CEIP Plurilingüe de Lousada |

Día da Paz 2018

Sáb, 02/02/2019 - 15:54 — admin

Moreas de símbolos da Paz realizados polo alumnado encheron as nosas aulas e o centro para conmemorar esta celebración durante este curso escolar.

O curso anterior adicámoslle o día as mulleres da historia que loitaron pola paz en contra das desigualdades e inxusticias no mundo, e este ano coñecemos máis sobre un home que loitou por ela incansablemente, Nelson Mandela.

As nenas e nenos quixeron enviar as súas mensaxes e desexos elaborando a súa "Árbore pola paz", para que hoxe, e todos os días do ano, sexan o día da Paz!

blogue de admin

Primeira grabación dun STOP MOTION

Ven, 18/01/2019 - 20:02 — admin

O xoves no centro realizamos un obradoiro no eido do plan proxecta "Nós tamén creamos", no que as nenas e nenos comezaron a traballar co kit de grabación que se adquiriu no centro.

Primeiro creamos as nosas personaxes. Aproveitamos para reciclar e empregar materiais en deshuso do centro, calquera cousa se pode convertir nunha bonita personaxe con un pouco de imaxinación e pegamento.

Unha vez tivemos o noso elenco de actores e actrices preparado, montamos o noso kit de grabación: cámara, portátil, lámpadas de iluminación...

O fondo que escollemos desta volta foi branco, para xogar coa luz e ver as sombras que se producen durante a grabación e ver os distintos efectos que podemos conseguir con ela.

Durante esta primeira práctica recibiron unhas nocións básicas de manexo e seguridade mentras se traballa con este equipamento.

A orixe do cine e da animación

Xov, 10/01/2019 - 01:00 — admin

LUCES...CÁMARA...ACCIÓN!!

Comezamos a por en marcha actividades enmarcadas no proxecto "Nós tamén creamos".

Este proxecto, no que participará o alumnado de 1º,2º,3º e 4º de educación primaria, versará sobre o mundo do cine e da animación, proxecto no que realizarán un STOP MOTION dun libro de literatura galega que elas/es memas/os escollan entre unha colección deles.

Pero este amor polo cinema será extendido a todo o alumnado do centro, dende a Educación Infantil ata os cursos máis altos da Educación Primaria, polo que todo o centro se mergullará no mundo do cine e da animación empregando diferentes estilos, técnicas e diferentes recursos.

Para saltar dentro deste proxecto, decidimos comezar dende o principio, polo que no centro realizamos un taller de animación e orixe do cine.

Primeiramente o alumnado expuxo as súas ideas previas sobre o cine, os seus gustos e como pensan que comezou este arte e cando (case o adiviñan).

Primeiros pasos con DOC

Mér, 09/01/2019 - 01:00 — admin

Neste segundo trimestre, o alumnado de 1º, 2º e 3º comezará a traballar máis no mundo da robótica co noso robot DOC.

Para comezar as nenas e nenos realizarón un brainstorming para buscarlle un nome ao robot, e despois dunha dura votación, o nome escollido foi TINTÍN.

Durante este proxecto crearemos un rincón permanente de robótica educativa. Nel o alumnado poderá traballar co robot de maneira guiada nalgunhas actividades, pero tamén de maneira autónoma, podendo atender deste xeito aos diferentes ritmos de aprendizaxe que nos atopamos na aula.

O robot acompañaranos non soamente nas sesións específicas de robótica que realizará o alumnado destes niveis, senón que tamén o empregaremos para adquirir e repasar os contidos de distintas materias dunha maneira lúdica ao longo deste trimestre mediante o planteamento de diferentes actividades e creando taboleiros que empregarán para explorar este tipo de recursos en función da temática proposta.

Sorpresas á volta de Nadal!!

Mar, 08/01/2019 - 20:52 — admin

Regresamos das festas de Nadal!

Todas e todos viñamos coas pilas cargadas, aínda un pouco durmidas/os por ser o primeiro día pero con ganas de falar e contar todo o que fixeramos durante estas semanas.

Pero a pesar do que puidera costar voltar á rutina, cando chegou a hora do recreo atopamos estas sorpresas na nosa biblioteca escolar que nos fixeron abrir os ollos de par en par!

Unha morea de Legos para continuar coas nosas ansias de construir e crear, que como sabemos, o xogo non esta reñido coa aprendizaxe, senón todo o contrario. Os regalos perfectos para continuar cos proxectos relacionados coas STEAM que levamos a cabo durante este curso.

Seguro que pasaremos grandes momentos durante os nosos recreos e empregandoos tamén nas nosas clases!