  no Centro, publicarase na páxina web do colexio así coma a  reprodución  dun exemplar para cada un dos participantes do traballo gañador, e varios exemplares para a biblioteca do centro.
  8. A obra gañadora quedará no colexio organizador pasando a formar parte dos fondos da biblioteca.
  9. Calquera aspecto non previsto nestas bases será resolto pola dirección do centro.
  10. A participación no concurso supón a  aceptación destas bases.

INSCRIPCIÓNS


Enviando un correo electrónico, indicando o desexo de participar a:
                ceip.manuel.sueiro@edu.xunta.es á atención do Equipo de Biblioteca

Vídeo da entrega de premios da edición do ano pasado a cargo do Conselleiro de Educación e Cultura


 

Descargar bases en pdf

Premiados no concurso de postais do Colexio de Economistas

Dous alumnos de Ed. Infantil do noso centro resultaron premiados no concurso de postais que organizou o Colexio de Economistas de Ourense.

Os premiados son:

  • Eva Seoane Pulgar. 1º premio da categoría de Ed. Infantil.
  • Mario Aller Fernández. Accésit na categoría de Ed. Infantil

Todos os premiados recibirán un diploma e un regalo acorde á súa idade que será entregado no centro.

Asemade, o traballo de Eva Seoane resultou gañador do concurso a nivel de todas as categorías, motivo polo que a súa postal será a escollida para felicitar as festas de Nadal 2014 do Colexio de Economistas de Ourense.

 
Eva Seoane Pulgar

Mario Aller Fernández

Finalistas no concurso "Ciencia que conta"

A alumna do noso centro, Camino Alonso Fuente, foi finalista no concurso "Ciencia que conta" co seu traballo titulado "Néfele, a raiña das nubes" conto realizado como actividade de investigación creativa e orixinal, no proxecto de Meteoescolas. Se premedes no título podedes ler o conto orixinal, así como os do resto dos compañeiros.

Na sesión de información que realizaron os alumnos de 6º curso, sobre o programa que están a desenvolver en Meteoescolas, a finalista, fíxonos unha lectura da súa obra.

 

Moitos parabéns!!!

XXXI Concurso da Constitución

O alumno Mario Aller de 6º de Ed. Infantil, do noso centro, resultou premiado na XXXI edición do concurso sobre a Constitución grazas ao seu excelente traballo de composición plástica.

Moitos parabéns!!

Asemade, tamén felicitamos ao resto do alumnado do centro que participou no concurso en base a excelente calidade dos traballos presentados.

Se premedes na imaxe podedes ver algúns dos traballos...

Autor: Mario Aller

 O 6 de decembro tivo lugar a entrega dos premios aos mellores traballos no Auditorio Municipal.

Imaxe dos participantes do Faro de Vigo

Premios "Ourense sabe acoller"

O mércores, 18 de decembro, o alumnado de 3º ciclo foi á aula de cultura de Novacaixagalicia situada na Alameda co motivo da súa participación na actividade organizada polo concello “Ourense sabe acoller”.

En primeiro lugar tivo lugar a proxección dunha película relacionada co tema chamada: “Baixo a mesma lúa”. Logo diso  presentouse o acto formalmente  e procedeuse á entrega de premios.No noso colexio tivemos dous gañadores:

  • Luis Chacón Lucas, de 5º
  • Nerea Silva Álvarez, de 5º

Parece que os premios foron do agrado dos nosos rapaces.

Parabéns polo traballo realizado!

A continuación podedes ver as fotos do eventos. Para ver todas, debes ir á galería fotográfica.

Premio a un alumno do colexio

O Concello de Ourense cada ano convoca un concurso de postais. Esta vez participaron os nenos e nenas de infantil. Quedou demostrado que temos uns artistas no noso colexio, pois unha vez máis o premiado saiu das nosas aulas.

O 18 de decembro veu unha representación do Concello ao noso centro para facer entrega ao gañador do concurso cun estupendo premio.

A postal gañadora foi creada polo neno de infantil de 3 anos:

  • Diego Urbina Estrada

Ademais do agasallo para el, a súa postal foi a que empregou o Concello para felicitar as festas de Nadal.

 


 

 

Distribuir contido