Robótica

Neste segundo trimestre, o alumnado de 1º, 2º e 3º comezará a traballar máis no mundo da robótica co noso robot DOC.

Para comezar as nenas e nenos realizarón un brainstorming para buscarlle un nome ao robot, e despois dunha dura votación, o nome escollido foi TINTÍN.

Durante este proxecto crearemos un rincón permanente de robótica educativa. Nel o alumnado poderá traballar co robot de maneira guiada nalgunhas actividades, pero tamén de maneira autónoma, podendo atender deste xeito aos diferentes ritmos de aprendizaxe que nos atopamos na aula.

O robot acompañaranos non soamente nas sesións específicas de robótica que realizará o alumnado destes niveis, senón que tamén o empregaremos para adquirir e repasar os contidos de distintas materias dunha maneira lúdica ao longo deste trimestre mediante o planteamento de diferentes actividades e creando taboleiros que empregarán para explorar este tipo de recursos en función da temática proposta.

Na aula de plástica, co alumnado de Ed. Infantil e o de 1º,2º e 3º de primaria,  estivemos a traballar nas últimas semanas nun proxecto transversal entre diferentes asignaturas (inglés, arte e ciencias sociais) e proxectos (Mobilidade Sostible e segura, Robótica, Plurinfantil e Plurilingüe): a realización da maqueta dunha cidade. 

Na área de ciencias sociais, o alumnado estivo a aprender a diferenza entre os servizos e construccións que atopamos nunha cidade, nun pobo e nunha aldea. 

Na área de plástica, na que a lingua vehicular é o inglés, estivemos a aprender os nomes dos materiais que empregamos para realizar a nosa maqueta; repasamos as cores, formas e números; e por último aprenderon o nome das tendas, edificios e lugares que escollemos para formar parte da nosa cidade. 

Por outra banda, xa que no centro temos os proxectos de "Mobilidade sostible e segura" e "Introducción á robótica na educación primaria", nas próximas semanas pasaremos á seguinte fase deste proxecto, na que empregaremos os nosos robots para pasear pola cidade, repasando normas de circulación segura (como conductores e como peatóns), así como desarrollar no alumnado valores de conservación do entorno. Pronto veredes máis sobre esta actividade. 

Aquí vós deixamos fotos do alumnado realizando o proxecto. Os máis maiores tomaron as medidas e coa axuda do profesorado dividiron o espazo. Logo comezamos a decorar a maqueta, tentando empregar en todo momento (coa gran axuda da auxiliar de conversa) a lingua inglesa.